Espainiako Gobernuak onartu du Poliziari baimena eman ziola gizarte mugimenduetan infiltratzeko
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa bilatzen dutelako.
Espainiako Gobernuak onartu du Poliziak mugimendu sozialetan infiltratzeko baimena eskatu ziola. Compromíseko diputatu Carlos Muletek Valentziako taldeetan infiltratutako poliziaren inguruan galdetuta, Grande-Marlaskak onartu du Espainiako Poliziaren Informazioko komisario nagusiak Ramon Martinez Hernandez ezizena zuen agentea infiltratzeko baimena eskatu zuela.
Gobernuak ez du Poliziari baimena eman zion ministroaren izenik eman. Marlaskak adierazi duenez, infiltrazioekin lotutako informazioa espediente sekretu batean dago bilduta.
"Inteligentzia agenteak"
Inteligentzia agente gisa definitu ditu Marlaskak agente horiek, ez infiltratutako agente gisa. Horren arabera, gisa honetako Poliziek lortutako informazioa ez da ideologien edo mugimendu sozialen ingurukoa, baizik eta "ordenaren eta segurtasun publikoaren intereseko" informazioa.
Jon Iñarritu EH Bilduko diputatuak, bestalde, Daniel Hernandez Pons ezizenarekin Bartzelonako mugimenduetan eta Errekaleor auzoan infiltratutako poliziaren inguruan galdetu du. Marlaskak adierazi du polizia-jarduera mota horiek "helburu berezietarako" erabiltzen dituztela, "legez kontrako zigor-delituekin zerikusia izan dezaketen susmo sendoak dauden kasuetan", hain zuzen.
EH Bildu, CUP, Unidas Podemos, Junts, ERC eta Esquerra Confederal taldeek Kongresuan eta Senatuan infiltratutako polizien inguruko galderak egingo dituzte.
Lau kasu argitara
Jada mugimendu sozial eta politikoetan infiltratutako lau Polizia agenteren inguruko informazioa lortu dute kazetari lanek. Lehenengo hiruak La Directak zabaldu zituen. Hasteko, iazko ekainean independentismoan eta etxebizitzaren mugimenduan infiltratutako Espainiako Poliziaren identitatea ezagutarazi zuen. 2023ko urtarrilean, berriz, Bartzelonako mugimendu sozialetan eta Gasteizko Errekaleor auzoan ere ibili zen poliziarena. Eta otsailean Valentziako aktibismoan infiltratu zen poliziarena. Azkenik, Madrilen infiltratutako Polizia baten kasua argitaratu zuen El Saltok martxoan.
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
EHUko Errektoretzak komunikatu batean "ahalik eta irmotasunik handienarekin" gaitzetsi du unibertsitate-zentroko langileen ustezko espioitza kasua. Infolibrek ezagutarazi zuen Kitchen kasuaren barruan, EHUko langile bati buruzko informazioa pasa ziola unibertsitateko... [+]
Madrilgo La Animosa zentro sozialean eta mugimendu ekologistetan hartu du parte poliziak. Azken hilabeteetan argitaratu duten infiltratutako polizien laugarren kasua da.
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen... [+]
Espainiako enegarren ustelkeria auzia –Kitchen auzia deiturikoa– hari luzea uzten ari da bestelako kontuetan ere. Espainiako Barne ministerioak arerio politikoak nola jazartzen eta zelatatzen zituen agerian geratu da epaiketara aurkeztutako dokumentazioarekin... [+]
Espainiako Poliziak Mari Jose Beaumont zelatatu zuen 2015ean Uxue Barkos lehendakariak Nafarroako Gobernuko Lehendakaritza, Funtzio Publikoa, Barne eta Justizia kontseilaria izendatu zuenean.
Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Harreman sexu-afektiboak bilatu zituen zenbait andrerekin Espainiako polizia infiltratu batek Katalunian, besteak beste, inguru militanteetara sarbidea errazteko, Directa hedabideak jakitera eman duenez. Horietako bostek salaketa jarri dute epaitegian; sexu abusuak, osotasun... [+]
Directa agerkari digitalak Espainiako polizia infiltratu baten kasua argitaratu du; hainbat emakumerekin harreman sexu-afektiboak bilatu zituen, besteak beste, inguru militanteetara sarbidea errazteko. Erresuma Batuan azaleratu dituzte antzerako gertakariak: seme-alabak... [+]