Espainiako Goya sarietarako hautatu dute inperialismoa zuritzeagatik kritikatua den Elkanori buruzko filma
Espainiako eta Euskal Herriko erakunde pubilkoen diruz lagundutako eta sustatutako Elkano, lehen mundu bira filma animaziozko lanik onenaren Goya sarirako izendatu dute. Bien bitartean, film hori bera zinemetan eskaini ala ez aztertzen ari dira Filipinetan, hango banatzaileak atzera egin ostean.
Urtarrilaren 25ean banatuko dituzte Espainiako zinemaren sari nagusiak, eta, euskal ordezkaritzaren artean, Angel Alonso zuzendariaren Elkano, lehen mundu bira izango da. Animaziozko lanik onenaren saria irabazteko hiru hautagaietako bat izango da. Umeei zuzendutako filma Dibulitoon ekoiztetxeak sortu du eta Eusko Jaurlaritzak, Gipuzkoako Aldundiak, EiTBk eta Espainiako Gobernuak diruz lagundutako produktua da. Joan Sebastian Elkano getariarra omendu eta berak egindakoa ospatzeko eta gogoratzeko EAEn eratu duten Elkano Fundazioa izan da film honen sustatzaile nagusia Euskal Herrian, Espainian beste hainbeste egin du "V Centenario, 1º vuelta al mundo" ekimenak.
Espainiako zinemak saritzeko moduko lana dela iritzi duen filma ez da ikuspegi berarekin hartu Espainiako inperialismoaren ondorioak urte luzez sufritu dituzten lurretan. Horren erakusgarri Filipinetan filmak estreinatu aurretik jaso duen kritika saldoa. Hainbestekoa izan da, ezen Filipinetako zinemetan banatzeko ardura zuen enpresak atzera egin duen. Egun, hainbat historialari eta aditu aztertzen ari dira Elkano, lehen mundu bira Filipinetako zinemetan eskaintzeko egokia den ala ez.
Espainiako inperialismoa zuritzea da filmak jaso duen kritikarik ohikoena, baina badira bestelako ikuspegi batetik egindakoak ere. Horietako bat da dioena, Elkanoren filmeko pertsonai nagusiak Mexikoko konkistan girotutako El Doradorako Bidea filmaren kopia direla, baita emakumezko pertsonaien estetikari darion kutsu matxista ere. Albiste honetan jaso genituen kritika horiek.
Abenturazko serie bat
RTVE, Espainiako hedabide publikoa, Elkano eta Magallaesen "itsas-balentriari buruzko" serie bat egiten hasi da. Ordubeteko iraupeneko lau atalez osatuko dute, gaztelania hutsean grabatuta eta, RTVEren hitzetan, "lehen mailako talde artistiko eta teknikoarekin".
Seriea nazioarteko koprodukzioa izango dela azpimarratu dute, "anbizio eta aurrekontu" handikoa. Munduan "inoiz izan den balentriarik handienetako bat" kontatzea helburu izango du fikzioaren bitartez. Horretarako akziozko eta abenturen generoari dagozkion kodeak erabiliko dituzte, "mundu osoko ikusleentzat erakargarri" egiteko.
Asteazkenean mobilizazioa egingo dute bigarren urtez jarraian, "ipar global eta zuriaren menderatze historikoa" salatzeko.
Irailaren 6an Victoria ontzia Sanlucar de Barramedara iritsi zeneko V. mendeurrena ospatu zuten, bost mende lehenago portu hartatik abiatu eta hiru urte geroago lehen mundu bira osatu izana gogoan. Horrelako oroipen ospakizunetan ohikoa denez, urteotan zeharkaldia gogoratzeko... [+]
Eusko Jaurlaritzak irailaren 6a jai-eguntzat izendatu du Euskal Autonomia Erkidegoan, Juan Sebastian Elkanok munduari emandako bira ospatzeko. Gasteizko herri ekimenak elkarretaratzea egin du General Loma enparantzan. Adierazi duenez, "aurrera eraman nahi dugun mobilizazio... [+]
Asteartean Elkanoren Lehorreratzea herri antzerki berezia egingo dute Getarian. Eusko Jaurlaritzak ezarritako jai egunarekin bat eta Elkano Cadizko Sanlúcar de Barramedara heldu zela 500 urte bete direla eta. Halere, ez da mundu bira horrek eragindako lehorreratze... [+]
Euskal Herriko kaleetan kolonialismoarekin eta esklabotzarekin lotura duten pertsonaien presentzia aztertu du ARGIAko kazetari Axier Lopezek Gure heroiak liburuan, nazioartean sinbolo horien inguruan dagoen eztabaida Euskal Herriratzearen garrantziak mugituta. Liburua ARGIAren... [+]
Eguneroko ariketa inkontzientea gai bilakatu da Euskal Herriko egonaldian. Ez daramazkit egun asko eta jada arnasa estutu zait behin baino gehiagotan... Begirale moduan nabil ene herria bilatu eta berrezagutu nahian. Lehen ez ote nituen gauzak ikusi nahi edo atzerapauso galanta... [+]
Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.
Gure heroiak liburua idatzi du Lopezek Elkanoren mundu biraren bosgarren mendeurrenaren aitzakian, eta ARGIAk argitaratuko du, irailean. Euskal Herriko kaleetan kolonialismoarekin eta esklabotzarekin lotura duten pertsonaiek duten presentzia aztertu du, nazioartean sinbolo... [+]