Espainiako Merkatuen eta Lehiaren Batzordea Uberren zerbitzura?
EAEko araudi autonomikoaren aurka egingo duela jakinarazi du MLBNk, Uberren presentzia Bilbon ahalbidetzeko eskaerari erantzunez.
Espainiako Merkatuen eta Lehiaren Batzorde astearte (MLBN) honetan jakitera eman duenez, EAEko araudia inpugnatuko du, Uberren eskaerak babestuz.
El Salto hedabideak gogora ekarri duenaren arabera, Uber multinazionala Bartzelonatik eta Valentziatik joan den urtarrilean eta maiatzean kanporatua izan zen, hurrenez hurren. Araudi autonomikoek behartutako neurria izan zen, izan ere, Uberrek gidariak soldatapeko langile gisa aitortu beharrean, kontrol zorrotzaren pean autonomo faltsuen baldintzetan aritzera derrigortzen ditu, lanerako eredu prekarioa sustatuz. Kataluniako eta Valentziako dekretuetan oinarritu zen Eusko Jaurlaritza debeku bera bultzatzeko, Uber Bilboko kaleetan hogei gidarirekin iritsi zenean.
Batzordeak ziurtatu duenez, "ez du araua bere osotasunean zalantzan jartzen", Uber Katalunian eta Valentzian ateratzea eragin zuten aginduak baino ez: gutxienez 30 minutuko aurre-kontrataziorako epea eskatzea, bide publikoetatik zirkulatzea debekatzea zerbitzurik ematen ari ez denean, Uber ibilgailuaren erabilgarritasuna ez ikusaraztea aparkatuta dagoenean, eta eskuragarri dauden autoak geolokalizatzeko debekua. MLBNren aburuz, "agindu horiek lehia murrizten dute eta ez daude behar bezala justifikatuta ongizate orokorraren ikuspegitik".
EAEko dekretua 2019ko abenduaren 21ean jalgi behar zen berez, baina ordu batzuk lehenago, Euskal Autonomia Erkidegoko Justizia Auzitegiak araudia geldiarazi zuen, Unauto VTC elkarteak hala eskatuta; beraz, Uberreko ibilgailu bat 30 minutu lehenago kontratatzeko baldintza ez zen martxan jarri, eta gidaria zeramaten garraio-ibilgailuen gidariek lanean jarraitu zuten.
Otsailean, Batzordeak araudia berrikusteko eskatu zion Eusko Jaurlaritzari, baina Jaurlaritzak atzera bota zuen eskaera. MLBNk Eusko Jaurlaritzaren araudiaren aurka aurkeztutako administrazioarekiko auzi-errekurtso horrek Batzordeko bi sailbururen boto partikularra jaso du.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.