Gasteizen taldean egindako jipoiaren salaketa faltsua ote den ikertuko dute
Urriaren 23tik 24rako gauean lau gaztek jipoitu egin zutela salatu zuen emakume batek Gasteizen. Ertzaintzak ikerketa abiatu zuen, baina hamar egunetan ez dute salaketak jasotzen duena baieztatzera datorren inolako aztarnarik aurkitu. Erasoa egin zioten gazteak magrebtarrak zirela azpimarratuz diskurtso arrazista eta xenofoboa haizatu zuen salatzaileak. 2015ean Voxen zerrendetan aurkeztu zen hauteskundeetara. Ertzaintza salaketa faltsua ote den ikertzen ari dela adierazi du Josu Erkoreka Segurtasun sailburuak.
Gurasoen etxera bidean zela, Gasteizko Batan auzoan lau gaztek jipoitu egin zutela esanez salaketa jarri zuen 30 urteko emakume batek. Ertzaintzak ikerketa abiatu zuen gertakariak argitu asmoz, baina hamar egunetan ez da inolako aurrerapenik egin, salatzaileak dioena frogatzera datorren aztarna bakar bat ere ez baita aurkitu.
Ustezko erasoa gertatu zen tokia Espainiako Gobernuak EAEn duen ordezkaritzaren atzealdean eta Ajuria Eneako jauregiaren ondoan kokatuta dago, kamera presentzia handiko eremuan. Baina Ertzaintzak arakatutako kameren irudietan, salaketan zehaztutako ordu-tartean ez da ez jipoirik ez lau pertsonako talderik ageri ingurumarietan; salaketa jarri duen pertsona bai ageri da filmatutako irudietan, baina bakarrik. Eremu horretatik urrunago eta denbora-tarte zabalagoan jasotako kameren irudiak aztertu artean adierazpenik ez egiteko hautua egin du Poliziak. Josu Erkoreka segurtasun sailburuak Bizkaia Irratiari egindako adierazpenetan, ordea, jakinarazi du momentura arte ikertutakoak salatzailearen kontakizuna gezurtatzen duela, eta salatzailearen aurkako ikerketa ireki dela, salaketa faltsua den argitzeko. Erkorekak publiko egindako informazioaren arabera, Ertzaintzak asteartean salatzailearen aurkako salaketa jarri zuen epailearen aurrean, balitekeelako emakumeak delituaren itxurak egin izana.
Salaketa, diskurtso arrazista hedatzeko muntaia?
Salaketa jarri zuen emakumeak Toro Tv-ri eskaini zion elkarrizketa probestu zuen, besteak beste, esateko hedabideak oinarrizko aspektu bat albo batera uzten ari zirela gertakariaz informatzerakoan: ustez jipoitu zuten lau pertsonen jatorria, alegia. Hala, eskuin muturreko telebistak emandako bozgorailua erabili zuen ustezko jipoiaren erantzuleak adingabe magrebtarrak zirela azpimarratzeko.
“Espainian gertatzen ari dena ikus dadin nahi dut, kaleetan dagoen gorrotoa. Izan ere, lau magrebtar ziren, ez ziren edonolako lau gazte. Nahi dut hori jakin dadila. Errealitatea da. Gure herrialdera sartzen uzten diegu halakoak egiten dituen jendeari. Eta ez naiz lehena eta ez naiz azkena izango. Ahots pixka bat eman behar zaio honi. Geldi dadila. Zuzenean, nire herrialdetik kanpo. Oso zorrotza izan beharra dago. Nirea susto bat izan da, baina zoritxarreko gertakaria izan zitekeen”. Ezagun da emakumeak eskuin muturrarekin duen lotura, 2015eko foru hauteskundeetan Vox alderdiko hautagai gisa aurkeztu baitzen.
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Leporaturikoa ez onarturik, eta sare sozialetako kontuak "lapurtu" zizkiotela erranik, salaketa jarri zuen Arabako campuseko Farmazia Fakultateko irakasleak. Gernikako auzitegiak ondorioztatu du ez dagoela modurik frogatzeko mezu horiek berak idatzitakoak diren ala ez.
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Ikerketa bat egin dute Alemanian, hauteskundeen atarian: kontuak sortu dituzte TikToken, X-n eta Instagramen, eta aztertu egin dute algoritmoak zer nolako edukiak erakusten dituen. Guztietan, algoritmoak eskuinera eta eskuin muturrera jotzen du gehien, TikToken nabarmen.
Ekitaldian, Mileik motozerra bat oparitu dio Muski, murrizketa sozialen sinbolo eta aldarri gisa.
Sozialdemokratek inoizko emaitzarik kaskarrenak lortu dituzten arren, litekeena da demokristau kontserbadoreekin elkartzea eta gobernua osatzea. Botoen %28,5 jaso ditu CDUk, eskuin muturreko AfDk %20,7 eta SPDk %16,4.
LGTBIQ+ banderaren itzalpean eta mezu eta doinu antifaxistez inguratuta jarri du karpa Voxek.
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
Eraso faxistak, xenofoboak edo homofoboak gero eta ugariagoak dira Euskal Herrian ere, eta kezka barreiatu da han-hemenka. Behe Bidasoa da eraso horiek pairatzen dituen eremuetakoa, eta hor, zehazki, eraso edota ekintza gehienak Devenir Europeo (Europaren bilakaera) izeneko... [+]
Proces-aren aurkako epai gogorra 2019ko urrian atera zen eta horrek Bartzelona sutan jarri zuen. Testuinguru horretan, Espainiako Estatuan bolo-bolo irakurri zen eskuineko prentsan jaregindako esaldi hau: “Espainiaren on beharrez, 50 urtero Bartzelona bonbardatu beharko... [+]
Larunbatean hamarnaka milaka herritar manifestatu dira Berlinen eta Alemania osoan. Otsailaren 23ko hauteskunde orokorren atarian, gainontzeko alderdiei eta bereziki CDU alderdi kontserbadoreari exijitu diete AfD eskuin muturreko alderdiarekin harreman oro eteteko.
Vox alderdi faxistak Iruñeko Arrotxapea auzoan "informazio-mahai" bat jartzeko asmoa iragarri zuen, eta "kaleetan faxistarik nahi ez duen" langile-auzo anitz baten gaitzespenarekin egin dute topo. Berriozarren ere izan dira VOXekoak, eta bertan ere... [+]
.JPG)
Lau ardatz nagusiren inguruan egin dute 2024ko azterketa: indarkeria matxista; lurraldea; gerra eta gatazka armatuak; eta eskuin muturra. Euskal Herrian “erresistentziak metatzea” funtsezkoa dela ondorioztatu du Talaia Feministak, eta analisiaren sozializazioaren... [+]