Estatuen udaberria Ekialde Ertainean?
Argazki batekin hasi zela esan liteke, eta hilabete besterik ez da igaro. Behartu antzera hasi zen, gainera, argazkia bera interpretatu behar bagenu: bitartekoa bakarrik zegoela eroso eta pozik ematen zuen. Beraz, martxoaren 10ean ez zitzaion aparteko etorkizunik igartzen, Txina ezkontzagin zela, Iran eta Saudi Arabiak adostutako harreman diplomatikoen berrezarpenari.
Baina hilabete joan da eta mugimenduak biderkatu egin dira, alde askotatik, guztiak ildo bertsuan. Elkarri eskua ematen dioten edo aurrez aurre eserita dauden bi gizonen kartoizko gorputz-irudien gainetik aurpegi aldagarriak agertzen joango balira bezala. Erdian hirugarren bat agertu behar duenean, hori bai, txinatarra da.
Ekialde Ertaineko politikagintza eta diplomaziaren aditzera minimoa duenak badaki zein tarte laburra egon daitekeen ezpata eta olibondo-adaxkaren artean. Baina, hala ere, aitortu behar da Bashar al Assad Emirerrietan ikusteak, edo Yemengo gerrari amaiera-data, egun gutxi barrurako gainera, jartzen zaiola aditzeak neure buruari atximur eginarazten dit niri behintzat.
Horren gotortuta dauden eta hainbesteko odolustea erakarri duten gatazkak hain azkar eraman ote litezke politikagintzaren mahaira eta, hein batean bederen, konpon ote daitezke? Hala bazen, zergatik ez da hori lehenago gertatu? Edo zer dela eta orain?
Agerian edo isilka, ia kasu guztietan konpontzaile- edo ezkontzagin-lanetan azaltzen den Txinak bakegintza horretarako lukeen berehalako interesa (erregaiak eta, orokorragoan, lehengaiak bermatzea, lehenik; ondoren, yuanaren erabilgarritasuna biderkatzea operazio ekonomiko funtsezkoetan) ukatu gabe, komeniko da, haatik, sakonago hausnartzea bat-bateko loraldi horren zergatia. Eta jira-buelta handiena egiten arituko litzatekeen Saudi Arabiaren eta haren bidelagun izan ohi direnen arrazoiak ulertzen saiatzea.
Susma liteke AEBek aspalditxotik "estatu bilau" etiketapean bildu dituenei ezarritako gerra ekonomikoko neurriak, biderkatuta eta bloke-egitasmo bihurtuta, Errusiari ere aplikatzeko burutazio "distiratsua" ustekabeko albo-ondorioak ematen hasi dela Ekialde Ertainean. Errusiaren oraina Sauden (eta gainerakoen) etxearen etorkizuna izan daitekeela ez da burugabekeria, ez.
Non eta zer gerta daitekeen hemendik aurrera da galdera gihartsua, noski. Orain artekoak itxaropentsua badirudi ere, hemendik aurrerako guztia ez da baikorra izango, ziur. Israel ez dago joko horretan sartuta eta, ezkontzagina saiatu arren, zaila dirudi Palestinan bakeak aurrera egitea. Aitzitik, Netanyahuk pentsa dezake duela 50 urteko hartara itzularaziko duela testuinguru berriak.
Ez baita horren berria...
Botoen %99 zenbatuta, Mark Caney egungo lehen ministroa buru duen alderdiak 168 aulki lortuko lituzke Komunen Ganberan, eta lau gehiagorekin osatuko luke gehiengoa. Alderdi Kontserbadorea izan da bigarren bozetan, 144 eserleku lortuta. Duela lau urteko hauteskundeetan baino... [+]
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Egunak argitzerako itzuli da argindarra ia-ia leku guztietara. Euskal Herrian baino atzeratuago egin du Espainiako Estatuko lekurik gehienetan, baita Portugalen ere. Normaltasun itxura gaur Euskal Herrian, baina goizeko lehen orduan ez dira funtzionatzen ari aldirietako trenak... [+]
Petrolio-portu bateko sarraskia gertatu eta hamar egunera izan da erasoa. AEBek erasoak abiarazi zituztenetik 250 pertsona baino gehiago hil dira Yemenen. Oraingoan 68 pertsona hil eta 47 zauritu izan dira. Orain arteko bonbardaketa lazgarrienetakoa da.
Apirilaren 17an, Brasilgo Eldorado do Carajás-en egin zuten lurrik gabeko 21 langileen sarraskiaren 29. urteurrena izan da. Ordutik, La Vía Campesinak data oroitzen du Nekazarien Borrokaren Nazioarteko Egun gisa, lurrerako eskubidea defendatzeagatik koldarkeriaz erail... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Astelehen honetan egingo dituzte Kanadako Komunen Ganberarako hauteskundeak, Trudeau lehen ministro ohia ordezkatu duen Mark Caneyk data aurreratu ostean. Liberalen lidergo aldaketak kontserbadoreei aldea nabarmen murriztea eragin du, eta inkesta gehienek bozetan garaile irtengo... [+]
Armadak egindako genero krimenen gero eta froga gehiago dauden arren, Israelgo emakumeen kolektiboek ez dute aintzat hartu edo ukatu egin dute, neurri handi batean, NBEren gaitzespen txosten berria.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
2023ko urritik armamentua erosteko 40 kontratu sinatu ditu Espainiako Estatuak Israelekin eta hango enpresekin, horien erdia azken urte erdian. Horietako kontratu batekin ika-mika piztu da Espainiako Gobernua osatzen duten PSOE eta Sumarren artean, bereziki azken horren barnean,... [+]
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Espainiako Gobernuak urte amaierarako Defentsara bideratuko duen gastua Barne Produktu Gordinaren %2 izango da: 33.123 milioi euro. Sánchezek adierazi du erabaki horrek "Espainiaren segurtasuna bermatzea" eta armadaren baliabideak "modernizatzea" dutela xede.
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]