Espainiako Gobernuak autonomo faltsuen kontratua aldarazteko legea onartu du
Espainiako Gobernuak autonomo faltsuen kontratua aldaraziko duen legea onartu du eta abuztuan sartuko da indarrean. Sindikatuen ustez, legea ez da nahikoa langileen prekarietate egoera konpontzeko eta enpresei mesede egiten jarraitzen duela adierazi dute.
Espainiako Gobernuak Glovo, Deliveroo eta beste plataforma batzuetako autonomoak soldatapeko bihurtzea ahalbidetzen duen Rider-en legea onartu du. Legea abuztuan sartuko da indarrean eta autonomo faltsu izatetik hirugarren batentzat lanean ari direnen kontratuak lortzeko aukera izango dute.
Banatzaile ugari aritu dira salaketa kolektiboak egiten. Pasa den astean Bilboko Gizarte arloko auzitegi batek Glovoko 285 langileren aldeko epaia eman zuen eta Glovorekiko lan-harremana aitortu zaie. Nafarroan ere beste salaketa baten prozedura aurrera doa eta bi salaketek eskaera bera egin dute: autonomoak izan ordez, beste batentzat lan egiteko kontratua izatea.
"Motz" geratzen den legea
LAB sindikatuarentzat Bilboko langileen lan-harremanaren aitortza mugarri bat da eta rider-en legea lagungarria izango dela adierazi dute. Hala ere, ostalaritzako lan hitzarmenaren barruan egon daitezela nahi dute, legeak ez baitu zehazten zein sektoretako langileak izan beharko luketen. Gainera, autonomo faltsuen auzia konpontzeko “motz” geratzen dela uste dute, ez baititu jasotzen beste sektore batzuetako langileen egoera prekarioak eta banatzaileen arlora mugatzen baita.
RidersxDerechos banatzaileen sindikatuak negoziazioetan parte hartu du eta urteak daramatza autonomo faltsuen prekarietate egoera salatzen. Komunikatu baten bidez adierazi dutenez, ez daude ados legearekin: "Ez da nahikoa". Haien eskakizunen ildotik doan arren, enpresei mesede egiten jarraitzen baitu. Patronalei legea aplikatzen hasteko lau hilabeteko epea eman izana "onartezina" da erakundearentzat: "Gure lan-eskubideak ezin dira egun bat gehiagoz urratu". Gainera, egoera prekarioetan lan egiten duten beste sektoreak kanpo uzten dituela gogorarazi dute. “Ateak zabalik uzten ditu beste kolektibo askoren uberizaziorako, eta horrek eskubideen galera orokorra ekarriko du”. Paperik gabeko migratzaileak ere kontuan hartzen ez dituztela gaineratu dute.
Legeak ez du enpresak zigortzeko neurririk jasotzen eta ez da behatoki fiskalizatzailerik sortu. Sindikatuaren ustez, behatoki horrek ez luke patronalaren parte hartzerik izan behar, “ezinbestekoa baita langileen lan-eskubideak eta lan-baldintza duinak errespetatzen direla zaintzeko”.
🔴 COMUNICADO
Después de casi 1 año de negociación parece que hoy sale la mal llamada "ley rider".
Nuestro resumen es que es un paso insuficiente y tenemos poco que celebrar.
Seguiremos luchando para que se respeten los derechos de la clase trabajadora.https://t.co/nvduXABM08 pic.twitter.com/bU18i1yH6w
— Riders x Derechos (@ridersxderechos) May 11, 2021
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Krisi egoeran idatzitako gogoetak eta lagungarri egin zaizkion tresnak jasotzen ditu Iratxe Etxebarria kazetariaren 7.300 miligramo eszitalopram liburuak.
CCOOk egindako azterketa batek agerian utzi du hezkuntzan, industrian, ostalaritzan eta merkataritzan ordu estren kopurua nabarmen altua dela, eta enpresek urteko 3.254 milioi euro bereganatzen dituztela ordaindu gabeko ordu gehigarriengatik.
Sumarrek PSOEri ezarritako marra gorrietako bat horixe zen, lanaldia jaistea. Hala ere, laguntzak ematea ez zen hasierako asmoetan sartzen.
LAB sindikatuaren kontaketaren arabera, dagoeneko 36 dira aurten Euskal Herrian lan-istripuz hildako langileak.
2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik, eta, horren ondorioz, 2021an baja eskatu zuen. Orain, Bilboko Lan Arloko 2 zenbakiko epaitegiak ebatzi du... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.
Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.
Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.
Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]
Iparvending enpresak langile bat kaleratu zuela salatu zuen iraila amaieran ESK sindikatuak, eta kaleratzearen oinarrian enpresaren zein Ertzaintzaren “tratu iraingarria eta arrazista” zegoela. Kaleratutako langile Hamza Benzrira Gasteiztarrarekin hitz egin du... [+]
“Hodeia” izen etereoak ezkutatzen ditu ur eta energia kantitate handiak kontsumitzen dituzten zerbitzariz betetako pabiloiak. Bada, adimen artifizialak ere badu B aldea: Asia, Afrika eta Hego Amerikako milioika pertsonen lan esplotazioa. The Washington Posten... [+]