“Estatua eta Patronala bereizi!” aldarrikatzen du gaur Nuit Deboutek Parisen
Frantziako Estatuan lan erreformaren kontrako protesta eta grebak zabaltzen ari direnean, aldarrikapen berri bezain funtsezko baten inguruan batzar berezia egingo du Parisen Nuit Debout mugimenduak: Estatua eta Patronala bereizi beharra dago, apartatu, duela mende bat Estatua eta Eliza katolikoa bereizi ziren moduan.
Parisko Bosquet etorbidean izango da elkarretaratzea, Frantziako enpresa handienen ugazabak biltzen dituen Medef patronalaren egoitza atarian. Bertan salatuko dute XXI. mende hasieran Estatua estuki dagoela ezkondurik patronalarekin eta bikote hori etetea premiazkoa dela osasun publikoaren onerako, duela 100 urte Estatuaren eta Eliza katolikoaren lotura suntsitu eta administrazio laiko bat ezartzea derrigorrezkoa izan zen moduan.
“Aberatsek egin nahi dute mundu osoaren jabe” diote batzarrerako deialdian, elkartzera konbidatuz Medefek kaltetzen dituzten guztiak: langabetu, prekario, etxe gabeko… “Patronalak bere legea aurrera ateratzeko ez du behar izan ezta diputatuen laguntzarik ere: ugazaben aginduetara dagoen Hollande-Vallsen gobernuak Legebiltzarreko eztabaida ito eta gizartearen mobilizazioa jipoitzeko 49.3 dekretuz pasatu du lan erreforma”.
Arratsaldeko 17:00etatik aurrera Nuit Debout eta Convergence des Luttes mugimenduek batzarrean mintzarazi nahi dituzte langile soldatapeko eta prekarioak, ikasle eta unibertsitarioak, sindikalistak, herritarrak, artistak, juristak, ikertzaileak eta abar, “gure legeak nolakoa izan beharko lukeen denon artean finkatzeko. Irabaz dezakegu, gure esku baizik ez dago”.
Elizaren eta Estatuaren arteko bereizketa izan da luzez demokraziaren inguruko eztabaida nagusietakoa, gaurkotasuna daukana oraindik erlijioak bizi publikoa arautzen duen munduko herrialde askotan. Nuit Debout mugimenduak horrekin egiten dio paralelismoa azken hamarkada neoliberalotan korporazio kapitalistek estatuaren gainean hartu duten kontrolari.
Bitartean, sindikatuak gogortuz doaz lan erreformaren lege-dekretuaren kontrako borrokak. Ondorio nabarmen batzuk dagoenekoz ikusgarri daude: gasolina hasi da urritzen Frantziako Estatuko leku askotan, garraio sisteman gorabehera gero eta handiagoak eraginez.
Zergatik ez du Nuit Debout frantziarrak M15 espainiarraren irismenik izan? Elementu guztiak zeuden (eta daude) mahai gainean: alderdi sozialistaren beste eraso bat lan eskubideen aurka ("Loi travail"), egonezin sakona eta "zerbait gerta zedin" guraria giroan... [+]
Ekainaren 28tik gutxienez uztailaren 10era arte, Parisko Errepublika plaza modu iraunkorrean okupatzeko dei egin du Frantziako Nuit Debout mugimentuak.
Miguel Segui NPAko (Nouveau Parti Anticapitaliste) kidea da eta azken hilabeteetan Frantziako plazetan antolatu den Nuit Debout mugimenduan parte hartzen du. Ekainaren 8an hitzaldia eman du Gipuzkoa Zutikek gonbidatuta, Bulebarrean.
Grebak, erregai biltegien blokatzeak, bide mozketak, zentral nuklearretako mobilizazioak… El Khomri legeari aurre egiten ari zaizkio zortzigarren egunez sindikatuak, CGT buru dutela, maiatzaren 26 honetan, ahaztu gabe Nuit Debout mugimenduak egunero antolatzen dituen... [+]
... (bai nausia, argia da guroilarra kanpoan da!) Parisen bezala Frantziako hiri haundi batzuen plaza nagusietan biltzen hasiak dira herritarrak. Zutik gauaz, Nuit Debout deitzen dute beren egonaldia. Eta gauez gau badu ilabete iraganik plaza batzuk iluntze guziez tanpez beterik... [+]
Parisko Asanblea nazionalean gertatu da, lan erreformaren lege polemikoa eztabaidatzen ari diren saioetako batean, sindikatu nagusien greba orokorrak eta Nuit Debout bezalako mugimenduak eragin dituen El Khomri legearen tramitazioan: Biarnoko eta Iparraldeko (Zuberoa eta... [+]
Greba eta mobilizazio eguna biziko da ostera ere apirilaren 28an Frantzia osoan. Helburua: El Khomri legea edo François Hollanderen lan erreforma atzera botatzea. Inkesten arabera, Frantziako populazioaren %75 legearen aurkakoa da. Funtsean, Espainian PPk bultzatu... [+]
Frantziako estatuan apirilaren 28an eta maiatzaren 1ean egingo dira manifestazio nagusiak. Horien amaieran Parisko eta gainerako hiriburuetan lan erreformaren kontrako borrokek eman dutenaz eztabaidatzeko deia egin dute alde batetik Nuit Debout mugimenduko Parisko batzarrak eta... [+]
Frantziako estatuan Nuit Debout fenomenoaren sorreran parte hartu duen François Ruffinek zuzendari den Fakir astekarian mugimenduaz galdetu dio Emmanuel Todd (1951) historialari eta idazleari. Eztabaida politiko eta sozialetan ezaguna den Toddek azken hauteskundeetan... [+]
“Ideologia eta espresio ugaritako jendea gerturatu da, eta askotan isilik geratzen diren ahotsak entzun dira”, adierazi dute bertaratutakoek. Mugimenduaren helburua da mugimendu eta pertsona anitz horiek bat egitea, MediaBask kazetak jaso duenez.
17:00tan elkartu dira Roland Barthes zelaigunean: elkar ezagutzeko jolasaz gain, mugimenduaren aurkezpena egin eta lantaldeak sortuko dituzte.
Astelehenean, “graduatuen laneratzea errazteko” 500 milioi euroko plana iragarri zuen Manuel Valls Frantziako lehen ministroak. Ez da aski izan ordea. Lan-erreformaren aurkako protestek bizirik diraute Frantziako Estatuan.
Lan erreformak eragindako protestak baretu nahian, graduatuen laneratzea errazteko 500 milioi euroko plana iragarri du Manuel Valls Frantziako lehen ministroak. Sindikatuek ontzat jo dute erabakia.
Martxoaren 31ko greba nagusiaren ostean Parisen hasi eta Hexagonoko hainbat hiritara zabaldutako Nuit Debout kale okupazio mugimendua hamabigarren egunean sartu da ("martxoak 43" ditu gaur mugimenduko kideen kontabilitatean).