Vital Fundazioak gonbidatuta, Espainiako Armadako bi koronelek hitzaldiak emango dituzte Gasteizen
Espainiako Armadako bi koronelek hitzaldiak emango dituzte III. Alava Jenerala konferentzia zikloaren baitan. Gasteizko talde antimilitaristek kontzentrazioa deitu dute Vital Fundazioaren eta militarren arteko kolaborazioa salatzeko.
Ekainaren 18an, Gasteizko Luis de Ajuria areto publikoan, Espainiako Armadako bi koronelek hitza hartuko dute. Vital Fundazioak, Espainiako Armadak eta Defentsa Ministerioak elkarlanean antolatu duten Alava Jenerala zikloa asteartean hasiko da. Juan José Otiñalo Viñes erreserbako koronelak "Bakearen bideetatik" izeneko hitzaldia emango du. Francisco Lanza Mollak armen kontrola izango du hizpide “Armamentuaren kontrola. Europarentzako segurtasuna eta bakea” hitzaldian.
Gasteizko mugimendu antimilitaristen ustez, “bi koronel hauek ez dituzte ausaz aukeratu”. Otiñalok urteak eman ditu Espainiako Armadako Gerra Eskolan lanean: “Bake-bideei buruz hitz egiteko hizlari onena, zalantzarik gabe”. Armen kontrolaz hitz egingo duen Lanza koronela “armagintzako bi espezialistaren senidea da”, talde antimilitaristen arabera. Lanzaren aita armagintza lantegi bateko zuzendari izan zen, besteak beste. “Paloma arrebak General Dinamics Santa Barbara de Sistemas-en lan egiten du. Turkiako Kirikkaleko bolbora-planta eraiki eta martxan jartzeko proiektuko burua izan zen, eta Espainiako armadarako misil Spike izeneko industrializazio-salmenta programa bezalako proiektuetan parte hartu du. Badirudi familiak, armamentuen kontrolaz baino gehiago dakiela haien ekoizpenaz eta merkaturatzeaz”
Vital Kutxa eta Kutxabank, “banka armatua”
Vital Kutxa eta Kutxabank helburu sozialekin jaio ziren finantza-erakunde bezala. Gasteizko talde antimilitaristek salatzen dute Vital Kutxak, Kutxabanken duen partaidetzaren ondorioz, azken honen ekintzen erantzule dela. Eta Kutxabankek lotura du armagintzaren industriarekin: Ezagunak dira industria militar batzuei (Maxam edo Sener) ematen dizkion kredituak eta beste batzuetan duen parte hartzea (Indra). Horrek, adibidez, Kutxabank hamarkada honen hasieran ‘Espainiako banka armatuaren’ rankingaren top ten-ean kokatua egotea ekarri du”.
Ekimen militarra Gasteizen egitea 1990 urteko udal mozioei iruzur egitea dela ere salatzen dute Gasteizko eragileek. Bi mozio onartu zituen Gasteizko Udalaren Osoko Bilkurak urte horretako maiatzean. Batean, "gizarte desmilitarizatua, demokratikoa eta justua, bere benetako etsaien aurka borrokatzeko gai dena – pobrezia, langabezia, kulturarik eza etab.–“ aldarrikatu zen. Bigarrenak, "udal barrutian edozein ekintza edo geldialdi militar egitea ekiditea" eskatu zuen.
Kontzentrazioa militarren aurrean
Gasteizko Talde Antimilitarista, Emakumeok Gerraren Aurka eta Ongi Etorri Errefuxiatuak Araba taldeek, besteak beste, kontzentrazioa deitu dute hitzaldia burutuko den toki eta ordu berean, “Gasteiz desmilitarizatu eta antimilitarista” baten alde: “Gaurkoa bezalako ekitaldiekin, gerrak hemen hastea bultzatzen da —eragiten dituzten ondorio negargarriekin: heriotzak, errefuxiatuak eta lekualdatuak, suntsipena, miseria eta gosea—. Guk, aitzitik, hiri antimilitaristaren lekukoa jasoz, tinko jarraituko dugu militarismoari gure lurra eta ongarri soziala ukatzen, hazi hori garatu ez dadin”.
Loiolako kuartelen afera ez dago bere onenean. Espainiako Defentsa Ministerioak eta Donostiako Udalak akordioa “aldi baterako” etetea erabaki zuten joan den astean, hilaren 18a baino lehenago ezin izango zutelako gauzatu, eta hori delako, hain zuzen, salerosketa... [+]
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Gertaeren bideo bat zabaldu zen sare sozialetan duela hiru aste, baina asteartera arte ez dituzte susmagarriak deklaratzera deitu. “Zauri larriak” egitea leporatu diete Espainiako hiru militarri.
Bardeak Ya plataformak salatu du ostegun iluntzean "bi eztanda handi" entzun zirela Tuteran eta Zaragozako zenbait herritan. Benetako munizioa erabiltzen ari da Espainiako Armada ariketa militarrak egiteko. "Bisitariei ohartarazten ari zaizkie laser armak ere... [+]
Iragan urtarrilaren 20an Espainiako Auzitegi Gorenak berriz erabaki zuenez, Espainiako Defentsa Ministerioak Belaguako mendateko kuartela hartzen duen lurzorua garbi eta egoera onean itzuli beharko dio Erronkari Ibarreko Batzorde Nagusiari.
2023ko atarian, 2022ko zenbakiek protagonismo berezi bat hartzen dute; izan ere, urte aldaketarekin batera, beti saiatzen gara kontagailua zeroan jartzen. Errealitate likidoen aroan, zenbakiek ere gure aditasunetik desagertzen dira ―askotan izugarrizko abiaduraz―, eta... [+]
9.791 milioi eurotik 12.317 milioira igoko du gastu militarra Espainiako Gobernuak, NATOk ezarritako helburua betetzeko. %42,5 igo dira armamentura bideratutako diru-partidak PSOEren eta Unidas Podemosen koalizio gobernua Moncloara heldu zenetik.
Pasa den astelehenean, sua piztu zen Bardean, eta Poligonoaren Aurkako Asanbladak Espainiako armadaren maniobra militarrei egotzi die ezbeharra.
Aste-akabu honetan, Espainiako Armadako Mendez-Nuñez izeneko fragata helduko da Getxoko gurutza-ontzien terminalera. Hala, maiatzaren 6tik 8ra bitartean, itsasontzi horrek bere ateak irekiko ditu publikoki. Horren aurrean, Getxoko EH Bilduk deitoratu du bisita hori... [+]
Munduko gastu militarrak lehenbizikoz gainditu du bi bilioi dolarreko langa. 2021ean 2,11 bilioi dolar xahutu dira, 1,97 bilioi euro, 2020an baino %0,7 gehiago, balio errealei erreparatuta. Aintzat hartuta pandemia betean egindako gastuez ari garela, eta Ukrainako gerra... [+]
Barne Produktu Gordinaren %1,4 bideratzen da gaur egun Espainiako Defentsa ministeriora. Gastua %2raino igo nahi du datozen urteetan Gobernuak, Pedro Sánchezek iragarri duenez.
Nafarroako ikastetxe guztiek jaso dute Espainiako Indar Armatuen nondik norakoak jasotzen dituen eskola dokumentua. LAB sindikatuak bidalketa salatu du, sare sozialetan.
