Estellerriko Bibliobus liburutegi ibiltaria Nafarroako Erdialdera zabalduko da
Kultura, Kirol eta Turismo kontseilariak pasa den legealdian martxan jarri zuen zerbitzua “arrakastatsua” izan zela adierazi du legebiltzarrean, 8.000 pertsona baino gehiagok erabili baitzuten 42 udalerritan. Nafarroako Gobernuak, halaber, Sendaviva parkea “birmoldatuko” duela iragarri du, “erreferentziazkoa” bihurtu eta ekonomikoki “jasangarria” izan dadin.
Nafarroako Gobernuak “liburutegi zerbitzuak herritar guztiei helarazi” nahi dizkie, “bizi diren lekuan bizi direla”. Horretarako, 2022ko urrian Estellerrian abian jarri zen Bibliobus izeneko autobus ibiltariaren eredua erkidegoaren Erdialdera ere eramango dela azaldu zuen Rebeca Esnaola Kultura, Kirol eta Turismo kontseilariak asteartean Nafarroako Legebilzarrean, legealdi berriari begira bere sailaren lan ildo nagusiak aurkezteko batzordean.
Neurri hau kontseilaritzaren programaren erakusle dela esan liteke, deszentralizazioa izango baita Kultur sailaren politiken ezaugarririk nabarmenena. Ildo honetatik, erabaki guztiak “lurralde-kohesioa” hobetzeko asmoz gauzatuko direla azpimarratu du behin baino gehiagotan bere aurkezpenean zehar. Izan ere, “Bibliobusa lehentasunezko proiektua da irisgarritasun kulturalari, lurralde politikak garatzeari, despopulazioari aurre egiteari, eta landa inguruneko biztanleriaren aukera berdintasuna bermatzeari dagokionez".
“Aurreko legealdian 42 udalerritan eta bost eskolatan banatutako 47 geldialdi egiten zituen Bibliobusak, 8.000 pertsona baino gehiagorengana helduta”, aipatu du Esnaolak. Ekimenaren “arrakastarengatik” harro agertu da kontseilaria, “irakurketa duintasunezko eskubide gisa” ulertzen baitu.
Estellerriko Bibliobusak, liburu, aldizkari eta filmak garraiatzen ditu egunero herriz-herri. Sei ibilbide egiten dituzten beste hainbeste ibilgailu daude guztira, eta haien geldialdiak eta ordutegiak Nafarroako Liburutegi Publikoen Sarearen webgunean kontsulta daitezke. Gainera, ezohiko geldialdia eskatu daiteke webgunean bertan dagoen galdetegi bat betez, dokumentuak etxeko atean bertan jaso ahal izateko.
Nahiz eta liburutegi baten tamaina ez izan, Bibliobusaren eskaintzak Nafarroako Liburutegien Sarearen beste edozein egoitzaren antzekoak dira: zerbitzua erabiltzeko txartela lortzea eta liburutegien arteko maileguaren bidez beste liburutegi batzuetako liburu, film edo diskoetara heldu ahal izatea.
Bestalde, turismoari erreparatuz, Esnaolak esan du datozen lau urteak “funtsezkoak” izango direla “Sendavivaren eta bere ingurunearen birmoldaketan”. Horretarako, zehaztu du aurreko legealdian Erriberako hainbat eragilerekin “elkarlanean” egin den “hausnarketa prozesuaren” ondorioak aztertu eta neurriak hartuko direla Arguedaseko aisialdirako natur parkea “erreferentziazkoa” bihurtu eta ekonomikoki “jasangarria” izan dadin. Gogoratu beharra dago 2004an ireki zenetik, Sendavivak ia 90 milioi euroko diru laguntza publikoak jaso behar izan dituela bizirauteko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Lineal A duela 4.800-4.500 urte erabilitako idazkera minoikoa da. Berriki, Kretako Knossos jauregi ezagunean, bolizko objektu berezi bat aurkitu dute, ziurrenik zeremonia-zetro gisa erabiliko zutena. Objektuak bi idazkun ditu; bata, kirtenean, laburragoa da eta aurkitutako... [+]
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
Nafarroako Erriberako Andosilla herrian, sorpresa ugari ematen ari den indusketa arkeologikoa egiten ari dira Aranzadiko arkeologoak eta herritar boluntario taldeak. Resako aztarnategian orain arte oso ezezaguna zaigun Goi Erdi Aroko gizarteak hobeto ulertzeko aztarnak aurkitu... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Juan Bautista Bilbao Batxi idazleak barku batean egiten zuen lan, eta bere bidaietako kronikak bidaltzen zituen Euzkadi egunkarira. Horri esker, XX. mende hasierako mundu osoko kronika interesgarriak ditugu, euskaraz. 1915eko ekainean, hain zuzen, Murtzian egin zuen... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
Haurtzaroaren amaiera eleberri distopikoa idatzi zuen Arthur Clarkek, 1953. urtean: jolasteari utzi dion gizarte baten deskribapena. Eta ez al da bereziki haurtzaroa jolasteko garaia? Jolasteko, harritzeko, ikusmiratzeko eta galdera biziak egiteko unea. Ulertzeko tartea zabalik... [+]
Badira etxebizitzak saltzeko atarietara harpidetuta daudenak, etxe bat erosi nahiko luketelako. Tarteka etxeak ikusteko hitzorduak ere egiten dituzte, eta seguru nago saltzaileak badakiela pertsona horiek ez dutela etxea erosiko, ez bisitan etxeari aurkitzen dizkioten baina... [+]
