Espainiako eta Frantziako Bankuek atzeraldi ekonomiko gogorra iragarri dute pandemiaren eraginez
Etxealdiak ekonomian izango duen eraginari buruzko aurreikuspen oso ezkorrak eman dizute Espainiako eta Frantziako Bankuek. 2008ko krisian baino lanpostu gehiago desager daitezke hemendik aurrera Espainiako Estatuan; Frantziakoan berriz, 68ko maiatzeko erabateko geldialdiak dirudi une honetakoarekin konparatu daitekeen fenomeno bakarra.
Espainiako Bankuak astelehen honetan argitaratu duen dokumentu baten arabera, %4,7 hondoratu da jarduera ekonomikoa Espainiako Estatuan urtarriletik martxora bitartean. Aurreikuspenen arabera, %6,6tik %13,6ra bitartean eroriko da urte amaierarako, etxealdiko baldintzen arabera. Portzentaje horiek testuinguruan jartzeko, kontuan hartu behar da, adibidez, 2008-2013 epean Espainiako Estatuak bizi izan zuen atzeraldi ekonomikoan %9,5 erori zela ekonomia. Eta, adibidez, 1993ko krisi ekonomikoan %1.
Pedro Sanchezen gobernuak orain arte 2021ean jarriak zituen esperantzak, aurten galduko dena datorrenean berreskuratuko dela iradoki izan baitu. Baina Espainiako Gobernuaren aurreikuspenek hankaz gora jarri dute ikuspegi hori, berreskuratzea espero den jarduera ekonomikoak ez baitu berdinduko aurten galduko dena.
Neurririk hartzen ez bada, Espainiako Estatuko eta beraz Hego Euskal Herriko langile klaseak ordain dezake krisi ekonomiko berri eta bortitz hau: betiere Espainiako Bankuaren aurreikuspenen arabera, langabezia tasak eztanda egin dezake %18,3 eta %21,7 artean kokatzeraino, aldi baterako enplegu erregulazio espedienteak kontuan hartu gabe.
Defizit publikoan ere eragina izango du koronabirusaren krisiak, Espainiako Estatuarena Barne Produktu Gordinaren (BPG) %7 eta %11 arteraino eramanez, aipatutako dokumentuaren arabera. Zorra berriz, %110 eta %122aren artean kokatuko litzateke. Noski, zenbaki hauetan Espainiako Gobernuak orain arte hartutako neurriak bakarrik hartu dira kontuan eta ez dute aurreikusi salbuespenezko neurriek nola eragin dezaketen.
Frantziako Estatua, 2021ean esperantzak jarrita
Frantziako Bankuak berriz, hil honen hasieran iragarri zuenez BPGren %6ko hondoratzea aurreikusten du urtarrilaren eta martxoaren artean. Konfinamendua hasi zenez geroztik %32 gutxitu da jarduera ekonomikoa estatuan eta François Villeroy de Galhau Frantziako Bankuko gobernadoreak azaldutakoaren arabera, etxealdian igarotako hamabost eguneko urteko BPG %1,5 jaisten da. Elikadura eta industria farmazeutikoa dira kolpeari eusten dioten bakarrak. Txanponaren beste aldean, ostalaritza: ia-ia etenaldian dago.
Frantziako Estatuan ere defizit publikoari eragiten dio egoera honek: %1 hazten ari da konfinamenduko hamabostaldi bakoitzean. “1968ko maiatza izan daiteke krisi honen antza daukan gauza bakarra historia hurbilean, orduan ere hainbat astez Frantziako ekonomia erabat gelditu zelako”, adierazi du Frantziako Bankuko gobernadoreak.
2021eko hazkundeak Frantziako Estatuarentzat V formako grafiko bat marraztuko duen esperantza dauka Villeroy de Galhauk eta horretarako enpresarientzat eta langileentzat laguntza planak beharko direla adierazi du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]
Nafarroako Gobernuak bart gauerditik aurrera indargabetu ditu COVID-19aren aurkako neurri murriztaile gehienak. Kalean eta ikastetxeetako patioetan ez da derrigorrean maskararik erabili beharko, gaueko aisialdiak eta ostalaritzak pandemia aurreko ordutegiak berreskuratuko... [+]
"Osasun Sailaren immobilismoaren eta konponbide ezaren aurrean", otsailaren 25ean greba deitu dute lehen arretan ELA, SATSE, LAB, CCOO eta UGT sindikatuek eta otsailaren 28an Osakidetzako esparru guztietan. Horrez gain, otsailaren 26an manifestazioak egingo dituzte... [+]
Zizt! Hor dator berriz ere, bularraldean sentitu dut goizean goiz, arraroa da benetan ziztada hau.
Zizt! Jertsearen gainetik bihotzaldea igurtzi dut, emeki. Ea pasatzen den, esan dut baxu, inork ez entzuteko moduan. Gaur egun kontuz ibili behar da nork-zer entzungo duen... [+]
La Bogue da Frantziako Limousin (okzitanieraz Limosin) eskualdeko hedabide alternatiboa. Kolektibo autonomo batek kudeatua, boluntarioek egina eta militantea, bere burua kokatzen du mugimendu anti-autoritarioaren baitan. Bertan agerturiko artikulua itzuli dugu euskarara.
“Proba bat egin ostean, COVID-19an positibo eman dut. Ondo nago, sintoma arinekin. Hurrengo egunetarako aurreikusitako agenda publikoa atzeratu eta konfinamendutik lanean segituko dut”. Kendu agenda publikoaren zera hori erditik, eta edonorenak izan zitezkeen... [+]
Igande eguerdian milaka lagun atera dira Donostia, Bilbo eta Gasteizko kaleetara gehiengo sindikalak deituta, kalitatezko osasun publikoaren alde eta Lehen Arreta jasaten ari den kolapsoaren aurka. Oso gogor mintzatu dira Iñigo Urkullu buru duen Jaurlaritza osasun... [+]
Osakidetzaren azken protokoloak dio positibo baten kontaktu estua izanagatik COVID-19a azken 180 egunetan pasatu duenak, txertatuta egon edo ez, ez duela etxean berrogeialdirik egin beharrik, baldin eta ez badauka sintomarik.
Txertoaren hirugarren dosia abian da herrialde aberatsetan eta laugarren dosia ere ezarriko zaie arrisku taldekoei. Denborarekin txertoek eragindako antigorputzak galdu egiten dira, eta horiek gehitzeko errefortzu dosiak jartzea da gobernuen estrategia. Baina txertoen alde... [+]
Zientzia politika publiko bihurtzen den modua kalkulu politiko eta ekonomikoek gidatzen dute, baita politikariek, alderdiek eta aholkulariek dituzten konpromiso moral eta ideologikoek ere”. Hala zioen Jana Bacevic soziologoak 2020ko apirilean The Guardian-en.
Denok... [+]