Espainiako Gobernuari GAL ikertzeko eskatu diote Madrilen
GALek hildako Joxi Zabalaren arreba Pili Zabalak eta ETAk hildako Juan Mari Jauregiren alaba Maria Jauregik manifestua aurkeztu dute ostiral honetan Madrilen, Espainiako Gobernuari eskatuz, GALen jarduera dela eta, “bere erantzukizuna eta eragindako mina onar dezala”, haren biktimei eman beharreko aitortza emanez.
Iazko ekainean ezagutu zen CIAren dokumentu bat, non Espainiako Gobernuko lehendakari ohi Felipe Gonzalez GALekin lotzen zen. Haren harira, Pili Zabalak ikerketa eskaera bat egin zuen Espainiako Auzitegi Nazionalean, dokumentu haiek garrantzitsutzat joz GALen ikerketan urrats berriak emateko. Auzitegiko Fiskaltzak eskaera artxibatu du eta, neurriarekin desadostasuna agertuz, gaurko manifestua aurkeztu dute. Zabalaren ustez, egiak ez du inoiz preskribatzen eta, inpunitatea saihesteko, NBEk behartzen ditu estatuak egia bilatzera.
Orain arte bederen, Espainiako Gobernuak gaia itxitzat jo du eta hainbat modutan adierazi izan du ez duela horretan sakonduko. Iazko abuztuan, esate batera, HB Bilduko diputatu Jon Iñarrituk galdetu zion gobernuari ea "estatuaren terrorismoak egindako atentatu guztiak argitzeko" neurri egokiak hartuko zituen. Gobernuak erantzun zion esanez ez dela estatu terrorismorik egon; beraz, egon ez bada, ikertu beharrik ere ez.
El Diario.eus-en irakurri dugunez, ehundik gora pertsona ezagunen sostengua du manifestuak, besteak beste Garaikoetxea eta Ibarretxe lehendakariena. Sinatzaileen artean dira, halaber, Gorka Landaburu, Daniel Innerarity, Noam Chomsky edota Aitor Gabilondo Patria filmeko zuzendaria.
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]
Juan Alberto Belloch Espainiako Barne eta Justizia ministroa izan zen Felipe Gonzálezen agintaldiko azken urteetan. Elkarrizketa batean adierazi du Galindo "onena" zela "terrorismoaren aurkako borrokan", eta bere ideia izan zela Guardia Zibilaren... [+]
Prentsaurrekoa egin berri du Espainiako eta Frantziako Estatuen indarkeriaren biktimak biltzen dituen Egiari Zor fundazioak. GALek hildako Santi Brouarden alaba Edurne Brouardek eta Xabier Galdeanoren alaba Begoña Galdeanok egin dituzte adierazpenak. Espainiako Gobernuak... [+]
Espainiako Gobernuak gerra zikina egin zuela aitortu du José Barrionuevok, Felipe Gonzálezen PSOEren gobernuan Barne ministro izan zenak (1982-1988), El País egunkariari emandako elkarrizketa batean. Zenbait agintarik eta elkartek larritzat jo dute... [+]
Urriaren 16an 39 urte bete dira GALek bi gazte tolosarrak Baionan bahitu zituenetik. Foro Sozial Iraunkorrak gogorarazi du erreparaziorako urratsak eman behar direla; hala nola Espainiako Gobernuak gerra zikina aitortzea eta berdin babestea ETAren zein Espainiako Estatuaren... [+]
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]
Javier Chicote eta Juan Fernández-Miranda kazetariek El jefe de los espías (Espioien burua) liburua argitaratu berri dute. ABC espainiar egunkariko kazetariak dira biak, lehena ikerketa taldekoa eta bigarrena ABCko zuzendariaren albokoa. Hamalau urtez Espainiako... [+]
Maixabel Lasa elkarrizketatu ondoren bururatu zitzaion Álex Romaguera kazetariari Espainiako Estatuko ekintza armatuen inguruko liburu bat idaztea. Hamarkada bat geroago kaleratu du Victimes en so de pau (Biktimak bake asmoz). Katalunian errepresioaren ikurra den La Model... [+]
Nafarroako Hezkuntza Departamenduak inkesta bat egin du gazteek talde armatuei buruz dakitena neurtzeko. Galdekatutakoen %38k ez daki ETA zer den.
Espainiako Gobernuak gerra zikinari lotutako atentatuei buruzko datu zehatzak ematea saihestu du behin eta berriz. Eusko Jaurlaritzaren aurretiazko txostenen arabera, kasuen % 37 gutxienez biktimentzat inolako erantzun formalik gabe itxi ziren.
PSE-EEko hautagaiak adierazi duenez, ez da beharrezkoa Felipe González presidente ohiak gerra zikinean izan zuen papera argitzea.
“Ikertuta eta epaituta” omen dagoela aitzakiatzat hartuta, PSOEk eta PPk bat egin dute GAL erakundea eta Felipe González ikertzea blokeatzeko.
Unidas Podemoseko bozeramailearen arabera, koalizioak ezezko botoa emango dio estatu terrorismoari buruzko ikerketa batzordeari. Horrek EAEko Podemosen kontrako erreakzioa eragin du.
Pablo Echenique Unidas Podemoseko bozeramaileak ostegun goizean azaldu duenez, bere alderdiak ez du babestuko euskal alderdiek Espainiako Kongresuan Felipe Gonzalez eta GALen arteko harremana ikertzeko batzordea. Berriki argitaratu den CIAren dokumentu batek baieztatu du... [+]