Espainiako Vueltan errepideak euskal ikurrez betetzeko deia egin dute astebururako
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Espainiako Vueltan ikurrinak eta Nafarroako banderak ateratzeko deia egin dute Gure Eskuk eta Nafarroa Berriz Altxak, larunbatean egindako agerraldian. Irailaren 9an eta 10ean igaroko da itzulia Euskal Herritik: 9ko etapa Larra-Belaguan amaituko da eta 10ekoa Iruñean hasi eta Lekunberrin bukatu. Egun horietarako ekimenak antolatu dituzte.
Josu Etxaburu Gure Eskuren bozeramaileak adierazi du aurten Euskal Herrikoa ez den eta bertatik igaroko den bigarren proba izango dela Vuelta, Frantziako Tourraren ostean. Tourrean egin bezala, Espainiako Vueltan ere "euskaldunon nortasuna eta ikurrak harro" zabaltzeko deia egin du, betiere txirrindulariak "errespetuz" animatuta. Azpimarratu du Nafarroa eta Xiberua "herri honen parte" direla eta "Euskal Herriak estatus politikoa libre eta demokratikoki lortu arte elkarri eskua emanda lanean" jarraituko dutela.
"Zazpi lurraldez osatutako herria gara, ez dugu gure arteko mugarik nahi eta geure etorkizun politikoa askatasunez erabaki nahi dugu" adierazi dute bi elkarteek. Amagoia Susperregi Nafarroa Berriz Altxako bozeramaileak salatu duenez, "askotan euskaldunon ikurrak ez dira errespetatzen, eta ezinezkoa da herriaren ohiturak eta kultura askatasunez bizitzea eta ikurrak askatasunez ateratzea".
"Muga artifizialak"
Susperregik gaineratu du euskara "nafar guztion hizkuntza" dela, baina "muga artifizialak" pairatu eta "bigarren mailako tratamendua" jasotzen duela. Irailaren 9ko etapan Larraineko muga ireki egingo dute lasterketarako, nahiz eta urte guztian itxita egoten den. Hala, egunerokoan irekita edukitzeko aldarria egin du, "gure herritik libre mugitzeko".
Asteburuan ikurrinak banatuko dituzte: irailaren 9an Izaban eta Larra-Belaguan eta 10ean Iruñeko Sarasate pasealekuan eta Lekunberriko Ibarberri ikastolan. Ekimen gehiago ere antolatu dituzte, esaterako, Izaban kale animazioa eta Lekunberrin kalejira eta herri bazkaria. Lekunberrira joan nahi duenak aukera izango du Bilbotik aterako den autobusean joateko; 8:30ean aterako da San Nikolasetik.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.
Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]
Aurten dagoeneko zazpi aldiz baino gehiagotan egin diete eraso Donostiako Ikatz kaleko Herria taberna kanpoan jarritako ikurrinari, arrano beltzari eta presoen ikurrari. Oraingoan, baina, gertatutakoa grabatu dute.
Aberri Egunaren bezperetan farol batetik ikurrina bat zintzilikatzeagatik Mozal Legea aplikatu zien Gasteizko Udalak hiru herritarri. Astebeteren buruan, zigortuek 300na euroko isun bana jaso dute "erabilera edo zerbitzu publikoko ondasun higigarriak edo higiezinak"... [+]
Aberri Egunaren ataritan farola batetik ikurrina zintzilikatzen ari zirela identifikatu zituen hiru pertsona Gasteizko Udaltzaingoak. Mozal Legea aplikatu diete, eta 100 euroko isuna jarri bakoitzari.
Aurreko legealdian aldaketaren lau alderdiek 2017an desegin zuten 2003ko Ikurren Legea berriz itzuli da Nafarroara. Garai hartan, UPNren eta PSNren corralitoa indar betean zegoen eta bi alderdiek Ikurren Legea atera zuten aurrera funtsean ikurrina udaletan jar ez zedin.
Nafarroako Legebiltzarrean tramitazio konplikatua izan ondoren, ostegun honetan eztabaidatuko dute Foru Erkidegoko Ikurren Lege berriaren inguruan. Eskuinak proposaturiko legea guztiz urardotuta, PSNren baiezkoa aurreikusten da.
Ez dirudi Navarra Sumak babes nahikorik izango duenik bere Ikurren Legea indarrean sartzeko: Nafarroako Legebiltzarreko alderdiek aurkeztutako zuzenketek adierazten dute gehiengoa ez dagoela alor horretan arau murriztaile eta zigortzaileen alde.
Bandera handiekin sartzea debekatzen zuen agindua ez betetzea egozten diete sei gazteei.
"Banderak trapuak besterik ez dira”, aldarrikatzen dute munduko hiritarrek, inongoak ez, eta toki guztietakoak direnek. Bitxia da, baina halakoak beti izaten dira estatua daukaten banderapekoak.
Gurean ere zabaldu da jarrera hori sektore independentista batzuetan... [+]
Enrique Maya Iruñeko alkateak egin ahalak egin zituen ikurrina eta bestelako aldarrikapenak sanferminetako txupinazoan egon ez zitezen, baina ez zuen lortu, horretarako bitarteko ugari jarri bazituen ere.
Korrikalari talde batek udaltzainek astearteko entzierroan izandako jarrera kritikatu du agerraldi batean. Poliziek hiru pertsona identifikatu, horietariko bi atxilotu eta laugarren bat zauritu zuten.
Udaltzaingoak Iruñeko entzierroko korrikalari bat identifikatu du larunbateko txupinazoan ikurrinekin izan zen arazoarekin lotuta. Identifikazioagatik kexu ziren beste bi pertsona salatu ditu Udaltzaingoak, eta hirugarren pertsona bati ukabilkada jo dio udaltzain batek.