Espainiako Barne Ministerioak plusak ordaintzen jarraitzen du Euskal Herrian dauden poliziei eta guardia zibilei
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu gatazkatsuetan lan egiten duten langile guztiek” jasoko zutena. Espainiako Gobernuak martxoan EH Bilduko diputatu Jon Iñarrituk gai horri buruz egindako galderari erantzun zion.
Otsailaren 13an EH Bilduko diputatu Jon Iñarrituk egindako galderari Espainiako Gobernuak erantzuna eman zion martxoan. Bertan diputatuak ETAren garaian 1984ko urriaren 23an Espainiako Barne Ministerioak onartutako aginduari erreferentzia egin zion, eta galdetu zuen ea Espainiako Polizia eta Guardia Zibileko kideentzat zehaztu ziren “pizgarrietan” aldaketarik izan ote zen, Públicok orain jaso duenez. Izan ere, agindu horretako 4. artikuluan Espainiako Polizia Nazionaleko eta Guardia Zibileko kideek jasotzen duten “ordainsari” bat zehazten da, “arriskugarritasun eta nekagarritasun” kontzeptuengatik. “Osagarri hau eremu gatazkatsuetan lan egiten duten langile guztiek jasoko dute, betetzen duten eginkizuna edozein dela ere”, esaten du Espainiako Estatuko Aldizkari Ofizialean jasotako 4.3 artikuluak. Iñarrituri Espainiako Gobernuak emandako erantzunean zehaztu zuten “pizgarri horiek ezabatu, murriztu edo aldatzeari dagokionez, araudiak indarrean jarraitzen duela” .
ETAren desegitetik sei urte pasa ondoren, hainbat aldiz galdetu du Iñarrituk azken urteetan plus horiengatik. 2018an galdetu zuenean, Poliziaren Sindikatu Bateratuko bozeramaile Ramon Cossíok Públicori adierazi zion Espainiako Polizia eta Guardia Zibileko kideek Euskal Herrian bizi zuten “gizarte-gaitzespenagatik” eta “bazterketa-egoeragatik” Barne Ministerioa “partida horiek mantentzearekin ados zegoela”. “Normalitate falta” plus hori mantentzeko beste arrazoi bat zela adierazi zuen.
Martxoan Iñarrituri emandako erantzunean ez zuten zehaztu zenbatekoak diren Espainiako Polizia Nazionalaren eta Guardia Zibilaren kideei ordaintzen dizkieten “plus” horiek, baina Iñarrituri gai horri buruz 2020an emandako erantzunean, Barne Ministerioak zehaztu zuen 2.676 guardia zibilentzat eta 1.792 polizia nazionalentzat “arriskugarritasun” eta “lurraldetasun” gastuak 22.850.065 eurokoak zirela, El Saltok jaso duenez.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
Diskriminazioaren ahotsak txostenak zenbakitan jasotzen ditu 2023an Bizkaiko SOS Arrazakeriaren Informazio eta Salaketa Bulegoan pertsona ugarik agertarazitako esperientziak, eta haietan "arrazoi arrazista eta xenofoboen aurkako indarkeria, eraso eta diskriminazioak”... [+]
Frantziako Estatuaren aurkako protestak aitzina doaz Kanaky irlan eta errepresioak ere ez dauka etenik. Uztailaren 10ean tiroz hil du errepide blokeoan zegoen Rock Victorin Wamytan gaztea. Independentisten artean ezaguna den familia batekoa da gaztea: 1998ko Noumeako Bake... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Naiz.eus-ek aurreratutakoaren arabera, 2004ko martxoan Espainiako polizia batek eta bere semeak erail zuten Angel Berrueta eta bere alargun zein seme alabek, Nafarroako Gobernuaren aitortza ofiziala jasoko dute, indar polizialen indarkeriaren biktima moduan.
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
Lurrean zela, polizia batek Realeko zaleari ostikoa jo ziola ikus liteke Ertzaintzak bere ikerketan erabilitako bideoetako batean, Noticias de Gipuzkoa-k zabaldu duenez. Martxoan, Realaren eta PSGren arteko Donostiako futbol partidaren testuinguruan izandako istiluetan zauritu... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Astearte goizean egitekoa zen epaiketa, baina akordioa egin dute aurretik fiskaltzak, akusazio partikularrak eta akusatuaren defentsak. Akusatuak onartu du 2019an tiro egin ziola Amurrioko ezker abertzaleko familia baten baserriari. Espetxeratzea ekiditeko indultua eskatuko... [+]
Azken hamarkadetan, bi estatuetako indar armatuen jardun nagusiak errepresioa eta zapalkuntza izan direla salatu dute eta azpimarratu dute haien presentzia ez dela beharrezkoa. Ekainaren 22an izango da Fan Hemendik Eguna Oñatin.