Espainiako Gobernua Hagako prozesuan egongo da, baina ez du Israelen kontrako genozidio salaketarekin bat egin
Hagako Nazioarteko Justizia auzitegian epaileak aztertzen ari dira Israelen Gazan egiten ari dena, eta prozesu horretan esku hartzea erabaki du Espainiako Gobernuak. Hala ere, José Manuel Albares Kanpo gaietarako ministroak argitu du ez dutela "parte hartuko prozesuaren bi aldeetako baten alde", eta hortaz ez dela genozidio salaketara batuko.
Hegoafrikak Israelen kontra genozidioagatik jarritako salaketaren harira, Espainiako Gobernuak iragarri du prozesu horretan parte hartuko duela. Baina Espainiako Kanpo ministro José Manuel Albaresek azaldu du horrek ez duela esan nahi herrialde horrek Hegoafrikaren salaketarekin bat egingo duenik, baizik eta Hagako justizia auzitegian abian den prozesuan, salaketa horren alde jardungo duela.
"Espainiak ez du parte hartuko prozesuaren bi aldeetako baten alde", argitu du Albaresek. Esan du epaimahaiak "bere interpretazioa" egin dezan lagunduko duela. Hortaz, Madril ez da salaketaren ez alde ez kontra agertu, baina epaileek "erabaki" bat har dezatela lagunduko du.
Nazioarteko Justizia Auzitegiak jadanik agindu dio Israeli Gazan giza laguntza pasatzen utz dezala, baina Tel Avivek jarraitzen du lurraldea etengabe blokeatzen eta bonbardaketak egiten
"Ez goaz Israelen kontra, gerra gelditzea ari gara bilatzen. Uste dugu hau ez dela modua israeldarren eta palestinarren artean harremanak izateko", esan dio espainiar ministroak El Pais egunkariari elkarrizketa batean.
Nazioarteko Justizia Auzitegiak jadanik agindu dio Israeli Gazan giza laguntza pasatzen utz dezala, baina Tel Avivek jarraitzen du lurraldea etengabe blokeatzen eta bonbardaketak egiten. Horren aurrean nazioarteko eragile ugarik isunak eta enbargoak exijitu dituzte, Israelera armak iritsi ez daitezen. Oraingoz inongo herrialdek ez du horrelakorik egin.
Gutxienez milioi bat pertsonak egin du ihes Rafahtik azken asteetan, Israelek hiriaren kontrako erasoaldia hasi zuenetik. Bestalde, bost urte baino gutxiago dituzten 335.000 haur goseak hiltzeko arriskuan daude, Al Jazeera-k emandako datuen arabera, Rafahko igarobidea itxi zenez geroztik.
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak... [+]
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Yala Nafarroak bat egiten du Israelek nazioarteko zuzenbidea sistematikoki urratzen duela salatzeko mundu osoan zehar egiten ari diren mobilizazioekin, eta iragarri dute mobilizazioei eutsiko dietela Mendebaldeko gobernuek Israelgo erregimenarekin duten konplizitatearekin amaitu... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]