Eskuinak irabazi ditu hauteskundeak Grezian
Demokrazia Berria alderdiak gehiengo osoa lortu du legebiltzarrean. Gobernuan zegoen Syriza bigarren alderdi bozkatuena izan da, aurreko hauteskundeetatik milioi bat bozka galduta. Varufakisen alderdiak ozta-ozta lortu du ordezkaritza, eta eskuin muturra legebiltzarrean izango da.
Demokrazia Berria alderdiko Kyriakos Mitsotakis izango da Greziako presidente berria. 2012 eta 2015 artean herrialdea gobernatu zuen alderdia da Demokrazia Berria. Bozken %39,7 eskuratuta irabazi ditu hauteskundeak. Greziako sistema politikoak 50 eserleku gehiago ematen dizkio hauteskundeak irabazten dituen alderdiari eta, hortaz, gehiengo osoa izango du Demokrazia Berriak legebiltzarrean. Alexis Tsiprasen Syrizak gobernua galdu du. 2015ean bozken %35arekin irabazi zituen hauteskundeak, eta oraingoetan %31,6ra jaitsi da.
Gainontzeko alderdiak urrun geratu dira. Hirugarren indarra Kinal Aldaketaren Aldeko mugimendua izan da, bozka paperen %7,81arekin. Laugarren Greziako Alderdi Komunista, %5,37 lortuta. Eskuin muturreko Urrezko Egunsentia alderdiak ordezkaritza galdu du, gutxieneko %3aren langara heldu ezinik (%2,96). Baina eskuin muturra presente egongo da beste alderdi politiko baten bitartez: Irtenbide Greziarrak bozken %3,74 jaso du. Syrizako ekonomia ministro ohi Yanis Varufakisen MeRA25 alderdiak ere ordezkaritza lortu du. Legebiltzarreko indar txikiena izango da (%3,49).
Abstentzioaren datua deigarria da. Greziako legebiltzarra hautatzeko asteburuko hauteskundeetan %44,2koa izan da, Europako hauteskundeetan baino handiagoa. Europako maiatzeko hauteskundeetan abstentzioa %41,3koa izan zen.
Erreakzioak
Zergen jaitsiera, soldaten igoera, atzerriko inbertsioak erakartzea eta segurtasuna izan dira Demokrazia Berriaren mezu nagusiak hauteskundeetan. Irabazi ostean, Greziara “gardentasuna eta meritokrazia” bueltatuko direla adierazi du presidente izango den Mitsotakisek. Herrialdearen presentzia Europan indartu egingo dela ere iragarri du.
Presidentetza galdu duen Tsiprasek Syrizan eraldaketa sakona egitearen alde azaldu da. “Gaur alderdia aldatzeko mandatua jaso dugu. Ezkerreko mugimendu bat eraikitzekoa, sustraiak langilerian izango dituena. Ahal dudan guztia egingo dut Syriza mugimendu aurrerakoi eta demokratiko handi bat bilakatzeko”.
Tsiprasen ekonomia ministro kargutik dimititu zuen Varufakisek lehenengoz izango du ordezkaritza legebiltzarrean. Onartu du MeRA25 alderdiak lortutako ordezkaritza “txikia” dela, baina aldaketaren alde lanean hasteko “nahikoa” dela adierazi du.
Gutxienez 10.000 hektarea kiskali dira Atenasetik gertu, eta dozenaka etxe eta enpresa kiskali dira, EFEk jaso duenez. Greziako Gobernuak suteei aurre egiteko laguntza eskatu dio Europar Batasunari.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]
Greziako Gobernuak ostegunean egingo du lege-proposamena Legebiltzarrean. Hamahiru orduko lanaldia legeztatzeaz gain, greba eskubidea ere urratu nahi du.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.
Gehiengo osoa lortu du Demokrazia Berria alderdi kontserbadoreak. Eskuin muturrak gora egin du, Espartarrak buru dituela eta Syrizaren "begi bistako porrota" aitortu du Alexis Tsiprasek. Abstentzioa %47,18koa izan da.