Eskuz esku hasi da Askatasunaren Ibilaldia
Gaur, ekainak 8, Euskal Herriko milaka herritarrek erabakitzeko eskubidea aldarrikatu dute Durangotik Iruñerainoko 123 kilometroko giza kate erraldoia osatuz.
Ekitaldia antolatu duen Gure Esku Dago gizarte mugimenduaren izenean haren buruzagi Anjel Oiarbidek azaldu du bere poza mugimenduaren arrakastagatik eta aurrera begira urrats berri gehiago izango dela: "Hau helmuga bat da, baina pausoak sendoago emateko abiapuntua".
Aurreikuspen guztiak gainditu dira
Eskoziak independentziari buruz egindako urratsei jarraitu nahiz 2007an Gipuzkoako Goierrin erabakitze eskubidearen alde sortutako mugimenduak proposatu zion gizarteari duela justu urte bete, 2013an, gaur burutu den ekintza. Durangotik Iruñerako 130 kilometroak elkarri eskua emango zioten 50.000 pertsona biltzea baldin bazen orduko asmoa, azken asteotan herritarrek txiki utzi dituzte aurreikuspenak: azken astean 100.000 parte hartzailek emana zuten izena. Azkenean, antolatzaileek esan dutenez, 150.000 baino gehiago izan dira parte hartzaileak.
Gure Esku Dago ekimenaren inguruan bildutako herritar boluntarioek lan bikoitza egin dute. Alde batetik, joera politiko ezberdinetako pertsonen interesak lotu eta leundu. Horren arrakasta ikusi da azken asteetan sindikatu eta alderdi eta pertsonalitate politiko garrantzitsuek babesa eman diotenean giza kateari; zerrenda luzean nabarmendu beharko litzateke Europako parlamenturako bozketan izar berri gisa distiratu duen Podemos-Ahal dugu mugimenduaren atxikimendua.
Gure Esku Dagoko jendeen beste desafioa azpiegitura eta antolakizunekoa izan da: milaka lagun eraman (mila autobus inguru, gehi autoak) nor bere kilometrora eta haientzako gutxieneko zerbitzuak bermatu. Azken hilabeteotako mobilizazio erraldoi honek arrastoa utziko du Euskal Herri osoan.
Askatasunaren Ibilaldiaren oihartzuna
Historiari begiratuz gero, 2014ko giza-kate erraldoi honek badauka aurrekari bat: 1977an, Francisco Franco hil ondorengo trantsizio politiko betean, Askatasunaren Ibilaldia burutu zen herrietan barrena Iruñea ondoko Ororbiako zelai batean ekitaldi politiko handi batean bukatzeko, Telesforo Monzon abertzale historikoak deiturik. Herri mugimendu erraldoi hura egokitu zen Espainiako lehenbiziko hauteskundeekin eta trantsiziorako (konstituzioa barne) zenbait politikariren arteko negoziaketekin paraleloan. Gure Esku Dago tokatu da Espainia beste krisi edo trantsizio betean murgildurik dagoenean, alde batetik XXI. mendeko krisi handiaren ondorioak gizartean sekulako ondoeza zabaldurik, sistema politikoaren ardatzetakoa den monarkia eskandaluen lokatzetatik irten ezinik eta estatuaren batasuna bera Kataluniaren bereizteko ahaleginak pitzaturik.
Gure Esku Dagok udazkenari begira urrats gehiago prestatuta dauzka, bere buru Anjel Oiarbidek azaldu duenez. Ikusi beharko da nola uztartzen den erabakitzeko eskubidearen aldarrikapen herritar hau Espainiak bizi duen trantsizio politiko berrian indar politiko nagusien artean sumatzen diren negoziaketekin.
Euskal hedabideak bat eginik
Hedabideek elkarrizketatu dituzten herritar gehienek adierazi dute giza katea egitea bera izan dela arrakasta eta ondorioak nabarituko direla biharamunetik. Hedabideei dagokienez, bezperan ere ekarri ditu emaitzak: hainbat mediok, tartean ARGIAk, elkarlanean eskaini dute eguneko informazioa, egia bihurtuz Gure Esku Dagok hilabeteotan zabaldutako mezua, alegia bereizten gaituztenak baino gehiago direla elkarrengana biltzen gaituzten interes, nahiak eta beharrak.
"Nazio gisa eskubideak aldarrikatu eta herri oso bat martxan irudikatzeko" deitu dute 2025eko ekainean Bilbon egingo den mobilizazioa. Euskal Herri libre eta kohesionatu bat osatzeko "denen artean eta elkar lagunduz" lan egin behar dela berretsi du... [+]
Aurreko ekainean aurkeztu zuten ekimena Donostian. Maratoiaz gain Iruñean, Donostin, Bilbon eta Gasteizen zuzeneko ikuskizunak izango direla zehaztu dute asteazkenean. Hamabi orduz egongo dira “Euskal Herria irudikatzen”, eta “360 graduko Euskal... [+]
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
Pirinioetako Bidea ekimena antolatu du Gure Esku-k uztailaren 2rako, Kataluniako eragile sozial soberanista nagusiekin. Asmoa da Atlantikoa eta Mediterraneoa lotzen dituzten gailurrak argiztatuz, nazioarteko komunitateari mezua bidaltzea: irtenbide politiko bat behar dute Euskal... [+]
Asteazkenez bildu ziren Gure Eskuren bozeramaile Amalur Alvarez eta Josu Etxaburu Bakartxo Tejeria Eusko Legebiltzarreko lehendakariarekin. Gure Eskuk Legebiltzarrari dei egin dio erabakitzeko eskubidea arautzeko bidean hainbat konpromiso har ditzan. Uztailaren 2an, Kataluniako... [+]