ETAk 1998an Zarautzen hil zuen zinegotziaren semea da Mikel Iruretagoiena. Larunbatean PPk omenaldia egin zion José Ignacio Iruretagoienari. “Utzi nire aita bakean, mesedez!”, adierazi du haren semeak.
Omenaldia Zarauzko hilerrian bertan egin zuen EAEko PPk. Egun berean, alderdiaren presidente Pablo Casadok bere Twitter kontuan idatzi zuen: “Biktimak beti egongo dira gure oroimenean, eta [Espainiako] Gobernuak aste honetan terroristak bisitatu dituztenekin eta "erregimena botatzeko mehatxua" egiten dutenekin ituna egitea gaitzesten dugu”.
Familiako inor ez omenaldian
Igandean sare sozial berdina erabilita erantzun dio Mikel Iruretagoienak Casadori: “Casado jauna, ni naiz argazki horretan agertzen den umea. Esan nahi nizuke oso polita geratu zaizuela gaur nire aitari egindako omenaldia. Hain polita, familiako kide bakar bat ere ez dela ekitaldian izan. Jarraitu horrela jokatzen biktimen familiekin, primeran joango zaizue eta. Utziozue biktimen lepora bizitzeari, bada garaia zuen politika gure hildakoetan baino zerbait gehiagoan oinarritzeko. Utzi nire aita bakean, mesedez!”.
Seguid actuando asi con las familias de las victimas, que os ira genial. Dejad de vivir de las victimas, ya es hora de que vuestra politica se base en algo mas que en nuestros muertos. Dejar a mi aita en paz, por favor! (2/2). @CovitePV
— Mikel Iruretagoyena (@mikeliru) January 10, 2021
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.
Motibazio politikoko lehen hamabi biktimarentzat aitortza eta erreparazio ekitaldia egin da maiatzaren 30ean Iruñeko Baluarte aretoan. Ekitaldia urtero egiteko asmoa agertu du Gobernuak.
Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".
Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.
Asteazken honetan prozesu horren berri eman du Martin Zabalza motibazio politikoko Biktimen Aitortzarako eta Erreparaziorako Batzordeko lehendakariak. Ostegunean, Egiari Zor Fundazioak eta Nafarroako Torturatuen elkarteak pauso garrantzitsua dela adierazi dute Iruñean... [+]
Sanfermines-78: gogoan! elkarteak, German Rodriguezen ahaideek, 1978ko sanferminetako gertaeretan larriki zauritutako pertsonak eta Iruñeko Peñen Federazioak 2019ko urtarrilean kereila bat paratu zuten 1978ko sanferminetan, Iruñean, jazotako poliziaren... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Egiari Zor fundazioak salatu du “tratu desberdina” jasotzen dutela torturaren biktimek beste biktima batzuekin alderatuta. Halaber, nabarmendu du izapidetze-prozesuan arazoak eta atzerapenak daudela.
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.