Gutxieneko soldata igotzeko Espainiako Gobernuaren proposamena: hilean 15 euro gehiago
Erabakia ez da ofiziala. Sindikatuek onartu egin behar dute oraindik; CEOE patronalak ezezkoa emango diola iragarri du. 2023. urterako, gutxieneko soldata Espainiako Estatuko batez besteko lansariaren %60 izatea nahi dute.
Espainiako Gobernuak soldata minimoa hamabost euro igo nahi du. Irailaren 1etik aurrera aplikatuko litzateke, atzeraeraginezko izaerarekin. Akordioa onartuz gero, 965 euroko gutxieneko lansaria jasoko dute langileek hilero, hamalau ordainketetan banaturik: urtero, 13.510 euro izango litzateke zenbatekoa; orain arte, 13.300 euroan zegoen (hilean, 950). Dena den, gobernuko bozeramaileek adierazi dute oraindik “akordioa ixteko” lanean ari direla. Ez dute ezer sinatu, patronalaren eta sindikatuen oniritzia falta baitute.
CCOOk eta UGTk 25 euroko igoera lortu nahi zuten azken akordio sozialean. Bestalde, aurtengo aldaketa onartzeko baldintza gisa jarri zioten Espainiako Gobernuari 2022. urtean gutxieneko soldata 1.000 eurora igotzeko konpromisoa hartzea. Unai Sordo CCOOko buruak adierazi du epe luzerako prozesuaren alde egingo dutela: 2022 eta 2023 urteetan ere igoerak planteatzeko bide orria prest izan nahi dute.
Bruselak emandako gomendioak betetzeko, gutxieneko lansariaren zenbatekoa estatuko batez besteko soldataren %60 izan beharko da 2023an. Hau da, 1.027 eurora heldu beharko da soldata minimoa eskakizunak betetzeko. Lehen pauso gisa planteatu dute azken aldaketa: 12 eta 19 euro arteko igoera proposatu dute gobernutik, eta, azkenean, erdibidean utzi dute igoera.
Patronalaren iritzia
Izan ere, CEOE patronaletik ezezkoa jaso dute etengabe. Antonio Garamendi elkarteko presidenteak Antena 3 espainiar kateari esan dionez, mantendu egingo dute beren planteamentua: “Hamaika akordio handi egon dira, eta gu bertan ez gauden lehen aldia da hau. Haiek [gobernuko kideak] jakingo dute. [Hitz egiteko] eseri gara, etengabe. Gure iritzia garbia da. Argi esan dugu ez dela momentua gutxieneko soldata igotzeko. Enplegu gutxiago egongo da, ezkutuko ekonomia”.
Confebask euskal patronalak, berriz, irailetik esan izan du igoerarekin tentuz jokatu behar dela. EAEn gutxieneko soldata jasotzen duten beharginak ostalaritzan, lehen sektorean eta etxeko lanetan jarduten duten pertsonak izan ohi direla zehaztu dute, eta hiru sektore hauek direnez berreskuratze ekonomikoan atzetik doazenak, soldataren igoerak errekuperaziorako “oztopoak” eragingo lituzkeela.
Eragile sozialek sarritan aldarrikatu dute, Europako Gutun Sozialak esaten duena ezarriz gero, gutxieneko soldata 1.200 eurokoa izan behar lukeela Euskal Herrian.
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.