Espetxera bidali dute Ion Aranburu realzaleari Sorian egindako erasoaren harira atxilotuetako bat
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Soriako Instrukzioko Epaitegiak fidantzarik gabeko behin-behineko espetxealdia ezarri dio Ion Aranburu realzaleari egindako erasoaren harira atxilotu duten pertsonetako bati. Erasoarekin lotura zutelakoan, Espainiako Poliziak zazpi pertsona atxilotu zituen Madrilen astelehenean, eta horietako bat da espetxera bidali dutena; beste seiak ikertzen ari dira eta aske daude, behin-behinean. Gogoratu behar da, halaber, 2023ko azaroan beste hogei lagun atxilotu zituztela gertakarien harira Espainiako Estatuko hainbat tokitan.
2023ko maiatzean izan zen erasoa, Sorian (Espainia), Numanciaren eta Cornellaren arteko partidaren testuinguruan. Aranburu Cornella de Llobregateko (Herrialde Katalanak) lagun batzuekin partida ikustera joan ziren Soriako Los Pajaritos estadiora.
Istiluak estadioaren inguruko taberna batean gertatu ziren, 60 bat pertsonako talde bat barruan zeudenak erasotzera sartu zenean, tartean, Aranburu. Ustez, Leganesko (Madril, Espainia) Guetto 28, Zaragozako (Aragoi, Espainia) Ligallo eta Soriako Orgullo Numantino talde ultraeskuindarretakoak ziren erasotzaileak.
Aranburuk ia hilabete pasatu zuen koma egoeran, 2023ko ekainean hortik atera zen arte. Ondoren, uztailaren hasierara arte, ZIUan egon zen ingresatuta, zauri larriak zirela eta. Hedabide honek Aranbururen lagun Juanjo Zubiria elkarrizketatu zuen 2023ko ekainean, bera ere Sorian egon baitzen erasoa gertatu zenean: “Zerbait antolatua zen. Katalanen aurkako eraso antolatu bat zen, eta, kasualitatez, Donostiako bi harrapatu zituzten”, salatu zuen orduan Zubiriak.
Semea futbol talde batean jolasten da eta, kurtso amaieran jokatutako hamaika torneoren artean, Athletic Cup-era gonbidatu dute bere ekipoa aurten. Txapelketak laurehun talde eta 5.000 futbolari inguru batu ditu; haur eta nerabe, senideak eta lagunak kontatu gabe. Itzelezko... [+]
.jpg)
Kirol ekitaldi handi xamarrak egiten diren bakoitzean, agintariek hauspotzen duten "inpaktu ekonomikoaz" edo "hiria mapan kokatzeaz" harago, ohikoa da ostatuen garestitze basatiaz, garraio publikoan daukaten eraginaz edota segurtasun kontuez hitz egitea. Ohikoa... [+]
"Weissman kanpora, sionismo-faxismoa suntsitu" idatzi zuen sarean, palestinarrak erailtzeko deia egin baitzuen Granadako jokalariak. "Arrazakeriaren eta Xenofobiaren Aurkako Legea" ezarrita, isun erraldoia jarri diote Indar Gorriko kide bati.
Duela egun batzuk iragarri zuen Puntueu-ek La Ligaren blokeoak euskal domeinuei eragiten dien kaltea monitorizatuko zuela. Asteburu honetan izan dira partiduak, hain zuzen, eta monitorizazioaren datuak hor daude, penagarriak dira.
Hogeigarren edizioa ekainaren 14an egingo da eta futbol partida, bazkari eta kontzertuz josia egongo da. 20 urtez presoekin elkartasunez lelopean ospatuko dute eguna, eta ekintza "bereziak" iragarri dituzte.
.jpg)
Historia errepikatzen dela idatzi zuen Marxek, “lehenik tragedia gisa, gero fartsa moduan”. Armagintzaren eta militarismoaren inguruan errepikapen hutsa ez, espiralean goraka doan buklea ari gara bizitzen, fartsatik asko duena, eta tragedian amaitzeko gero eta aukera... [+]
Azken aldian, asteburuetan, Internet ez dabil ondo. Hasieran, zaila zen webguneei ezarritako blokeoen zergatia ulertzea; orain, badakigu Espainiako La Ligak agindu zituela, futbola modu ilegalean emititzea saihesteko. La Ligaren blokeoak euskal domeinuei eragiten dien... [+]
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
Iazko udan ere Alacant aldera hurbildu ginen eguraldi hobea aurkitu nahian eta, urtero bezala, egun batez, Benidorm erraldoian sartu ginen hango giroan murgildu, zerbait hartu eta seme-alabekin izozki edo gofre bat dastatzeko asmoz.
Hiri bitxia da, denetarik aurki dezakezu... [+]
Gaztelueta C -Berango C gazteen futbol partidua bertan behera geratu zen Larunbatean. Jokatzen ari zirela Gaztelueta C taldeko gazte batek aurkariari "beltz zikin madarikatua" deitu zion. Gorengo erregional mailako Otxarkoaga-Iturrigorri partiduan ere... [+]
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
2002an ikusi zituen lehenengoz hamaika emakume kamiseta zuri-gorriarekin San Mamesen. Bere ametsa egia bihurtzeko aukerak errealak zirela ulertu zuen Garazi Muruak. Athleticeko nesken taldeko kapitaina izatera iritsi zen, baina lesio batek behar baino lehen ekarri dio... [+]
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.