Espetxeak husteko garaia dela diote 8/2013ko bederatzi auzipetuek
“Zergatik onartu genuen akordioa?”, diote joan den asteartean Espainiako Auzitegi Nazionalean akordioa lortu zuten 8/2013 auziko bederatzi auzipetuek: “Nagusiki etxera lehenbailehen bueltatzeko akordio baten aurrean gaudelako”.
Espetxean denbora luzez nahi zituztenek ez dutela halako plazerrik izango azpimarratu zuten auzipetuek eta “Euskal Herriak bere alde lanean jarraitzeko bederatzi herritar” irabazi dituela. Argi dute Euskal Herria “ez dagoela espetxeak betetzen jarraitzeko garaian, hauek hustekotan baizik”.
Libre bai, baina tinkotasunez diote ez dela justiziarik egin, “ekinbide politikoagatik” zigortu dituztelako, leporatzen zaien bakarra “bilkura politikoetan parte-hartzea eta dokumentazio politikoa edukitzea” baita.
Zigorrari erreparatuz gero hori argi ikusten dela diote, “mundu mailan ez baita batere ohikoa terrorismo delituengatik zigor ‘txikiak’ ezartzea”. AVTko Daniel Porterok ere horixe azpimarratu duela diote, “leporatutako delituak eta zigorra ez datozela bat”.
Ostegunean Iruñeko Katakrak aretoan egindako prentsaurrean gogoratu zutenez, 2010ean atxilotu zituztenean torturatuak izan ziren eta Grande Marlaska epaileak beste aldera begiratu zuen egin ziren salaketen aurrean.
Salbuespen eraikinak eraitsi beharra
Eleak-Libre erakundearekin batera egin zuten agerraldia eta honek ere bere azterketa egin zuen epaiaz. Bederatzi auzipetuak libre direlako poztu ondoren, honako bi galdera utzi zituen airean. Lehena honakoa: Zer analisi egiten dugu disidentzia eskubidearen eta eskubide zibil eta politikoen egoeraz?
Orain zigorrak batzuetan onberagoak eta bestetan ankerragoak izango direla zehaztu zuten, baina beti ere “egiturazko injustiziaren lur-eremuan” jarraitzen dugula. Azken hamarkadetan altxatutako salbuespen-eraikinak zutik direla oraindik eta horiek guztiak eraitsi behar direla, bestela botereak nahi duenean berriz ere jarriko duela indarrean.
Bigarren galdera izan zen ea zer egin behar den eskubideak berreskuratzeko eta erakundeak hiru esparru finkatu zituen: bat, lan ideologikoa, egoeraz ohartu eta beroni buelta emateko; bi, erasoen aurrean, askotarikoen arteko erantzun bateratuak; hiru, herritarrek beren eskubideak erabiltzen jarraitzeko moduak bilatzea.
Azken finean “borrokan jarraitu behar dela” azpimarratu zuten, besteak beste, “disidentzia eskubidearen aldeko birus laranja sedukzio bidez kutsatzen ahaleginduz”.
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2022ko urrian Iruñeko Sadar futbol zelaian jokatu zen Espainiako eta AEBetako emakumezkoen futbol selekzioen arteko partiduko zaleak iraintzea eta jazartzea leporatu zizkioten hainbat laguni. Epaiketa egin berri da eta akusatuak absolbitu ditu Iruñeko Zigor Arloko... [+]
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Voxek lau eta zortzi urte arteko zigorrak eskatzen ditu haientzat. 2019an, faxistek jarritako propaganda-postu baten harira egin zuten protesta.
2022ean auziperatu zuten Nelson David Moreno, Bilbon gutxienez bost gizon homosexual hiltzea eta beste bi erailtzen saiatzea egotzita. Astelehenean, urriaren 21ean, Morenoren aurkako bigarren epaiketa hasi dute. Iruzur delitu batengatik epaituko dute, biktimei lapurreta egitea... [+]
“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.
Bost urte eta zazpi hilabeteko espetxe zigorra eskatu du Carlos García Berro fiskalak Oihana Garmendia, Oihana San Vicente, Haimar Altuna, Felipe San Epifani Pipe, Kai Saez de Egilaz, eta Antton Lopez Ruizentzat, 2016 eta 2020 artean preso politikoei antolatutako... [+]
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.