Espetxean 30 urte daramatzan Frederic Haranburu ‘Xixtor’ askatzea erabaki du Parisko Zigor Auzitegiak
Frederic Haranburu 'Xistor' baldintzapean aske uztea erabaki du Parisko Zigorrak Aplikazteko Auzitegiak. Hori da Bakearen Artisauek sare sozialetan zabaldu duten albistea. Hirugarren aldia zen euskal presoak baldintzapeko askatasuna eskatzen zuela.
ETAren Argala komandoko kidea izan zen eta bizi osoko kartzela zigorra ezarri zioten 90eko hamarkada erdian. Beraz, zigorrak ez zuen bukaera datarik, Jakes Esnali gertatzen zaion gauza bera.
Zigorra eskumutur elektronikoarekin bukatuko du Haranburuk. Erabaki hori urte askoko lanaren eta mobilizazioen ondorio da Bakearen Artisauen iritziz. "Defentsako abokatuek, gizarte zibilak eta hautetsiek eraman lanari eta mobilizazioei esker lortu da. Gero eta determinatuagoak gira gure lanarekin jarraitzeko, Ion Parot eta Jakes Esnal lehenbailehen atera daitezen eta preso guziak libratzeko bideak idek ditzagun".
🔴 AZKEN ORDUKOA
— Artisans de la Paix #OrainPresoak (@Artisans_Paix) October 27, 2020
Xistor HARAMBOURE-en baldintzapeko askatasuna onartua izan da. Informazio gehiago datozen orduetan. pic.twitter.com/hAVE5R2HbK
BaGoaz elkarteak eta Bakearen Artisauek "30 urte aski dira!" lelopean beren askatasunaren aldeko kanpaina egin izan dute.
Bakearen eta elkarbizitzaren eraikuntzan aurrerapauso gisa ikusi dute EH Baik eta EH Bilduk hedabideetara bidalitako balorazioan jakinarazi dutenez.
"Su-etena, armagabetzea, disoluzioa... Azken urteotan izan diren etapa guztiak, Euskal Herrian bake iraunkorra lortzeko bidea egin dira, garaile eta garaitu gabe. Armagabetzea eta hurbilketa batzuk egon badira ere, orohar, frantziar eta espainiar estatuaren zein haien justizien jarrera atzerakoia izan da. Horregatik, Parisko Dei Auzitegiaren jarrera aldaketari ongi etorria egiten diogu. Xistor gure artean izanen dugu eta horrek beranteste gaitu. Emaitza hau, azken urteetan aitzina eramandako mobilizazioei esker lortu dugu eta hortan segitu behar dugu, azken preso politikoa gure artean izan arte", adierazi dute.
Espero dute erabaki horrek "aldaketa iraunkorra" ekarriko duela kartzela politika zein magistratuen jarreran eta datozen berriak zentzu berean joanen direla, bereziki Jakes Esnal, Jon Kepa Parot eta Unai Paroten kasuan eta gainontzeko euskal preso politiko guztientzat.
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Zalapartak zalaparta, eta Espainiako Senatua gainditu ondoren, Europako zigorrak bateratzeko lege aldaketak aurrera jarraituko du. Horrela, 2008an zigorrak bateratzeko Europak onartutako zuzentarauari Espainiak 2014an jarritako salbuespena desagertuko da, eta horrek 45 euskal... [+]
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.