Egiari Zor fundazioak antolatuta, hainbat ekitaldi egingo dituzte, duela 40 urte indar parapolizialen erasoen ondorioz "heriotzaren triangelua" deiturikoan.
Lau hamarkada baina gehiago pasa dira estatu aparatuek gerra zikinaren estrategia abiatu zutela, eta bere beso luzeak gogor kolpatu zituen Hernani, Andoain eta Astigarraga inguruak. Hori gogoratzeko, eta salatzeko oraindik ez dituela inork eragindako kalteen "ardura politikoak hartu", hainbat ekitaldi antolatu ditu Egiari Zor elkarteak Hernanin.
Ostegun honetan El triangulo de la muerte (Heriotzaren triangelua) dokumentala eskainiko dute Biteri Kultur Etxean, Tira-Bira Produkzioak-ek ekoitzia 2015ean. 1980. urtean hilabete gutxian izandako hainbat heriotzaren inguruko testigantzak eskaintzen ditu lan honek. Emanaldian, Imanol Laburu dokumentalaren zuzendarietako bat izango da, eta Rikardo Mendiola Hernaniko alkate ohiak ere bere esperientzia kontatuko du mahai-inguruan. Bestalde, urriaren 5ean Ezkiaga Pasealekuko frontoian ekitaldia egingo dute.
Egiari Zorrek azaldu duenez "inpunitatea da nagusi", oso pertsona gutxi izan baitziren kondenatuak atentatu horiengatik eta horiek ere indultatuak izan ziren: " Estatu Terrorismoa ahalbidetu zutenek ez dute egundo beren gain inolako ardurarik hartu. Ez da sekula azkeneraino ikertu. Ez dago biktimariorik gabeko biktimarik. Estatu Terrorismoa praktikatu eta ahalbidetu zutenek izen-abizenak eta siglak dituzte. Erantzunkizunak dituzte".
Datu bat ere eman dute: denera estatu terrorismoaren ondorioz 78 pertsona hil ziren, lehena 1975ean, baina horietatik 43k baino ez dute jaso nolabaiteko aitortzaren bat. "Lehen eta bigarren mailako biktimak daude", salatu dute.
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]
Gaur gauean, urriak 17, 88 urte faxistek Jose Ariztimuño, Aitzol, hil zutena. Fusilamendu pelotoiaren aurrean ez zuela isilik gelditu nahi irakurri berri dut. Soldaduei tiro egitea kosta egin omen zitzaien, behin eta berriz agindu behar izan omen zieten su egiteko. Hala... [+]
“Gaur eguerdiko albistegian, zuen hiriburuko alkatea ikusiko duzue, torturatu gintuen gorputz militarrari hiriko plaza nagusia eskaintzen. Gaur eguerdiko albistegian, gure lagun eta senideak hil zituen egitura ikusiko duzue gure kaleetan desfilatzen. Eta guk, beste egun... [+]
La Cumbre Jauregia biktimen aitortzarako, erreparaziorako eta dibulgaziorako gune bilakatzeko proposamena egin dute memoriaren inguruan dabiltzan hainbat taldek eta Joxean Lasa eta Joxi Zabalaren senideek. Memoria Demokratikoaren Legearen arabera, eraikina Donostiako Udalaren... [+]
1944an, Stauffenberg-en agindupean, Hitler bonba batekin hiltzen saiatu ziren, soldadu eta herritar alemaniar batzuen artean prestatutako ekintza baten. Hurrengo hilabeteetan naziek 90 pertsona exekutatu zituzten ekintza haren ondorioz.
Orain 180 urte sortu zenetik lehen aldiz, kuarteletik kanpo eta Gasteizko erdigunean ospatu du Guardia Zibilak bere patroiaren eta hispanitatearen eguna. Bertan izan dira Gasteizko alkate Maider Etxebarria, Espainiako Gobernuko ordezkari Marisol Garmendia, Gasteizko gotzaina eta... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.
"Gerraren Oroimena" izeneko ibilbidea osa dezakezue noiznahi Usurbilgo erdigunean.
Ez dakit elkar ezagutu zuten Lapurdin. Enrique Gómez Korta 1979ko ekainaren 25ean hil zuen Batallón Vasco Español-ek Baionan. Pakito Arriaranek 1978ko azaroan ihes egin zuen Iparraldera eta urtebete eman zuen bertan, atentatuak saihestu aldera Venezuelara... [+]
Segundo Hernandez preso anarkistaren senide Lander Garciak hunkituta hitz egin du, Ezkabatik ihes egindako gasteiztarraren gorpuzkinak jasotzerako orduan. Nafarroako Gobernuak egindako urratsa eskertuta, hamarkada luzetan pairatutako isiltasuna salatu du ekitaldian.
Historiak laguntzen digu ulertzen zer gertatu zen, baina baita gaur egun zer garen ulertzen ere. Nola ulertu gaur egungo mundua AEBetako sorrera eta Frantziako Iraultzaren sorrera ezagutu gabe? Nola ulertu gaur egungo Mendebaldeko hegemonia azken bost mendeetako kolonialismo... [+]
Euskal Herriko azken 50 hamarkadetako historia soziopolitikoa eta kulturala ezagutzeko erreferente da Lazkaoko Beneditarren dokumentazio funtsa. Funtsak orotariko afixa eta pegatinez gain, euskal mugimendu politikoei edota euskal gaiei buruzko ehunka artxibo gordetzen ditu.
Iragan asteazkenean, Gogora Institutuko Zuzendaritza Kontseiluko bost kide independenteak hautatu zituzten Gasteizko Legebiltzarreko Justizia eta Giza Eskubideen Batzordean. EAJren eta PSE-EEren abstentzioek Pilar Garaialde Salsamendi zuzendaritzatik kanpo utzi zuten. Bera zen,... [+]