Espainiako selekzioaren deialdiei uko egiten dieten kirolari eta klubak zigortuko ditu Kirol Lege berriak
Ostegun arratsaldean dira onartzekoak legea Diputatuen Kongresuan. Aurretik ere Espainiako Selekzioarekin lehiatzeari ezezkoa ematen zion kirolariak zigorra zuen, baina lege berriak klubei ere ezarriko dizkie. Bi eta hamabost urte bitartez federazio lizentzia galtzea ekar liezaieke.
Ostegun arratsaldean dira onartzekoak Espainiako Diputatuen Kongresuan Kirol Lege berria. Haren harira goizean egindako eztabaidan, legearen ezkutuko ertz bat geratu da agerian: Kirol Lege berriak zigorrak ezarriko ditu Espainiako selekzioarekin jolasteari uko eginez gero. Zehazki, 98. Artikuluak “arau-hauste oso larritzat” jotzen du, bai selekzio nazionalarekin ez jolasteko kirolariaren beraren erabakia, baita kirol klubek euren taldekideei eragoztea ere.
Naiz-ek jaso duenez, orain arteko legeak ere zigorrak aurreikusten zituen kirolarientzat, lege berriak klubak ere jartzen ditu jo-puntuan. Ostegunean bozkatuko duten legearen arabera, isunak 3.000 eta 30.000 euro bitartekoak izan daitezke. Gainera, klubei kirol profesionalaren lizentzia eten diezaiekete bi eta hamabost urte bitartean.
Kirol Lege berri honen proposamenak aurretik ere eztabaidak eragin ditu. EAJk zuzenketa bat egin zion, eta horren arabera Espainiako autonomia erkidegoetako selekzioek nazioartean lehiatzeko aukera izango dute, erkidego bakoitzean tradiziozko diren edota jardun historiko luzeko kirolei dagokienez. EAEn pilotan eta surfean izango lukete horretarako aukera. Alderdi eta kirolari batzuentzat aurrerapausoa den bitartean, beste batzuentzat ulergaitza da aldaketa kirol modalitate batzuetara mugatzea.
EH Bilduko parlamentari Mertxe Aizpuruak ostegun goizean argitu du bere alderdiak abstentziora joko duela arratsaldeko erabakian. Azaldu du hasiera batean legea itxaropenez hartu zuten arren, ezin dutela alde bozkatu haren azpijokoak ikustean. Zehaztu du autonomietako selekzioetarako aukera kirol gutxi batzuetan soilik izateak ez duela Euskal Herriaren urte luzeetako eskaria betetzen. Bestetik, nazioko selekzioarekin jokatzea kirolarien eskubidea izan behar duela esan du, eta horren ordez legeak derrigorrezko egiten duela bat eta bakarrarekin lehiatzea, isun bidez.
Euskal selekzioaren ofizialtasuna lortzera bidean urratsa eman du Nazioarteko Euskal Pilota Federazioak, Euskadiko Federazioa eskubide osoko kide izatea onartuta. “Lorpen historikoa da”, zioen Euskadikoak pasa den abenduaren 28an, baina zuhurtziaz mintzo zen,... [+]
Lapurdiko Makean egin du Euskal Selekzioa Orain elkarteak lehenengo biltzar nagusia. Iazko udan Frantziako selekzioarekin jokatzeari uko egin ziotela iragarri zuten Ipar Euskal Herriko hamabost pilotarik osatzen dute gaur gaurkoz ekimena, zeinak helburu duen, besteak beste,... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Hainbeste urte borrokan horren atzetik ibili ondoren, 34 urte, hain zuzen, oso pozik gaude orain egun batzuk, abenduaren 28an Inuzente egunean, Iruñean, Nazioarteko Euskal Pilota Federazioak antolatu zuen batzarrean hartu zen erabakiagatik. Zeren ondo bidean,... [+]
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
.jpg)
Espainiako Federazioak salatu du ez zaiola parte hartzen utzi iragan asteburuko Nazioarteko Pilota Federazioaren biltzar nagusian, eta hori “bidegabekeria” dela. Biltzar hartan onartu zuten, bozketan, Euskadiko federazioa nazioartekoaren eskubide osoko kide gisa... [+]
Euskadiko Euskal Pilota Federazioa eskubide osoko kide izatea onartu du Nazioarteko Pilota Federazioak, larunbatean Iruñean egindako batzarrean. Ofizialtasuna lortzeko bidean urrats handia da, "lorpen historikoa", Euskadiko Federazioak adierazi duenez, baina... [+]
Euskal Herriko ardi moztaileek ofizialtasuna lortu dute nazioarteko lehiaketetarako, eta 2026ko munduko txapelketan parte hartzeko asmoa daukate. Lehenago, 2025ean, Euskal Herriko txapelketa egin nahi dute.
Iruñeko Labrit pilotalekuan ari da jokatzen 22 urtez azpiko XI. Munduko Euskal Pilota Txapelketa. Abuztuaren 31ra bitartean zazpi herrialdetako 200 pilotari baino gehiagok hartuko dute parte. Euskal selekzioak lehiatzerik ez duela-eta, haren ofizialtasuna eskatu dute... [+]
Euskal Herriko pilota selekzioa aldarrikatu du dozenaka pilotarik Hendaian egindako ekitaldi batean. Erabakia larunbatean, Hendaiako Beltzenia pilotalekuan egindako ekitaldi batean ezagutzera eman zuten.
Esquerra Republicanak egindako lege proposamena onartu du Espainiako Kongresuak, eta 2022ko Kirol Legea aldatuko dute.
Nazioarteko Euskal Pilota Federazioak batzarra egingo du, lehen aldiz euskal pilotarien estatusaren aldaketa aztertzeko prest azaldu ostean. Espainiako Pilota Federazioak bere aurkako "iraintzat" jo du asmoa, eta gaineratu du "izaera nazionalista aitortzea"... [+]