Ikus-entzunezkoen Lege Orokorrak bete gabe jarraitzen duela salatu du euskalgintzak
Sei hilabete igaro dira Espainiako Estatuko Ikus-entzunezkoen Lege Orokorra indarrean sartu zenetik. Baina hizkuntza gutxituekiko hainbat xedapenek bete gabe jarraitzen dutela salatu dute Pantailak Euskaraz, Hekimen Elkartea eta Euskalgintzaren Kontseiluak, Euskal Herritik legeari emendakinak aurkeztu zizkioten eragileak.
Legeak hainbat betebehar ezartzen dizkie telebistei eta plataformei; hizkuntza koofizialei kuotak ezartzea eta diru sarreren ehuneko bat hizkuntza horietan egindako lanetarako erabiltzea, esaterako. Plataforma batzuk euskarara bikoiztutako eta azpidatziriko eduki kopurua handitu duten arren, eragileen arabera ez dira jadanik indarrean dauden hainbat artikulu betetzen ari. Izan ere, adierazi dute Espainiako Gobernuari eta RTVEri dagokiela legean jasotako gutxieneko neurri horiek ere errespetatzea.
Hiru dira, zehazki, indarrean egon arren momentuz bete gabe jarraitzen duten atalak, elkarteen esanetan. Batetik, RTVEk haurrei zuzenduriko kateetan eta horien katalogoetan edukiak autonomia erkidegoetako hizkuntza ofizialetara, hau da, euskara, galego, eta katalanera, bikoiztuta eskainiko dituela bermatu behar du. Bestetik, streaming plataformek hizkuntza ofizialetara jadanik bikoiztuta edo azpidatzita dauden hizkuntza bertsioak txertatu beharko dituzte euren edukietan. Azkenik, plataforma horiek hizkuntza ofizialetan ekoiztutako, bikoiztutako edo azpititulatutako ikus-entzunezko edukiak nabarmendu beharko dituzte. Xedapen horiez gain, "telebista lineal eta eskari bidezkoak ez dira ezgaitasunak dituzten pertsonen ikus-entzunezkoetarako irisgarritasuna euren hizkuntza ofizialean bermatzeko artikuluak betetzen ari", adierazi du Kontseiluak.
Kezka handiagotu da eragileen artean, hilabeteotan ezagutu den ikerketa baten emaitzengatik. UEMAk bere udalerrietako haurren ikus-entzunezkoen kontsumo ohiturak aztertu ditu, eta ondorioetako bat da Clan TV dela lehen hezkuntzako haurrek gehien ikusten duten katea. Bestalde, streaming plataformak "bideragarritasun teknikoaren aitzakiari" heltzen diotela dio Kontseiluak, bikoiztutako bertsiorik ez eskaintzeko.
Espainiako Gobernuari, RTVEri, Eusko Jaurlaritzari, EITBri eta streaming plataformei legea betetzeko eskatu die Kontseiluak. Are gehiago, euskararen presentzia ikus-entzunezkoetan handitzea posible egiteko, eta, hortaz, euskararen normalizaziorako estrategikoa den eremu horretan "hizkuntzaren ikusgarritasuna eta irisgarritasuna" bermatzeko, beharrezkoa ikusi dute Eusko Jaurlaritzak EITB bitartez sortutako Primeran plataforman euskara izatea lehenetsitako hizkuntza, eta euskarazko kalitatezko edukiak eskaintzea.
Heriotza-zigorra eskatzeko argudio gisa, "indarkeria politikoko ekintza" izan zela adierazi du AEBetako Fiskal Nagusiak.
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Lineal A duela 4.800-4.500 urte erabilitako idazkera minoikoa da. Berriki, Kretako Knossos jauregi ezagunean, bolizko objektu berezi bat aurkitu dute, ziurrenik zeremonia-zetro gisa erabiliko zutena. Objektuak bi idazkun ditu; bata, kirtenean, laburragoa da eta aurkitutako... [+]
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
Nafarroako Erriberako Andosilla herrian, sorpresa ugari ematen ari den indusketa arkeologikoa egiten ari dira Aranzadiko arkeologoak eta herritar boluntario taldeak. Resako aztarnategian orain arte oso ezezaguna zaigun Goi Erdi Aroko gizarteak hobeto ulertzeko aztarnak aurkitu... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]