Espainiako Gobernuaren aurrekontuen alde bozkatzea erabaki du EAJk
EAJko zuzendaritza batzartu egin da asteazken honetan, eta Euzkadi Buru Batzarrak jakinarazi duenez, erabaki dute Espainiako Kongresuan dituzten bost diputatuek aldeko botoa ematea Rajoyren Gobernuaren aurrekontuei.
Erabakia “arduragatik” hartu dutela arrazoitu dute: "Euskadiko herritarren interesak EAJren interesen gainetik jarrita, eta konbentzituta erabaki hori dela modu eraginkorrenean eragingo duena Katalunian 155. artikulua indargabetzea".
EAJk hilabeteak daramatza errepikatzen 155. artikulua indarrean den bitartean ez dituela Espainiako aurrekontuak onartuko, baina PPren Gobernuak 155a mantenduko zuela jakin zenetik, zalantzak izan dira.
"Erantzukizun printzipioa"
Azken egunotan egoera aldatu dela dio EAJk: "Kataluniako Generalitatak President legitimoa dauka honezkero, Parlamentaren gehiengo osoak aukeratua, eta 155. artikulua indargabe geratzea oso hurbil dago". Panorama horren aurrean, "erantzukizun printzipioa" aldarrikatu dute jeltzaleek, eta bost argudio nagusitan justifikatu dute:
- "155. artikuluak iraungitze-data dauka".
- "Aurrekontuen blokeoak amildegirantz bultzatuko luke, orain arte baino gehiago, Espainia eta Kataluniako egoera politikoa".
- "Kataluniarentzat elkarrizketa bidezko konponbidearen alde eragiteko gaitasuna ez galtzea".
- "Estatuko pentsiodun guztien pentsioak igotzeko lortu den akordioaren balioa aldarrikatzea".
- "Euskal Agendarekin eta Euskadiko garapen eta modernizazioarekin hitzeman dugun konpromisoaren balioa aldarrikatzea. EAJk babestuko dituen aurrekontuek jasotzen dute, era berean, Euskadin 540 milioiko inbertsio errekorra egitea".
Pedro Sánchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta.
Pedro Sanchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta. Uda ondorenean, baina, 2019koak aurkeztu beharko ditu. Horregatik, komeni da duela hilabete aurkeztu zituen bere plan alternatiboak... [+]
EAJk PPren gobernuaren aurrekontuak babestu ditu "erantzukizunez" jokatu duela iritzita. Konstituzioko 155. artikuluak Katalunian indarrean jarraitu bitartean Rajoyren aurrekontuak ez zituela onartuko berretsi izan du behin baino gehiagotan alderdi jeltzaleak. Hautsak... [+]
Espainiako Gobernuko aurrekontuak bozkatuko dituzte gaur Madrilen, eta horiek onartzeko ezinbestekoa dute EAJren babesa. Jeltzaleek ez dute bozkatuko dutenaren berri emanen azken momentura arte.
EAJk eta PPk aurrekontuen gaineko akordioa erdietsi dute 2018an Araba, Bizkaia, Gipuzkoa eta Nafarroara 25 milioi euro bideratzeko Estatuko aurrekontuetatik; beste 24,5 milioi euro 2019rako eta 14,5 milioi 2020rako. Guztira, 64 milioi euro. Diruaren zati handiena AHTko obretara,... [+]
PPren eta EAJren interesak batu egin dira Estatuko Aurrekontu Orokorrak salbatzeko, pentsionistak hauteskunde-merkantzia balira bezala erabilita.
PPren eta EAJren interesak batu egin dira Estatuko Aurrekontu Orokorrak salbatzeko, pentsionistak hauteskunde-merkantzia balira bezala erabilita.
EAJk iragarri duenez, Espainiako Gobernuak onartu du pentsioak Kontsumorako Prezioen Indizearen (KPI) arabera igotzea 2018an eta 2019an, aurreikusita zegoen pentsio minimoen %3ko igoeraz gain.
EAJk jakinarazi du ez duela Espainiako Estatuko Aurrekontu Orokorren osoko zuzenketarik aurkeztuko. EH Bilduk, bestalde, osoko zuzenketa aurkeztu du, esanez desberdintasun soziala “betikotzen” duela.
Katalunian Gobernua osatzen denean, iaz egin bezala, EAJk Espainiako Aurrekontuak aurrera aterako dituela uste du Espainiako Ekonomia Ministroak.
EAJk ohartarazi dio Rajoyri ez dutela aurrekontuez hitz egingo 155. artikuluak indarrean jarraitzen duen bitartean. Abenduaren 21eko hauteskundeen ondoren utzi liezaioke Espainiako Gobernuak artikulua aplikatzeari.
Aurrekontuak mahai gainean daude, Euskal Autonomia Erkidegoan eta Espainiako Estatuan. 155. artikuluaren aplikazioak eta oro har, Kataluniako prozesuak aurrekontuen afera baldintzatu du.