Espezismoa euripean ito arte
Ostirala, azaroak 1, sarea ehuntzen jarraitzeko egun bat izan zen Euskal Herriko ekintzaile antiespezistentzat. Nor kolektiboak deituta, eta bertze hamaika talderen babesarekin, manifestazio bat egin zuten, bigarrenez, Bilboko karriketan.
Bilboko Unamuno plazatatik abiatuta, udaletxe aurrera eraman zuten animalion askapenaren aldeko aldarria. Euripean egin zuten ia bide osoa, baina eguraldiak ez zituen egungo sistema kapitalistaren espezismoaren aurkako oihuak isilaraztea lortu. Ekaitzik handiena baino askoz ere bortitzagoa da gizakiz bertzeko animalien aurkako zapalkuntzaren arrastoa, eta haren aurka egiteko konpromisoa berretsi zuten ehunka herritarrek.
Manifestazioa 17:00etan hasi zen, baina talde antiespezistetako kideak eguerditik aritu ziren Bilboko Alde Zaharreko giroa berotzen. Autobusez heldutako antiespezistek musikak lagunduta egin zuten Alde Zaharrerako bidea. Hendaia, Donostia eta Ermuko manifestariak ekarri zituen autobusetako batek; bertzeak, Iruñea eta Gasteizkoak. Pintxo begetalak dastatuz eman zioten hasiera eguneko egitarauari; gero, 15:00etan, Zazpi Katu gaztetxera mugitu ziren. Txokolate goxoa eta bizkotxoa zuten han zain. Peru Galbete musikariak, gainera, kontzertua eman zuen. Han bat egindako guztiek elkarrekin egin zuten Unamuno plazarako bidea.
Handik abiatu zen manifestazioa. Alde Zaharreko karrikak zeharkatu eta gero, Arriaga aurrera atera ziren manifestariak, eta plaza Biribiletik hartu zuten, azkenean, udaletxerako bidea. Ibilbide osoan entzundako leloek argi utzi zuten protestak antiespezismoaren izaera politikoa nabarmendu nahi zuela, eta gizakiz bertzeko animalien aurkako zapalkuntza jarri erdigunean. Manifestariek animalien askapena eskatu zuten, eta gogor salatu zuten zenbateraino zapaltzen dituen sistema kapitalista espezistak.
Amaieran, Nor kolektiboko bozeramaile Maialen Saguesek hartu zuen hitza: “Ekintzaile bilakatu beste biderik ez dugu. Ez da nahikoa gizakiz besteko animaliak gure plateretik at uztea; ez da nahikoa zezenketarik gabeko festak aldarrikatzea. Ez da nahikoa gure tabernetan aukera begetal gehiago eskatzea. Espezismoaren aurkako jarrera argi eta aktiboa hartu behar dugu, egungo gizarte eredua iraultzeko. Gurea ez da hautu pertsonal bat; gurea borroka politiko bat da, askapena helburu duena. Kontua ez da beganook jateko hamaika aukera izatea; kontua da behingoz onartzea gizakiz besteko animaliak ez direla janaria; onartzea ez direla baliabideak, onartzea ez direla gureak. Sistema kapitalista saiatzen ari da gure borroka bere alde erabiltzen, eta bere produktu begetalekin isilarazi nahi gaitu. Baina ez du lortuko, argi baitugu kapitalismo beganoak ez duela espezismoa suntsituko”, erran zuen.
.jpg)
Sareak eta zaintzak duten garrantzia ere nabarmendu nahi izan zuen Saguesek: “Eskuz esku egin behar dugu aurrera, gizakiok ezin baitugu aske izan gizakiz besteko animaliak zapaltzen ditugun bitartean. Gure txikitasunetik, eskua emanez elkarri, eta elkar zainduz, gizakiak eta gainerako animaliak aske bilakatuko gaituen mundu bat eraiki behar dugu. Horretan ari gara. Urratsez urrats, animalion askatasunerantz”.
Euripean bada ere, bidean dira Euskal Herriko antiespezistak.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Ertz askotatik landu dute antiespezismoa Animalia Ikasketa Kritikoen EHUko I. kongresuan; hala nola literatura, intersekzionalitatea, komunikabideak, zinema eta historia ikertu dituzte. Estibaliz Ania Valle Ruiz de Garibay eta Surama Lázaro Terol ikerlariek literaturari... [+]
Ekofeminismoak ekologismoa eta feminismoa artikulatzen dituen begirada eta borroka proposatzen ditu. Horrek irekiera interesgarria dakar, ekofeminismoaren garapenaren zati handi bat ardatz izan duena. Hala ere, irekitasun horrek erronkak eta konplexutasunak ere zabaltzen ditu,... [+]
Animalien ongizaterako lehen premisa “askatasuna” dela azpimarratu du Nor kolektibo antiespezistak.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Komunikatzeko eta abstraitzeko erabili ohi ditu akuarelak Beatriz González margolariak eta militante antiespezistak (Galdakao, 1996). Hasieran ez zekien ongi zer margotu nahi zuen, ikusten zuena kopiatzen zuelako, baina azken urteetan animalien kontrako zapalkuntza... [+]
Sistema binarista zalantzan jarri, eta feminismoaren eta animalien askapenaren aldeko mugimenduaren arteko zubiez mintzo da Laura Fernández antropologo soziala: “Feminismoen barruan ditugun joera batzuk aztertzeko aukera ematen digu antiespezismoak”.
Bost urtez jarraian azaroaren 1ean kalera irten da mugimendu antiespezista. Aurten Donostiako Aquariumaren parean elkartu dira, "kaiola bat delako Euskal Herriko lekurik bisitatuenetakoa".
Iaz erabaki zuen Lekeitioko Udalak Antzar Egunean antzara bizidunik ez erabiltzea, eta 300 urte baino gehiagoko ibilbidean lehen aldiz, irailaren 5 honetan erabilitako antzara guztiak plastikozkoak izan dira.
Animalien askapenaren aldeko mugimendu antolatuaren historiaz eta garapenaz mintzo dira hamabi ekintzaile antiespezista dokumentalean. Nor taldeak sortu du lana eta ostiralean ARGIAn izango da osorik ikusgai.
Maialen Sagues Nor talde antiespezistako kidea da. Euskal Herriko hiltegien inguruko ikerketa abiatu zuten, eta tartean, Laudioko hiltegia ere bisitatu zuten. Ikerketan aurkitutakoaz mintzatu da.
Fox Business telebista saioko ikus-entzuleengana bestelako ahots bat heldu da abenduaren 23an. Maria Bartiromo aurkezleak uste zuen Smithfield Foods konpainia erraldoiko presidente Dennis Organ elkarrizketatzen ari zela, baina errealitatean, animalien eskubideen aldeko... [+]