Espainiako Abortuaren Lege erreformak ez du jaso hilekoaren produktuei BEZa jaistea
Maiatzaren 17an onartu dute Espainiako Abortuaren Lege erreformaren zirriborroa. Berrikuntza nagusia da hileko mingarriagatik emakumeek hiru eguneko gaixo-agiria eduki ahalko dutela. Bestalde, 16 urtetik gorako andreek ez dute gurasoen baimenik beharko abortatzeko.
Azken asteetan eztabaida mordoa piztu du Espainiako Abortuaren Lege erreformak, eta azkenean asteartean onartu dute legearen zirriborroa Ministroen Kontseiluan; 2023an sartuko litzake indarrean. Espainiako Gobernu koalizioak akordioa lortu du puntu nagusi batzuetan, baina ez dute aurrerapausorik lortu beste batzuetan: ez diete BEZa jaitsiko tanpoi, konpresa edota kopa menstrualei, Ogasunak ez baitu onartu. Egun, %10eko BEZa dute hilekorako produktu higienikoek, eta %21ekoa hilekorako kuleroek. Irene Montero Berdintasun ministroak zehaztu duenez, emakumeen %22ak dio ezin dituela ordaindu oinarrizko produktu horiek.
Monterok jakinarazi du puntu hori eztabaidatzen jarraituko dutela Estatuko Aurrekontu Orokorretan, BEZa %4ra jaitsi edota ezabatzeko. Neurri horrek 30 milioi euroko kostua izango luke Espainiako Ogasunean, eta Monterok gogorarazi du Madrilgo M-30 errepidean xahututako gainkostuarekin 69 urterako gastua ordaindu ahal izango luketela.
Bestalde, hileko mingarria jasaten duten emakumeek hiru eguneko gaixo-agiria eskuratzeko aukera izango dute. “Aldi baterako ezintasun berezitzat” hartuko dute, eta ez da gutxieneko kotizaziorik beharko baja hori izateko. Estatuak hartuko luke bere gain kostu hori. Europan aitzindaria den neurri horrek zalantzak ere piztu ditu: ea praktikan enpresek nola jokatuko duten baimen hori hartzen duten emakumeekin, eta ea ez den horregatik diskriminatuko langilea.
Abortatzeko eskubidea
PSOEren eta Unidas Podemosen arteko beste adostasuna abortuari dagokiona izan da: 16 urtetik gorako emakumeek ez dute gurasoen baimenik beharko haurdunaldia eteteko. 2010eko legeak jasotzen zuen neurri hori, baina Mariano Rajoyren PPko gobernuak puntua aldatu zuen 2015ean, eta ordutik adin txikikoen gurasoek onartu behar dute alabaren abortatzeko erabakia. Azken erreformarekin berriro itzuliko zaie eskubide hori 16 urtetik gorako neskei. Eldiario.es atariak bildutako datuen arabera, adin txikiko emakumeen %90ak gurasoen laguntzarekin abortatzen du, eta, beraz, salbuespenetarako dago aurreikusita neurria, etxekoen babesa ez dutenei legearen babesa bermatzeko.
Erreformak jasoko duen beste puntu bat da haurdunaldiaren 39. astetik aurrera baimen-agiria hartzeko aukera izango dutela haurdunek, erditze-aurrea prestatzeko. Alegia, erditzea aurreikusten den eguna baino astebete lehenago. Erreformaren aurreneko zirriborroan baimen hori 36. astean ematea aurreikusten zen.
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.
Abortuaren aurkako jazarpena jasateko arriskua dute beren obulazioari buruzko informazioa plataformetara igotzen duten emakumeek. AEBetako estatu guztietan abortatzeko eskubidea bermatzen zuen aurrekaria bertan behera geratu berri den honetan, App hauek erabiltzeari uzteko deia... [+]