Espainiako Estatua zigortu du Giza Eskubideen Europako Auzitegiak 33 epaileren intimitate-eskubidea urratzeagatik
Kataluniaren erabakitzeko eskubidearen aldeko manifestua sinatu zuten herrialde hartako 33 epailek 2014an. Ondoren, bakarrik Espainiako Poliziak izan zitzakeen epaileen NAN txartelen argazkiak argitaratu zituen La Razón egunkariak. Estatuko bideak agortuta, epaileek Estrasburgora eraman zuten salaketa eta Giza eskubideen Europako Auzitegiak orain eman du epaia.
Kataluniako 33 epaile horiek 2014an sinatu zuten manifestua erabakitzeko eskubidearen alde, Artur Mas presidenteak zuzentzen zuen gobernuak Kataluniaren etorkizunaz antolatutako lehen kontsultaren testuinguruan. La Razón egunkariak haien argazkiak eta hainbat datu argitaratu zituen erreportaje zabal batean.
Euren intimitatea urratua izan zela salatuz, kaltetutako epaileek salaketa jarri zuten Bartzelonako 22. Instrukzio Epaitegian, baina honek Madrilgo 15. Lurralde Auzitegiaren esku utzi zuen eta hango instrukzio epaileak salaketa artxibatu zuen 2016an, "gertaera deliktiboen egileak" ezin zituela identifikatu argudiatuz.
Ondoren, 20 epaileek Giza Eskubideen Europako Auzitegira eraman zuten salaketa. Orain eman du epaia auzitegiak eta Espainiako Estatua zigortzea erabaki du, epaileek arrazoi zutela adieraziz, Espainiako justiziak ez duelako behar beste ikertu epaileen salaketa.
El Paísek adierazi duenez, argazkiak poliziaren datu-basetik atera zituen La Razónek. Filtrazioa Eugenio Pino komisarioa zuzendari zegoenean —2012 eta 2016 artean— egin zen eta Pinok erregistroak ezabatzeko modua pentsatu zuen, argazkien filtrazioarekin lotu ez zitzaten.
Giza eskubideen Europako Auzitegiak erabaki du Espainiar Estatuak kalte-ordainak ordaindu beharko dizkiela salaketa jarri zuten 20 epaileei, 4.200 euro kalte moralengatik bakoitzari eta 3.993 euro gastu eta kostuengatik.
Sententzia PDF formatuan ingelesez irakurtzeko aukera dago hemen.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Otsailaren 28tik behin-behineko atxiloaldia betetzen ari da Pablo González kazetaria Polonian. Ordutik soilik gutun bidez komunikatu ahal izan da senideekin, eta abokatuaren zein Espainiako kontsularen bisitak baino ez ditu jaso. Dagozkion giza eskubideak urratzen ari... [+]
Frantziako Gobernuak Action Directe talde armatuaren kide ohiari 15.000 euroko ordainsaria eman beharko dio, bere askatasuna zortzi hilabetez ukatu izanaren erreparazio modura. Sententziak jurisprudentzia ezarriko du Europan egungo gogortasun penalaren aurka, "adierazpen... [+]
Xabier Atristain berriz ere espetxean sartu dute Donostiako Alde Zaharrean bi ertzainek atxilotu ondoren, Naiz.eus-ek jakitera eman duenez. Martuteneko espetxera eraman dute euskal presoa.
Estrasburgoko auzitegiaren jurisprudentziari uko eginez, Espainiako Auzitegi Gorenak erabaki du ez duela berrikusiko Xabier Atristain espetxeratzea ekarri zuen auzia, zeinaren arabera 17 urteko kartzela zigorra jaso zuen.
Epaiaren esanetan, atxilotu zuteneko inkomunikazio garaian ez zuen izan bere konfiantzazko abokatua izendatzeko eskubiderik eta, ondorioz, magistratuek presoa absolbitu egin dute. Beste auzi batzuengatik espetxean jarraitu beharko du oraindik Iglesiasek.
Atristain Martuteneko kartzelatik atera zen otsailean, Giza Eskubideen Europako Auzitegiak ebatzi zuelako ez zuela “epaiketa justu eta ekitatezkorik” izan. Epaitegiak ez du onartu Espainiak jarritako helegitea; beraz, irmoa da erabakia.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Giza Eskubideen Europako Auzitegiak “diskriminazioa” egotzi dio Espainiari eta kalte-ordaina eman beharko dio amari.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Giza Eskubideen Europako Auzitegiak urtarrilaren 19an ebatzi du Espainiak ez zituela Iñigo Gonzalezen tortura salaketak behar bezala ikertu. Espainiak 20.000 euroko kalte ordaina eman beharko dio Gonzalezi. Guardia Zibilak sei kide atxilotu zituen 2011ko operazio hartan,... [+]
Duela hamar urte, Ekineko kide izatea egotzita, sei lagun atxilotu zituen Guardia Zibilak, Grande-Marlaska epailearen aginduz. Inkomunikazioaren ostean haietako bostek torturak salatu zituzten. Horietako bi kideren salaketak Estrasburgoko Giza Eskubideen Auzitegiak aintzat hartu... [+]
Auzitegi Goreneko bigarren aretoko hamasei epaileen artean erabaki dute, abenduaren 14an, "Bateragune" auzia berriz irekiko dutela. Aho batez hartu dute erabakia eta Espainiako Auzitegi Nazionalean egingo litzateke. Beraz, berriz epaituko dituzte Arnaldo Otegi, Rafa... [+]
Pat Omorefe izeneko emakume nigeriarrak salaketa ezarri du Giza Eskubideen Europako Auzitegiaren aurrean (GEEA), 2015ean kendu zioten haurra berreskuratzeko. Estrasburgok arrazoia eman dio, eta neurriak hartzeko eskatu die Espainiako Estatuko auzitegiei.