Espainiako Eliza Katolikoko sexu erasoen biktimak gutxienez 4.000 dira, barne auditoriaren arabera
Zifra hori orain arte gotzainek onartu dutena baino zortzi aldiz handiagoa da, eta are handiagoa izan liteke, kontuan hartuta datua Cremades & Calvo Sotelo abokatu bulegoak eman duela, Espainiako Apezpikuen Batzordeak eskatuta. Oztopoak jartzen ari dira elizbarrutiak, Espainiako Fiskaltzaren ikerketarako informazioa emateko.
Azken hamarkada luzeetan Eliza Katolikoan izan diren pederastia kasuak ezkutuan mantendu dituzte ia gaur egun arte. Espainia azkenetakoa izan da elizaren sexu erasoak ikertzen hasten; 2022an biktima ugariren testigantzek eta kazetaritza ikerketek presio handia egin zuten auzia argitzeko, eta bi ikerketa paralelo ireki ziren.
Gutxienez 4.000 pertsonari egin dizkiete sexu erasoak (1950eko hamarkadatik hona), orain arte gotzainek baieztatu dituztenak baino zortzi aldiz handiagoa da zifra, El Diariok jakinarazi duenez. Cremades & Calvo Sotelo abokatuen bulegoa ari da barne auditoria egiten, Espainiako Apezpikuen Batzordeak eskatuta.
Aldi berean Espainiako Kongresutik ere ikerketa independente bat abiatu zuten 2022ko martxoan, herriaren defendatzailearen bidez. Azken egunetan salatu dute oztopo ugari jartzen ari direla bai Apezpikuen Batzordea bai elizbarrutiak. Espainiako Fiskal Nagusi Álvaro García Ortizek Senatuan ohartarazi du “informazio oso eskasa” bidali dietela, eta datozen egunetan zuzenean joko dutela erantzunik eman ez dieten diozesi bakoitzari informazioa eskatzera (Opus Dei, Legionarios de Cristo, jesuitak, eskolapioak eta maristak, besteak beste).
Informaziorik ez emateko agindua
Espainiako Estatuko Fiskaltza Orokorrak azaro amaieran 70 diozesiri eskatu zien pederastia kasuen informazioa pasatzeko, Francisco aita santuak irekitzera behartu zien biktimen arretarako bulegoen bitartez jasota zutena. Izan ere, Apezpikuen Batzordeak esan zion informazio hori ematea “ez zegokiela” eurei, baizik eta elizbarrutiei. Kontsultatutako 70etik 29k bakarrik erantzun dute, eta soilik lauk –Gasteizkoa da bat– eman dituzte datu erabilgarriak, El Diariok zehaztu duenez.
Beste 25ek “aitzakien bidez” erantzun dute, Apezpikuen Batzordeko idazkari nagusi César García Magánen aginduen jarraiki. Alegia, artzapezpikuak esan zien ez bidaltzeko Fiskaltzari kasurik, ez badago aurretik probintziako fiskaltzan jakinarazita. Gutun eredu bera erabili dute elizbarruti gehienek, eta beste 23k ez dute erantzun ere egin. Horrez gain, Fiskaltzari esan diote Eliza Katolikoari lotutako gainerako instituzioen (eskolak, katekesiak…) informazioa ematea “ez dagokiela” elizbarrutiei.
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]
Paris, 1845. Frédéric Bastiat (1801-1850) ekonomialari eta politikari lapurtarrak Pétition des fabricants de chandelles (Kandelagileen eskaera) satira idatzi zuen. Protekzionismoaren aurkari sutsua, kandelagileek "bere argia salneurri baxuegitan... [+]
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]
Berria egunkariak eman du salaketen berri, garai hartan bertan egondako ikasle batzuen lekukotasunak ere bilduz. 1960ko hamarkadatik 1990eko hamarkadaren bukaera artean gertaturiko indarkeria fisiko, sexu bortizkeria eta bortxaketei buruzko lekukotasunak bildurik,... [+]
Klaratarrek Urduñako komentua erosteko kontratua sinatu zuten, baina Elizak atzera egin du salerosketan eta mojek testu luzea argitaratu dute, zeinean Pablo de Rojas Sanchez-Francoren diziplinara batu diren. Mario Izeta apezpikuak eskumikatu zuen erlijioso hori 2019an... [+]
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Espainiako Gobernuaren eta ETAren arteko negoziazioetan parte hartu izan zuen hainbat urtez Donostiako gotzain izandako Juan Maria Uriartek. Larunbatean zendu zen Basaurin.
Ondasunak identifikatu ostean, erreklamazio eta berreskuratze prozesua hasiko du aurten, eta udalerriei laguntza eta babesa eskaintzeko bulegoa sortuko dute.
1978tik 2015era bitartean, agintaritza katolikoek 530 ondasun lapurtu zituzten, horietatik 387 Gipuzkoan. Frankismoan immatrikulazio-kanpainari ekin ziotenetik, Elizak milaka eta milaka jabetza jarri ditu bere izenean Espainiako Estatuan, eta lapurreta gehienek indarrean... [+]