Espainiako Gobernuak argindarra igo eta elikagaien BEZaren beherapena mantenduko du
Espainiako Gobernuak krisiaren aurkako neurri ekonomiko berriak iragarri ditu abenduaren 27an. Neurrien artean, ekainera arte luzatu du oinarrizko elikagaien BEZak zeukan beherapena, baina elektrizitatearena eta gasarena %10era igo ditu. EAJk bankuen eta energia enpresen “inbertsio estrategikoak” pizgarri batekin arintzea adostu du Espainiako Gobernuarekin, eta EH Bilduk pertsona zaurgarrien etxegabetzeek etenda jarraitzea.
Espainiako Gobernuak krisiaren aurkako zortzigarren Errege Lege Dekretua aurkeztu du eta 2023aren balantzea egin du. Hartu dituen neurri ekonomiko berrien artean, ekainera arte oinarrizko elikagaien BEZaren beherapena luzatzea dago. BEZa %4tik %0ra jaitsita mantenduko da premia handiko elikagaietan (esnea, ogia, arrautzak, lekaleak edo barazkiak), eta %10etik %5era jaitsita olio eta pastetan.
Energiari dagokionez, argindarraren BEZa %5etik %10era igoko da. 2021ean, %5era jaitsi zuen Gobernuak. 2024 osoan mantenduko du %10ekoa. Gasaren BEZa %5etik %10era igoko da lehen hiruhilekoan, eta %21era gero.
Garraio publikoan, aldirietako, Rodalies eta Renfe Distantzia Ertaineko ohiko erabiltzaileentzako doakotasuna luzatzen da, baita estatuaren eskumenekoak diren garraio erregularreko zerbitzu publikoetan ere. Bestela da eskualdeko eta tokiko administrazioen mendeko garraioan. Horietan, Estatuak %30eko dirulaguntza mantenduko du, betiere gobernu autonomikoek %20ko deskontua egiten badute. Hala, garraioaren prezioa, oro har, %50 jaitsita egongo da.
EAJk adostutakoak
EAJk Espainiako Gobernuarekin bi gauza adostu ditu. Batetik, energia enpresen eta bankuen zerga kontzertatzea, eta bestetik, langileen errelebo kontratua luzatzea.
Lehenari dagokionez, bankuei eta energia enpresei ezarritako ezohiko zamak zerga sisteman sartuko dira hitzarmen edo kontratu bidez. Hala, EAEk eta Nafarroak kudeatuko dituzte. Beraz, energia enpresek eta bankuek ohiz kanpo dituzten irabazien gaineko zerga mantenduko da. Alabaina, “inbertsio estrategikoetan” pizgarri batekin arinduko dira, alegia, "trantsizio ekologikoan" inbertitzen baldin badute.
Erdietsitako beste akordioari dagokionez, langilearen errelebo kontratua urtebetez luzatzea erabaki dute. Akordioa adostu duten PSOE, Sumar eta EAJren arabera, erabakiak lantaldeak gaztetuko ditu industrian eta aldaketa handiak bizitzen ari den sektorean formakuntza erraztuko du.
EH Bilduk egoera zaurgarrian daudenen etxegabetzeak etetea adostu du
Espainiako Gobernuarekin egindako akordioaren arabera, pertsona zaurgarrien etxegabetzeak debekatzeko epea luzatu egingo da. 2024 osoan mantenduko da. Neurri hori, krisiaren aurkako planean, etxebizitza-arloko nagusia da, eta pandemiaren kolpea mugatzeko 2020an abian jarri zen talka-planetik dator. Pertsona zaurgarriek, etxegabetzea ez gautzatzeko, hainbat baldintza bete behar dituzte.
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
"Migrazio zirkularra" sustatu nahi du PSOEren gobernuak, langile batzuek behin-behineko hainbat lan egiteko migra dezaten Espainiako Estatura, eta gero euren jatorrizko herrialdeetara itzul daitezen.
2/2024 Lege Organikoa abuztuaren 22an sartu da indarrean, eta “akats tekniko tamalgarria” du, Espainiako Berdintasun sailburu Ana Redondok adierazi duenez. Sexu-indarkeriaren biktimak kaleratu ezin direnen taldean sartu dituzte. Espainiako Berdintasun Ministerioak... [+]
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]
ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten... [+]
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Hagako Nazioarteko Justizia auzitegian epaileak aztertzen ari dira Israelen Gazan egiten ari dena, eta prozesu horretan esku hartzea erabaki du Espainiako Gobernuak. Hala ere, José Manuel Albares Kanpo gaietarako ministroak argitu du ez dutela "parte hartuko... [+]
Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Hego Euskal Herrian negoziatzen diren itunek babes eta berme gehiago izango dute hemendik aurrera, Espainiako Estatukoen gainetik, Espainiako Gobernuak EAJrekin akordioa egin ostean. Sindikatuek neurria txalotu dute eta gogorarazi dute langile borrokaren ondorio dela.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
