Estrasburgok Espainiako Estatuaren aurka ebatzi du berriro, oraingoan Tasio Erkiziari jarritako zigorragatik
Europako Giza Eskubideen Epaitegiak ebatzi du 2008an Jose Miguel Beñaran Argala-ri egin zitzaion omenaldian ez zela terrorismorik goretsi. Hori egotzita Tasio Erkizia, Batasunako buruzagi ohia epaitu eta urtebeteko espetxera eta zazpiko inhabilitaziora zigortu zuen Espainiako Auzitegi Nazionalak. Espainiako Estatua zigortu du Erkiziari kalte materialen kontzeptuan 6.000 euro ordaintzera eta beste 5.000 kosta eta gastu kontzeptuan.
aurre egingo dieten hedabide independenteak
Europak ebatzi du ez zegoela harreman zuzenik Erkiziak egun hartan egin zuen diskurtsoaren eta biolentzia sustatzearen artean, eta gainera, ezker abertzalearen helburuak bide demokratikoen bidez lortzeko mezua zabaldu zuela, ElDiarion irakur dezakegunez. Horrenbestez, Erkiziaren adierazpen askatasuna urratu zela ere adierazi du Estrasburgoko epaiak.
Espainiako Auzitegi Nazionalak Tasio Erkizia zigortu zuen, 2008ko abenduan Arrigorriagan egin zuten ekitaldi bateko hizlari nagusi izateagatik. Egun hartan ezker abertzaleak José Miguel Beñaran Argala ETAko buruzagi historikoa omendu zuen, garai hartan 30 urte betetzen baitziren Batallón Vasco Españolek atentatu baten bidez hil zuela.
Bere diskurtsoan, Erkiziak gogoeta eskatu zuen "aukeratzeko biderik egokiena, Estatuari minik handiena egingo diona eta herri hau agertoki demokratiko berri batera eramango duena". Bere hitzartzea "Gora Euskal Herria Askatuta", "Gora Euskal Herria euskalduna" eta "Gora Argala" esanez amaitu izana ere erabili zuten bera zigortzeko.
2016an Espainiako Konstituzio epaitegiak berretsi egin zuen Erkiziari aurretik jarritako zigorra, "terrorismoa goretsi" zuelakoan.
Europako Giza Eskubideen Epaitegiak ebatzi du, 2021ean, Espainiako epaitegiek esandakoaren kontrakoa. Hau da, adierazi du, Erkiziaren adierazpenak egoera politiko eta sozial tentso batean egin zirela. "Demandantea ETA erakunde terroristako kide ezagun bat omentzeko eta goratzeko hizlari nagusi izan bazen ere, bere diskurtsoak ez zuen bortxaren erabilera eta erresistentzia armatua goretsi, ez zuzenean ez zeharka ere".
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Komunikazio ministro eta gobernuaren bozeramaileak iragarri du neurria. Berehala galdetu diote ea mehatxuren batek bultzatu duen erabakia, eta horri erantzun dio "mehatxua Israelgo eskuin muturretik" datorrela.
Iñigo Urkullu lehendakari ohiak adierazi du Txiki eta Otaegi Eusko Jaurlaritzak aitortutako biktimak direla, eta hala "errespetua" merezi dutela. Haien biktima izaera ezin dela zalantzan jarri azpimarratu du.
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]