Nafar legeen aurkako helegiteak kentzeko eskatu diote aldaketaren indarrek Espainiako Gobernuari
EAJk, EH Bilduk, Ezker Batuak eta Podemosek legez besteko proposamena aurkeztu dute Espainiako Diputatuen Kongresuan, hark Espainiako Gobernuari eska diezaion Nafarroako hamazazpi legeren aurka martxan dituen helegiteak kentzeko, eta bertako erakunde eta herritarren erabakiak errespetatzeko. Alderdi horietako ordezkariekin batera izan da Uxue Barkos, Nafarroako presidentea.
Lege horien artean daude, esaterako, poliziaren jarduna arautzen duena, eskuin muturrak edota poliziak eragindako biktimei buruzkoa, Nafarroako lurraldean frackinga erabiltzea debekatzen duena, etxebizitza eskubidea bermatzeko premiazko neurriak ezartzen dituena, eliza katolikoa zenbait zerga ordaintzera behartzen dituena eta Nafarroako biztanle guztiei doako osasun sistemara sarbidea bermatzen diena. Gehienak –hamazazpitik hamahiru– 2012tik aurrera onartutakoak dira.
EAJko Aitor Estebanen ustez, Espainiako Gobernuak helegite horiek aurkeztu izana estatu eredua ezbaian dagoelako adierazle dira. Gobernu bien arteko harremana aldebikotasunean oinarritu beharko litzatekeela esan du Estebanek, eta deitoratu du Madrilek Konstituzio Auzitegiaren bidea hautatzea helburu politikoak lortzeko. Proposamena sinatu dute lau alderdien ustez , Moncloak “sistematikoki” erabiltzen du aipatutako Auzitegia nafar legediaren aurka jotzeko.
Egoeraren desoreka ere salatu du Estebanek: “Estatuak helegite bat aurkeztutakoan, erkidegoetako araua berehala geldiarazten da, baina alderantzizko kasuetan ez da gauza bera geratzen”.
Proposamenaren idazkian, lau alderdiek azpimarratu dute Nafarroako Legebiltzarra maiz agertu dela helegiteon aurka. Halaber, gogorarazi dute hamazazpi legeei ez ezik, Espainiako Gobernuak helegitea jarri diela 2015ean jaulkitako bi dekreturi, osasun, hezkuntza eta suhiltzaileen alorretarako lan eskaintza publikoak arautzen dituztenak.
.jpg)
Entitate sozial honen langileek Etxebizitza, Gazteria eta Migrazio Politiken batzordean agerraldia egin dute haien lana azaltzeko. Hizlariek etxebizitza duinak, bizileku zein lan baimena erraztea eta osasun mentaleko baliabide publiko gehiago eskatu dizkiote Foru Gobernuari... [+]
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Nafarroako "eremu mistorako" deialdi bakoitzean, banan-banan, zehaztu beharko da euskarari zein atzerriko hizkuntzei ematen zaien puntuazioa, eta eremu ez euskaldunean ez da euskara baloratuko. Nafarroako Gobernuaren "jarrera euskarafobo, atzerakoi eta... [+]
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
Etxebizitzaren arazoari irtenbidea ematea du helburu Nafarroako Gobernuak hasitako prozesuak. Tentsio handiko eremu izendatu nahi dituzten udalerrien artean daude, besteak beste, Iruñea, Tutera, Lizarra, Tafalla, Corella, Noain, Cintruénigo, Baztan eta Altsasu... [+]
EH Bilduk seigarren urtez jarraian Chivite lehendakariaren aurrekontuak ahalbidetuko ditu, abstentzioaren bidez. Egungo akordioa mantenduz gero, abenduaren 19ko Osoko Bilkuran gauzatuko da proposamena.
Hitzarmenak 1.035 euroko gutxieneko errenta bermatuko du eta euskara, osasuna eta etxebizitza izanen ditu konpromiso estrategiko nagusi. Hamargarren urtez jarraian, UPNk ez du batere eraginik izanen aurrekontuetan, urteroko legerik garrantzitsuenean.
Nafarroako Gobernua ezustean harrapatu du Zangozako Muga meatze proiektuari Justiziaren arlotik emandako ostikadak. Hala onartu du Mikel Irujo Trantsizio Ekologikoko kontseilariak. Espainiako Meatzeen Legea aldatu beharko litzatekeela esan du eta ez du argitu Nafarroako Justizia... [+]
.jpg)
EH Bilduk, Geroa Baik eta Contigo-Zurekinek ekainean egin zuten eskakizuna, eta Espainiako Armadak ezetz erantzun berri du arrazoirik eman gabe, koalizio moreko Daniel Gómez bozeramaileak salatu duenez.
Zurekin Nafarroa taldeak EH Bildu eta Geroa Bairekin batera eskatu zuen Bardeako tiro poligonora bisita egitea. Armadak posta elektroniko bidez jakinarazi dio ez dela posible izanen bertaratze hori, arrazoi "operatiboak" tarteko.
Langileek %23ko erosteko ahalmena galdu zuten 2019ko akordioa sinatu zuten arte. Patronalak orain soldatak izoztea eta hainbat baldintza murriztea proposatu du. PSNk KPIaren eguneratzea eta %2ko soldaten igoera bultzatuko duela esan du orain, gizarte eragileen presioaren... [+]
, Nafarroako parlamentuan..jpeg)
Bizikidetasunaren eta Nazioarteko Elkartasunaren batzordeak Munduko Medikuak erakundearen eskaera onetsi du, PSNk aurka bozkatu duen arren. Irailean zehar 40 bat lagunek Mendebaldeko Saharatik Madrilera bidaiatu zuten nazioarteko babes eske eta dagoeneko haietatik hamasei... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Iruñerrian, eta Nafarroan orohar, une honetan memoria historikoaz hitz eginez gero, mahai-gainera indarrez aterako da Iruñeko Erorien Monumentuaren afera. Eraikina 1942an eraiki zen Francoren alde altxatutako hildakoei gorazarre egiteko. Elkarte memorialista... [+]