Espainiara ihes egin du Venezuelako oposizioko buru Gonzálezek, eta gobernuak asiloa emango dio
Igandean heldu da Edmundo González Urrutia Madrilera, Espainiako Armadako hegazkin batean. Venezuelako Gobernuak adierazi du gertatua “bi gobernuen arteko akordioaren” ondorioa dela. Espainiako Gobernuak azpimarratu du Gonzálezek egin duela asilo eskaera eta ez dela egon “negoziazio politikorik” Venezuelarekin.
Madril ondoko Torrejón de Ardoz aireportu militarrean hartu du lurra González Urrutiak, igande arratsaldean. Uztailaren 28ko hauteskundeetan oposizioaren presidentegai izan zen González, eta uztailaren 30etik zegoen ezkutuan. Atzo jakin zenez, Gonzálezek asteak eman ditu Herbehereetako enbaxadan, eta irailaren 5ean Espainiako enbaxadorearen egoitzan hartu zuen aterpe.
Kontakizunaren bataila
Espainiako Gobernuak jakinarazi du Gonzálezek asiloa eskatuko duela Espainiako Estatuan, eta gobernuak eskaera onartuko duela. José Manuel Albares Atzerri ministroak azpimarratu du ez dela “negoziazio politikorik” izan bi gobernuen artean, eta ez dela “ordainik” izango. Adierazpen horiei erantzunez, Delcy Rodríguez Venezuelako presidenteordeak Telegram bidez ziurtatu du Gonzálezen irteera “elkarrizketa zabalen” eta “bi gobernuen arteko akordioaren” ondorioa dela. Argitaratu denaren arabera Venezuelako Gobernuaren baimenarekin irten da González herrialdetik, eta Espainiara eraman duen hegazkin militarra Caracasen baimenarekin lurreratu zen Venezuelan.
Ameriketako eskuineko hainbat gobernuk Gonzálezen “erbesteratze behartua” salatu dute, eta berdin egin dute AEE Amerikako Estatuen Erakundeak edo Josep Borrell Europar Batasuneko diplomaziaburuak ere. Espainiako oposizioko alderdi nagusiak Pedro Sánchezen gobernua kritikatu du, esanez Gonzálezi asiloa ematea ez dela “demokraziari mesede egitea”, baizik eta Madurori “arazo bat kentzea”.
Oposizioa ahulduta?
Uztailaren 28an burutu ziren Venezuelako presidentetzarako hauteskundeak. Emaitza ofizialek Nicolas Madurori eman zioten garaipena, baina Chavismoa gobernuan dagoenetik ohikoa bilakatu den moduan oposizioak iruzurra salatu eta González izendatu zuen presidente. Gerora, Venezuelako Epaitegi Gorenak emaitza ofizialak zuzenak zirela ebatzi zuen, baina oposizioak ez du ebazpena onartu.
González ezkutuan egon da uztailaren 30etik atzo arte. Tartean, epaitegiek hiru aldiz zitatu zuten hauteskunde-akta batzuen argitaratzearekin lotuta, González ez zen aurkeztu eta irailaren 2an bera atxilotzeko agindua eman zuten. Hauteskunde osteko egunetan mobilizazio handiak eta eraikin publikoen aurkako eraso ugari egin zituen oposizioak, baina denborak aurrera egin ahala indarra galtzen joan da. Orain, ematen du Venezuelako oposizioa egoera are ahulagoan geratu dela barne mailan –nazioartean babes handiak ditu oraindik ere– , oposizioak berak presidente izendatutako hautagaiak herrialdetik ihes egin ostean.
Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.
Espainiako Gobernuak gezurtatu egin du Espainiako Inteligentzia Zerbitzuekin zerikusirik zutenik. Venezuelaren eta Kolonbiaren arteko mugan atxiki zituzten, baita atzerritar gehiago ere. Haien familiek esan dute turismoa egiten ari zirela.
PP, Vox, EAJ, UPN eta Coalición Canariako ordezkarien 177 aldeko botorekin onartu du ebazpena Espainiako Kongresuak, gobernuari eskatzen diona oposizioko buru Edmundo González presidente gisa onartu dezala. EAJk gobernua sustengatzen duen gehiengoarekin apurtu du... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala... [+]
Maduroren hautagaitzak botoen %51,2 eskuratu du, eta %44,2 oposizioko hautagai nagusi Edmundo Gonzálezek, Venezuelako Hauteskunde Kontseilu Nazionalak emandako datuen arabera. Oposizioak iruzurra salatu du, eta chavismoak emaitzak errespetatzera deitu du. Madurok jarraian... [+]
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Martxoaren 29an gose greba hasi du Asier Guridi Zaloña errefuxiatu politikoak Venezuelako Espainiako Kontsulatuaren aurrean "nortasun judirikoa" eskatzeko: izan ere, Espainiako Estatuak ukatu egin dio nortasun juridikoa eta ondorioz, oinarrizko eskubideetara... [+]