Espainiako pentsio erreforma berria atzerapausoa dela diote sindikatuek
Espainiako Gobernuak astelehen honetan adostu du hainbat sindikatu eta patronalekin pentsioen erreformen inguruko akordioa. ELA eta LAB euskal sindikatuek kritikatu dute erreformak ez diela EAEko pentsiodunen eskaerei erantzunik ematen, eta iragarritako neurriek sistema publikoa ahuldu besterik ez dutela egingo.
Pentsioen erreforma egiteko akordio batera heldu da Espainiako Gobernua CCOO-rekin, UGT-rekin, CEOE-rekin eta Cepymer-ekin. Parlamentuan aurkeztuko duten lege proiektua jaso dute bertan.
Erreformak ez du gutxieneko pentsioen zenbatekoa zehazten, eta erretiro aurreratuen eta pentsio berrien murrizketak planteatzen ditu. Kotizazio-aldia 35 urtera arte igoko da, eta pentsio berrien zenbatekoa beherantz doituko da. Gainera, aurreko erreforman ezarritako erretiro adina mantendu egingo da. El Paísek emandako informazioaren arabera, 2050erako bi urtez luzatuko da adin efektiboa, eta adin legala 67ra helduko da 2027an.
Euskal sindikatuek kritikatu egin dituzte ezarri nahi diren neurrien ondorioak. ELAk salatu du “erreformaren helburua murrizketa berriak onartzea eta etorkizuneko pentsioak gutxitzea” dela, eta ez duela balio gutxieneko pentsio duinak bermatzeko. Euskal Herriko Eskubide Sozialen Gutunak eta Pentsiodunen Mugimenduak egindako eskaerak alde batera gelditu direla kritikatu dute, eta iazko urtarrilaren 30eko greba orokorrean bildutako aldarrien aurkako neurriak direla.
LABek erretiro adina 60 urtetan ezarri nahi du, baina Madrildik bultzatu duten erreforma berriak “erretiro aldia zaildu eta luzatzeko pizgarriak” onartuko dituela kritikatu dute. Horren aurrean, pentsio sistema propioaren aldeko apustua egin nahi dute, hori baita sindikatuarentzat “pentsio publiko, unibertsal eta duinak bermatzeko aukera bakarra”.
Euskal Herriko Pentsiodunen Mugimenduak herri ekimen legegilea aurkeztuko du Gasteizko ganberan. Apirilaren 24ra arteko epea ipini dute sinadura gehiago biltzeko, eta dei egin diete Araba, Bizkaia eta Gipuzkoan erroldatutako 18 urtetik gorako pertsona guztiei. Hiru... [+]
Erretiroa hartu berri dutenen %4,9k uztartu behar dituzte pentsioa eta lanen bat Espainiako Estatuan. Estonian %55 dira.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.