Espainiako polizia bat bi urtez infiltratu zen Lleidako mugimendu politiko eta sozialetan
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren osasunak okerrera egin zuela argudiatuta. Ávilako Polizia Eskolaren 32. promozioan graduatu da, martxoaren hasieran Directa-k argitaratu zuen Belén Hammad infiltratuarekin batera.
2019ko irailaren hasieran joan zen Joan Llobet –Álvaro Gaztelu Alcaire du benetako izena, Directa-k baieztatu duenez– Lleidako Ateneu Cooperatiu taldearen taberna batera, Ávilako Polizia Eskolaren 32. promozioan graduatu eta urtebetera. Endavant antolakunde independentistaren kide batekin erlazionatu zen bertan, eta hori izan zen Lleidako mugimendu politikoekin eta sozialekin eduki zuen lehen kontaktua. Geroztik, Directa-ren arabera "aktiboki" parte hartu zuen Kataluniako ezker independentistaren hainbat antolakunde eta ekitaldietan, 2021eko azaroan Bartzelonara lan arrazoiengatik eta amaren osasunarengatik lekualdatu behar zela jakinarazi zuen arte.
Hedabide berak martxoaren hasieran argitaratu zuen Belén Hammad polizia infiltratuaren kasua, Joan Llobeten promozio berean graduatu zena. Hain zuzen, Directa-k azpimarratu duenez bien infiltrazio metodoan antzekotasun ugari atzeman daitezke: familia arrazoiak argudiatuta utzi zuten militantzia politikoa biek, eta nortasun agiri faltsu batekin bankuetan kontu korronteak sortu zituzten –Hammadek Triodos Bank bankuan, eta Llobetek, berriz, Caixabanken. Horrez gain, nortasun agiri faltsu horrekin biek eman zuten izena kirol talde edo elkargune ezberdinetan: Bartzelonako Joan Miró Kirol Zentroan egoitza duen areto futboleko Pony's FS taldera afiliatu zen Hammad, eta Club Uppercut Lleidan izena eman zuen Llobetek, bertan kickboxing-a eta muay thay-a praktikatzeko.
Infiltratuak Lleidako Escola del Treball zentroko Ingurumen Hezkuntza eta Kontroleko goi-maila ziklo batean izena eman zuen 2019-2020 ikasturterako. Haren ikaskide batek Directa-ri adierazi dio "erabat ziur" dagoela Llobet poliziari harriak botatzen eta barrikadak egiten aritu zela Kataluniako prozesuaren sententzia argitara atera zenean piztutako istiluetan. Ezker independentistaz gain, Kataluniako beste hainbat esparru politikoetara ere hurbildu zen Teruelen jaiotako polizia: 2020ko azaroan Gironara joan zen, bertan SEPC Herrialde Katalanetako Ikasle Sindikatuak antolatutako mahai inguru nazionalean parte hartzera. Gainera, Lleidako PAH Hipotekak Kaltetutakoen Plataformaren asanbladetara erregularki hurbiltzen zen, eta Extinction Rebellion gazteen talde ekologistaren hainbat jardueretara ere gerturatu zen.
Azken papera
Llobetek rol aktiboa izan zuen azken gertakaria Pablo Hasel rap kantariaren espetxeratzea izan zen. 2021eko otsailean Lleidako Unibertsitateko errektoretzan eginiko itxialdian parte hartu zuen, rap kantariaren atxiloketa saihesteko. Urte bereko azaroan Bartzelonara lekualdatu zen, ingurukoei bertan lana aurkitu eta bere amonaren osasunak okerrera egin zuela esanda. Bertan ere izan zituen harremanak ezker independentistarekin, hain zuzen Casal La Cruïlla taldearekin, azaroaren 25eko Indarkeria Matxistaren Aurkako Egunaren harira hainbat ekintzetan parte hartuz. Geroztik, ordea, ez dute haren berri izan polizia infiltratua zela baieztatu duten arte.
Erreakzioak infiltrazioari
Lleidako mugimenduetan eginiko ibilbidearekin batera, Joan Llobetek 2019 eta 2021 artean egin zituen hainbat adiskideren adierazpenak jaso ditu Directa-k. Infiltratuak bere ibilbideari ekin zion Ateneu Cooperatiuren La Baula tabernako bozeramaileak, Maria Taribók, adierazi du Espainiako Estatuak "herri antolakuntzaren" aurka egiten duela behin eta berriz, eta asteartean argitaratutako infiltrazioa beste adibide bat baino ez dela: "Gure espazioetako ateak ixten saiatzen ari dira, baina autoantolatzen eta borrokan jarraituko dugu". Lleidako Endavant antolakundeko Borja Garcíaren arabera, "Espainiako Estatuko aparatu errepresiboaren aurkako borroka bat" irabazi dute gaur.
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.
Directa hedabidearen ikerketa batek ondorioztatu du 2018. eta 2020. urteen artean murgildu zela Kataluniako Palestinaren aldeko eta ezker independentistaren mugimenduetan, "Belén Hammad" izenaren pean. Nortasun agiri faltsu batekin Kataluniako Gobernuak... [+]
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]
"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.