Espainiako Gotzainen Batzarraren aurka Donostian agertutako kartelak ikertzeko eskatu dute Abokatu Kristauek
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako kartelak ez baititu inork bere gain hartu, ez egiletza aldarrikatu. Sarean bi milioi ikustalditik gora izan ditu.
Abokatu Kristauek Donostiako Instrukzio Epaitegiari eskatu diote Donostiako autobus markesinetan agertutako kartelen egileak ikertzeko. Otsailaren 23an Espainiako Gotzainen Batzarrari kritika egin zioten kartelak agertu ziren; fetu baten irudia zuten eta honako testu hau irakurri zitekeen: "Orain abortatzen baduzu, zer joko dugu larrutan hemendik bost edo sei urtetara?".
Noticias de Gipuzkoak jakitera eman duenez, legelarien erakundeak "iraingarritzat" jo ditu kartelak, eta uste du egilea gorroto-delitu baten, sentimendu erlijiosoen aurkako delitu baten eta egoera zibila usurpatzeko hirugarren baten erantzulea dela. Gainera, Istrukzio Epaitegiari eskatu dio "markesinen enpresak kartelaren eta haren edukiaren berri bazuen" iker dezan.
Polonia Castellanos Abokatu Kristauen presidenteak adierazi duenez, "beste erlijio bateko praktikanteei pederastak deitzeagatik zigortu izan dira". "Badirudi katolikoen kontra dena dagoela baimenduta. Justiziak ezin du horrelako astakeria bat zigorrik gabe utzi", salatu du Castellanosek Noticias de Gipuzkoaren arabera.
"Kristauak aspertuta gaude betiko taldeen erasoekin. Guk gainerako herritarrekiko errespetua besterik ez dugu eskatzen. Onartezina da adierazpen-askatasuna eskatzea kristauak eta gure sinesmenak iraintzeko", azpimarratu du Abokatu Kristauen presidenteak.
Hiri gerrilako ekintza anonimoa
Kartelak Askabide klinikaren ondoan agertu ziren, talde ultra katoliko batek abortatzeko eskubidearen aurkako kanpaina martxan jarri zuenean. Berrogei egun bizitzaren alde lelopean haurdunaldia eteten duten zentroen inguruan egin zuten kanpaina. Aurretik ere tentsioa izan da askotan Donostiako Amaran, abortuaren aurkako taldeak sistematikoki joan izan direnean Askabide klinikako langile eta bezeroei presioa egitera, beren kartel eta gainerako materialekin. Prozesioak ere deitu izan dituzte bertara.
Kartelak ez ditu inork bere gain hartu, eta agerikoa da ez direla Espainiako Gotzainen Batzarrak egina. Dena den, kartelak hainbat milioi ikustaldi izan ditu sarean, argazkia zabaldu zuten ondorengo kontuari bakarrik erreparatuta. Javier Duran fotokazetariaren txioa bakarrik, 2'6 milioi aldiz ikusi da. Argazkia askoz jende gehiagok ere zabaldu zuen sareetan eta Euskal Herriko hedabide nagusi ugarik jaso zuten. Mongolia aldizkari espainiarraren txioak, beste adibide bat jartzearren, milaka bertxio eta atsegite ditu.
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.
