Estrategia sozialistaren nolakotasunaz eta etorkizuneko erronkez hausnartu dute Gazte Topagune Sozialistan
"Euskal Herriko gazte askok parte hartu dute Topaguneko ekimenetan, sozialismo iraultzaileak milaka gazte langileren artean duen atxikimenduaren erakusle dena", adierazi dute GKSk eta IAk ekimenaren osteko balorazio politikoan. Antolatzaileen arabera, milaka gazte elkartu dira Atarrabian eta Burlatan.
Bost egunekoa izan behar zuen Topagune Sozialista bi egunetara egokitu zuten, antolatzaileen esanetan, Atarrabiako eta Burlatako udalen "jarrera aldaketak" eraginda, eta gertakariok "maniobra burokratiko baten barruan" kokatu zituen GKSk. Hala eta guztiz ere, egitaraua moldatuta, Topagunea "berme guztiekin" egingo zutela hitzeman zuten urriaren hasieran.
Topagunearen osteko balorazioan ere Mugimendu Sozialistak seinalatu du "modu burokratikoan debekatu nahi izan" zaiela topaketa egitea. Horrez gain, ekimena arrakastatsua izan dela aintzat hartuta, EH Bilduren eta Sorturen "oinarri sozialari" dei egin die debekuen tankerako "erabaki burokratikoen eta baztertzaileen inguruan hausnartzera".
"Estrategia sozialista berriaren" lanketa
Estrategien "nolakotasunaz eta erronkez" eztabaidatzea izan da Topagune Sozialistaren "erdigunea", antolatzaileen esanetan. Hiru hitzaldi antolatu zituzten ostiralean, eta beste bat larunbatean. Besteak beste "burgesiaren botereari" aurre egiteko militantzia ereduaz, "proletarizazio prozesuaz" eta komunismoaren "berrosaketarako" oinarriez hitz egin zuten.
Horrez gain, ostiral iluntzean manifestazioa egin zuten Burlatako plazatik irtenda, Topagune Sozialistari debekurik ez! Gazte langileon aurkako jazarpenari aurre egin! lelopean. Larunbat eguerdian, bestalde, Atarrabiako plazatik Iruñera abiatu zen beste manifestazio bat, Gazteria langilea Estatu Sozialista eraikitzen! aldarriaren pean. Horrez gain, Palestinako herriari elkartasuna erakusteko argazkia ere atera zuten.
Kanpaldia "debekatuta" bazegoen ere, "gazte andanak" gaua pasa zuen "debekatutako gune nagusietako batean".
"Debekuek ez zuten zentzurik"
Topagunetik indarturik atera direla adierazi dute antolatzaileek: "Baimenik ez edukitzeak dakarren ezegonkortasun guztiarekin ere, bertako ekimenetan milaka gaztek hartu dute parte". Komunikatuan EH Bildu eta Sortu jarri dituzte jomugan, eta haien "oinarri soziala" interpelatu dute, jendeak "hausnartu" dezan haien alderdiaren "erabaki burokratikoen eta baztertzaileen" inguruan.
Bestalde, Poliziaren presentzia ere salatu dute, hiri-sarbideetan kontrolak jartzeaz gain, bertaratutako zenbait kide ere identifikatu dituztelako.
Urriaren 31tik azaroaren 2ra Gazte Koordinadora Sozialistak eta Ikasle Abertzaleak-ek Gazte Topagune Sozialista egin dute Altsasun (Nafarroa). Europan eta Euskal Herrian hedatzen ari diren “proiektu atzerakoiak” jarri dituzte jomugan eta joera horiei ez dietela... [+]
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
“Kezkagarria” den egoera baten aurrean erantzuna “urgenztziakoa” dela dio Itaiak Bilbon egindako prentsaurrekoan. Eskuineko sektoreek matxismoa “neurri baztertzaileak” galdegiteko baliatzea salatu eta gizartean “kontzientziazioa... [+]
Jipoia uztailaren 11ko gauean izan zen Euskaldunen plazan, eta biktima gauean bertan ospitaleratu zuten Euskal Kostaldeko Ospitalean, Baionako prokuradore Jerome Bourrierrek informatu duenez. Atxilotutako gizona behin-behineko espetxealdian dago, Baionako fiskaltzak eskatuta,... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
GKSk kanpaldia abiatu du asteazkenean Artzain Onaren katedralean, eta mobilizazioa egingo dute ostegun arratsaldean. Ohartarazi dute Palestinako Estatua formalki aitortzeak ez duela palestinar herriaren egoera aldatuko. Kanpaldia ostiral arratsaldean amaituko dutela jakinarazi... [+]
“Desadostasun ideologikoen gainetik”, jai herrikoiek denon espazio izan behar dutela ulertuta, txosnetan GKSri eta Etxebizitza Sindikatuari Gasteizen eta Luberri Konpartsari Bilbon betoa jarri dietela salatu eta konponbidea eskatu dute 150 bat artistak. Tartean dira... [+]
Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]
Zaintza sektoreko langileen baldintza txarrak eta zaintza zerbitzuen kalitatearen okertzea salatu dituzte. Sektore feminizatuetan borrokan diharduten emakume langile asko batu dira mobilizazioetara; Correosek eta beste hainbat enpresak azpikontratatutako garbitzaileak,... [+]
Ostiralean Palestinaren alde egin zuten kontzentrazioan Ertzaintza “gogor oldartu” zela nabarmendu du Gazte Koordinadora Sozialistak.
EH Bilduk eta Sortuk “jarrera baztertzaile eta debekatzaileekin jarraitzen" dutela salatu eta Topagune Sozialistaren egitaraua "berme guztiekin" egin dadin "moldatu eta egokitu" behar izan dutela adierazi dute GKSk eta Ikasle... [+]