Monarkiaren aurkako protestaz informatzen ari zela mugikorra kendu zion Guardia Zibilak Mikel Urabaien kazetariari
Astelehenean Espainiako errege-erreginek Zizur Txikira egin zuten bisitak zeresana ematen jarraitzen du. Nahiz eta Mikel Urabaien kazetariak jakinarazi bera kazetaria dela, protesten berri ematen ari zela mugikorra kendu zioten, grabatzen ari zen bideoa ezabatu zen eta gainera autoritatearen aurkako atentatua egotziko ziotela mehatxu egin zioten.
Errege-erreginak iritsi behar ziren lekutik kilometro erdira jarria zuen Guardia Zibilak hesia. Monarkiaren alde zeudenak pasatzen uzten zituzten, aurkakoak ez. ELA, LAB eta Zizur Txikiko zenbait mugimendu sozialek protestara deitua zuten azken aldian ustelkeriarekin loturik zeresan handia ematen ari den erakunde honen aurka.
Urabaienek ARGIAri kontatu dionez, manifestariek uste zuten errege-erreginak beren aurretik igaroko zirela, baina konturatu zirenean ez zela hala izango, batzuk soro batean barrena joan ziren, protesta nolabait ikusgarri egin asmoz. Zenbait agente joan ziren, eta horietako bat manifestari bati bultzaka hasi zen.
Gaur egun Diario de Noticias egunkariko kazetari den, eta beste zenbait hedabidetan kolaboratzaile den Mikel Urabaien kazetaria –besteren artean ARGIAn– mugikorrarekin eszena grabatzera joan zen, bultzakada horiekin hasten zena nola amaituko zen jakin gabe. “Albiste posible baten aurrean ikusi nuen neure burua eta korrika joan nintzen grabatzera, bost metrotatik grabatuz manifestaria bultzaka ari zen polizia. Kazetaria naiz, grabatzeko eskubidea daukat errepikatzen nuen etengabe, badaezpada ere. Bera, ordea, manifestaria utzi eta niregana etorri zen”.
Lekukoek grabatu zuten bideoan ikus daiteke poliziak kazetariari kopeta-kopetaren aurka jarri ziola berehala eta eskua mugikorrera bota ziola. Urabaienek kontatzen duenez, mugikorra bizkarraren atzean jarriz babestu zuen, kazetaria zela esaten jarraitzen zuen bitartean. Zein hedabiderentzat lan egiten zuen ere galdetu zioten.
Halako batean atzetik etorritako beste hiru guardia zibilek eskuetatik heldu eta gertaera dokumentatzen ari zen mugikorra kendu zioten. “Eskumuturretatik heltzen ninduten bitartean oihuka ari zitzaizkidan esanez dokumentazioa ateratzeko, baina ezin nuen. Ezin nuela esaten nien, eta beraien erantzuna zen ez banien dokumentazioa azkar ematen, okerrago izango zela niretzat. Azkenean utzi zioten eskua patrikan sartzen eta dokumentazioa eman zien.
Bere mugikorra lurrera bota zuten poliziek, eta jaso zuenerako jada ez zen grabatzen ari, eta ordura arte dokumentatu zuena ez zegoen gordea.
Urabaienek dio inpotentzia handiarekin bizi izan zuela gertatutakoa, baina lankideen babesa asko estimatu duela. Gaur Diario de Noticias egunkariak Cuando se intenta silenciar el periodismo artikulua dakar, beren kazetariari gertatutakoa salatuz.
Autoritatearen aurkako atentatua egoztea larria eta faltsua dela dio, baina azkenean, Espainiako Gobernuaren delegaziotik egunkariko zuzendariari deitu diote esanez ez dutela salaketarik jarriko.
Astelehenean Guardia Zibilak Zizur Nagusian dagoen Esparru Gaztetxeko beste bi kide identifikatu zituen kontzentrazioa hasi aurretik.
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]