Espainiako Estatuak torturatzaileak saritzen dituela salatu du Zabalzaren familiak
Mikel Zabalza Gogoan ekimenak Espainiako Estatuari leporatu dio tortura saritzea. Arturo Espejo Intxaurrondoko tenientea zen orbaizetarra torturatu eta hil zutenean, eta gaur egun Guardia Zibileko teniente jenerala da.
Mikel Zabalza Gogoan ekimenak Arturo Espejo guardia zibila postuz igo izana salatu du, eta Espainiako Estatuari tortura saritzea leporatu dio, ostegunean Orbaizetan egindako prentsaurrekoan. Hil honen hasieran eman zuen jakitera Naiz-ek Arturo Espejo, 1985ean Mikel Zabalzaren tortura eta hilketa kasuekin inplikatutako guardia zibiletako bat, erakunde militarraren posturik altuenetan dagoela egun.
Familiak gogoratu du duela bi urte Nafarroako Parlamentuak Zabalza auziaren ikerketa sakona exijitu zuela, Zabalza torturatu egin zutela erakusten zuten audioa filtratu ondoren. Handik gutxira, 2022ko otsailean, Eusko Jaurlaritzak estatu indarkeriaren biktima gisa aitortu zuen orbaizetarra. "Adierazpen horiek guztiek gertakariak erabat argitzeko bide guztiak berriz aktibatzea eskatzen du, eta hala badagokio, Espainiako Estatuari erantzukizunak bere gain hartzeko". Gaineratu du bazirudiela adostasuna zegoela "egiaren, justiziaren eta erreparazioaren" bilaketan, baina Arturo Espejo Guardia Zibileko teniente jeneral izendatzeak erakusten duela "orain dela 37 urte geunden leku berean" gaudela.
Familiak salatu du Espainiako Gobernuak nahiago izan duela "Estatuko gertakari ilunenekin" zerikusia duten pertsonei aholkuak, konfiantza, sariak eta boterea eman, Nazio Batuek biktimen inguruan dituzten printzipioekin lerratu beharrean. Adierazi du torturatzaileek "erabateko inpunitatea" dutela eta horrek ez diola mesederik egiten elkarbizitzari. "Hitzetatik ekintzetara" pasatzeko ordua dela azpimarratu dute, eta kasua argitzen lagun dezaketen dokumentu sekretuak desklasifikatzeko eskatu.
Nafarroako Torturatuen sareak adierazi du ez dela "etikoa" mina aitortzea, torturatzaileak postuz igotzen eta kondekoratzen dituzten bitartean. Gaineratu du Nafarroan elkarbizitza posible izateko orain arteko indarkeria politikoa aitortu behar dela, eta arduradun politiko eta instituzionalei egoerak eskatzen duen erantzuna ematea eskatu die.
Zabalzaren hilketa
1985eko azaroaren 26an, Guardia Zibilak Mikel Zabalza orbaizetarra atxilotu zuen Altzan. Intxaurrondora eraman eta torturatuta hil zuten, hainbat frogek erakusten dutenez. Garai hartan Intxaurrondoko tenientea zen Arturo Espejo.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
La Cumbre Jauregia biktimen aitortzarako, erreparaziorako eta dibulgaziorako gune bilakatzeko proposamena egin dute memoriaren inguruan dabiltzan hainbat taldek eta Joxean Lasa eta Joxi Zabalaren senideek. Memoria Demokratikoaren Legearen arabera, eraikina Donostiako Udalaren... [+]
Maiatzaren 30ean Nafarroako Gobernuak zenbait biktimaren aitortza egin zuen eta senitartekoek Sekretu Ofizialen Legea bertan behera uzteko eskatu zuten. Horien artean, Mikel Zabalza eta Mikel Arregiren familiak. ‘Naparraren’ anaiak ere egina du eskaera hori. Eneko... [+]
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.
Jose Miguel Etxeberria, Naparra, aurkitzeko bigarren saioak porrot egin du Landetako Mont de Marsan herriko inguruetan. Iruñean ostiral honetan egindako agerraldian horren berri eman dute Eneko Etxeberria Naparra-ren anaiak eta Iñaki Egaña Egiari Zor... [+]
Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]
Larunbatean 49 urte beteko dira Espainiako poliziak eta Guardia Zibilak Jose Luis Mondragon eta Roke Mendez Asturiaga hondartzan hil zituztenetik. Omenaldia egingo dute hondartzan.
Joseba Merinoren familiak eta defentsak eskatu dute hilketen garaiko argazkiekin izan dadila hurrengo identifikazio saioa. Deituta zeuden hiru polizietatik bakarra agertu da, beste biak hilda baitaude polizien defentsaren esanetan.
“Ikertzen ez bada, ezinezkoa da ebazpen judizialik egotea eta norbait inputatzea". Hitz horiexekin erantzun zion Lourdes Zabalza Mikel Zabalzaren arrebak Fernando Grande-Marlaska Espainiako Gobernuko Barne Ministroari, honek Senatuan Arturo Espejo Guardia Zibila inoiz... [+]
Mikel Zabalzaren atxiloketa eta heriotzarekin lotura izan duen Arturo Espejo Guardia Zibila teniente jeneral izendatzeagatik azalpenak eman ditu Barne Ministroak Senatuan. Grande Marlaskak erabakia defendatu du, EAJ-k eta Geroa Baik Mikel Zabalzaren familia berriz ere... [+]