Euskal Herriko pilota selekzioa aldarrikatu du dozenaka pilotarik Hendaian egindako ekitaldi batean. Erabakia larunbatean, Hendaiako Beltzenia pilotalekuan egindako ekitaldi batean ezagutzera eman zuten.
22 urtez azpiko Munduko Euskal Pilota Txapelketa bat jokatuko da Euskal Herrian abuztuan, Iruñean. Bertan euskal pilotariak Espainia edo Frantziako selekzioarekin parte hartzera behartuak izango dira. Hori salatu zuten larunbatean Hendaian egindako ekitaldian.
Espainiako selekzioari uko egin dion Amaia Larralde eta pausu hori aurretik emana zuen Ekhi Ziarrusta pilotariek irakurri zuten komunikatua, Berria-k argitaratu zuenez: “Gu, euskal pilotariak garenez, gure nazioaren koloreekin eta gure ereserkiaren doinupean lehiatu nahi dugula aitortzen dugu. Beraz, Euskal Herriko selekzioak nazioartean eta txapelketa ofizialetan parte hartzeko duen eskubide kolektiboan eta indibidualean oinarrituta, zazpi herrialdek osatzen duten Euskal Herriko selekzioaren ofizialtasuna aldarrikatzen dugu”. Pilotariek Ez Frantzia, ez Espainia, gurea Euskal Herrikoa da leloa zeraman pankarta eutsi zuten. Babesa ematera joan zirenek Ofizialtasuna zihoen beste bat.
Egitasmoaren antolatzaileek adierazi zuten Euskadiko, Bizkaiko, Arabako, Gipuzkoako eta Iparraldeko pilota federazioek “trabak” jarri dizkietela ekitaldia egiteko. EH Bilduk eta EH Baik pilotariek egindako aldarrikapenari babesa eta elkartasuna adierazi diete: “Euskal Herria nazioa da eta eskubidea du nazioarteko lehiaketa guztietan bere selekzioarekin ordezkatua izateko”. Bi alderdi politikoek konpromisoa hartu dute, “arlo guztietan lan egiten jarraitzeko, Euskal Herriko kirol selekzioak ofizialki lehiatzea lortzeko helburuarekin”.
Esquerra Republicanak egindako lege proposamena onartu du Espainiako Kongresuak, eta 2022ko Kirol Legea aldatuko dute.
Nazioarteko Euskal Pilota Federazioak batzarra egingo du, lehen aldiz euskal pilotarien estatusaren aldaketa aztertzeko prest azaldu ostean. Espainiako Pilota Federazioak bere aurkako "iraintzat" jo du asmoa, eta gaineratu du "izaera nazionalista aitortzea"... [+]
Ostegun arratsaldean dira onartzekoak legea Diputatuen Kongresuan. Aurretik ere Espainiako Selekzioarekin lehiatzeari ezezkoa ematen zion kirolariak zigorra zuen, baina lege berriak klubei ere ezarriko dizkie. Bi eta hamabost urte bitartez federazio lizentzia galtzea ekar... [+]
Hilaren bukaeran jokatuko da Biarritzen Munduko Pilota Txapelketa, baina euskal pilotariek ezingo dute haiek nahiko luketen taldearekin lehiatu. Ekintzak eskatu dizkiete instituzio, eragile eta alderdi politikoei.
Grabatutako mezu baten bidez erantzun digu Athleticeko atzelaria den Mikel Balentziagak (Zumarraga, 1988). Klubari dagokionez zein kirolari gisa une goxoak bizi dituen arren, ez ditu izkutatzen Euskal Selekzioaren egoerak sortzen dizkion kezkak. Iraganean egindako akatsak... [+]
Pasa den uztailean, UEFAk jakinarazi zuen ez zuela Euskadiko Federazioa kide gisa onartuko, inor gutxi harritu zuen erabakia. Afiliazio-eskaera, baina, bi erakundeotako batzorde exekutiboek ukatu zuten, horretarako "eskumenik" ez dutenean, Euskadiko Futbol... [+]