“Estatuko hizkuntza gutxituetako ordezkariek harriduraz ikusten dute han PP eta Voxenak diren jarrerak hemen ezkerreko alderdiek dituztela”
Euskalgintzaren Kontseiluko idazkari nagusiak larunbateko manifestazio jendetsuaren balorazio baikorra egin du igande goizean Euskadi Irratian. Bildutako jendetza herritarren euskararekiko konpromisoaren erakusgarri dela adierazi du, baina PSEren eta Ahal Duguren falta sumatu duela. Manifestazioak itun soziopolitiko baten alde lanean jarraitzeko indar handiagoa eman diela gaineratu du.
Larunbateko manifestazioko jende oldea “euskararen normalizazioarekiko dagoen konpromisoaren erakusgarri” dela esanez hasi du elkarrizketa Eskisabelek. Kopuruarekin batera, bildutako herritarren “askotarikotasuna” ere nabarmendu du. Horrek adieraziko luke euskalgintzak adierazten dituen kezkak “oso konpartituak” direla jendartean. “Poza” agertu du Eskisabelek, eta azaldu du “lanean jarraitzeko indarra eta gogoa” handiagoak direla larunbata eta gero.
Itun soziopolitikoaz
Itun soziopolitiko baten beharra aldarrikatu zuen Kontseiluak manifestazioaren amaieran. Euskadi Irratiko elkarrizketan Eskisabelek gogoratu du, edonola ere, itun horren beharra oldarraldiaren aurretik mahaigaineratu duela euskalgintzak, jendartean oro har ematen ari diren aldaketa sakonen aurrean, globalizazioa edo digitalizazioa kasu. Hizkuntzekin dugun harremana eraldatzen ari dela azaldu du, “bereziki gazteen artean”, eta euskara, “hizkuntza gutxitua den heinean, are zaurgarriagoa” dela.
Itun hori erdiesteko tresna nagusia 2021ean aurkeztu zen Batuz Aldatu dinamika dela gogoratu du Eskisabelek, “150 eragileren atxikimendua duena jada”. Mamiaz eta bideaz, adierazi du “adostasunak josten lan handia” egin beharra dagoela. Baina zehaztu du ere justizia sozialaren edo berdintasunaren baloreak erdigunean egon behar dutela, eta Batuz Aldatu bi helburu nagusi adostu direla dagoeneko: “Ezagutzeren unibertsalizazioa eta erabilerarako eremu erosoak”.
Faltan nor
Esatariak galdetu dio Kontseiluko idazkari nagusiari ea inor faltan bota duen manifestazioan, Jaurlaritza aipatuta. Eskisabelek garrantzia kendu dio, Jaurlaritzak “bere arrazoiak” eman dituela esanez. “Hori baino kezkagarriagoa da gure herriko sektore politiko batzuk ordezkatuta ez egotea”, adierazi du, PSE eta Ahal Dugu aipatuta. “Egun hauetan egon dira gurekin galizieraren, asturieraren, katalanaren edo aragoieraren ordezkariak, eta harriduraz ikusten dute beraien lurraldeetan PP eta Voxen eremukoak diren jarrerak hemen ezkerrean kokatzen diren alderdiak dituztela”. Sektore horien “falta” sentitu duela eta horiekin “lasai eta patxadaz egin beharreko lan bat” dagoela azaldu du.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskararen kontrako epaien oldarrialdien, azkenengoetako bat izan da Gipuzkoako entitate publiko bat, Kabia, kinkan jarri duena, ezarritako hizkuntza eskakizunen kontrako epai batekin. Bertako langileak egonkortzeko prozesuan ezarritako euskara eskakizunak, euskararen... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
Donostiako auzitegiak Gipuzkoako Foru Aldundiko aterpetxeetako garbitzaileen lanpostuen prozesuaren harira sententzia eman du: lanpostu guztietarako hizkuntza eskakizuna ezartzea “proportzioz kanpokoa eta diskriminatzailea” dela dio. CCOO sindikatuak eman du... [+]
Euskal Herriko lurralde batzuetan euskara ofiziala da, besteetan meridianoaren arabera ofiziala ala ukatua eta, aitzitik, ipar aldera bagoaz, toleratua (ez ofiziala).
Azken boladan, epaitegi batzuk ebatzi dute funtzionario publikoek ez dutela euskara ezagutzarik izan behar eta,... [+]
Realeko futbol taldeko entrenatzaile Imanol Alguacilek, Nizan, Europako Ligako partiduaren aurretik eskainitako prentsaurrekoan euskarazko hedabideei euskaraz erantzuten ari zela, hainbat kazetariren kexa entzun behar izan du. Duela astebete antzeko egoera gertatu zen... [+]
Amurrioko Udalak alde bakarrez dirulaguntza kendu zion eskualdeko euskarazko komunikabide bakarrari, eta ehunka herritarrek eta entitatek eskatu zioten dirulaguntza berrezartzeko. Aiaraldea Komunikabidea saiatu da udalarekin biltzen, baina udalak elkartzeari uko egin dionez,... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
EAEko Auzitegi Nagusiak atzera bota du Donostiako bi udaltzain postutarako euskarazko B2 profila eskatzen zuen lan deialdia. "Euskaldunen eskubideak urratzen dituen" epai berri honen aurrean, hainbat eragilek salatu du "euskaldunen aurkako oldarraldiak"... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.