Estatu Islamikoak beregain hartu du erasoa, Palestinako eta beste leku batzuetako musulmanen "mendekua" dela esanez. Eskuin muturrak inmigrazioaren aurkako mezuak hedatzeko baliatu du.
26 urteko siriarrak, ustezko egileak, ostiralez egin zuen eraso, Alemania hego-ekialdeko Solingen hirian, hiriaren 650. urteurrena ospatzeko ekitaldi-festibalean. Labankadaz sastatu zituen dozena bat pertsona; hiru pertsona hil eta gutxienez zortzi zauritu zituen. Kaosa probestu eta ihes egitea lortu zuen erasotzaileak, Alemaniako Poliziaren arabera. Baina gizonezkoak Alemaniako polizia-etxe batean aurkeztu zuen bere burua hurrengo egunean. Aurreko orduetan, ordea, beste bi pertsona atxilo hartu zituen Poliziak, erasoaren planen berri izan zezaketelakoan. Horietako batek 15 urte ditu.
Estatu Islamikoak beregain hartu du erasoa, eta zera argudiatu, Palestinako eta beste leku batzuetako musulmanen "mendekua" dela. Erasoaren egilea Estatu Islamikoaren "soldadua" da.
Eskuin muturra, gertakaria kapitalizatzen
Datorren igandean, irailaren 1ean, hauteskundeak egingo dira Alemaniako Turingia eta Saxonia estatuetan. Solingen hirian gertaturikoa esku-eskura heldu zaio eskuin muturrari, eta hura baliatzen ari da. Esaterako, Alemaniari Alternatiba (AfD) eskuin muturreko alderdiak kanpainako leloa aldatu du: Höcke edo Solingen. Zeuk aukeratu –Björn Höcke beraien hautagaia da–. "Solingenekoa AfDrekin ez zen sekula gertatuko, ezta inmigrazio masiboa edo segurtasunaren kolapsoa ere", esan du Höckek sare sozialetan.
Turingia estatuan hauteskundeak irabazteko hautagai nagusia da AfD, botoen %30 eskuratuko duela baitiote inkestek. Saxonian, berriz, bigarrenak litzateke, CDUko demokristauen atzetik. Dena den, Solingeneko gertakariaren ostean, AfDren igoera gerta daiteke.
Eskuin muturreko hainbat taldek manifestazioa egin zuten Solingenen, igandean, eta inmigrazioaren aurkako diskurtsoak eta mezu arrazistak hedatu horrela. Esaterako, erasoaren egilearen nortasuna alderik alde zabaldu dute, baita esan ere, inork baieztatu gabe, 26 urteko gizonezkoak deportatua behar zuela izan, Alemanian bizitzeko baimena iraungita zuelakoan.
Ezkerreko zenbait eragilek kontramanifestazioa egin zuten kasik leku berean, eta istiluak izan ziren Poliziarekin.
'Bermigrazioa'
Kontzeptu hori darabil AfDk, Austriako eskuin mutur identitarioko Neue Rechte-k bezalatsu. "Eskuin Berria" gisa aurkezten du bere burua Martin Sellner austriar faxista gazteak. Aztoratzaile fama du, eta nazismoko kontsignak bistaratu izanagatik zenbaitetan ikertua izan da. Esaterako, Alemaniara bidaiatu nahi izan zuen martxoan, AfDren mitin batean parte hartzera, baina Alemaniako Gobernuak sarbidea ukatu zion.
Bermigrazioa defendatzen dute bai Neue Rechte-k eta bai AfDk. Hau da, migratzaile ororen deportazioa, herrialde bakoitza "herritar autoktonoena" soilik bailitzan. Lehenik, "legez kanpoko migratzaileak" kanporatu behar direla diote, premia bizia horretan dagoela argudiatuta; eta bigarrenik, herrialdean asentatuta dagoen etorkin oro, "herrialdearen izatea segurtatzeko".
Era berean, "familia tradizionala" defendatzen dutela diote, AfDko Peter Gerhard hautagaiari irakur ahal zaionez: "Gizona eta emakumea, ordena horretan, eta haurrak. Ez dugu homosexualitatea gaitzesten, baina familia tradizionala defendatzen dugu, herrialde honi haur propioak eman behar zaizkio-eta, premia larria dago".
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Elba ibaiaren arroa, 1417. Lehorteak eraginda ibaiaren mailak nabarmen egin zuen behera, eta norbaitek ur maila markatu zuen harri batean, idazkun bat zizelkatuta: “Harri hau berriro ikusten baduzu, negar egingo duzu. Ura maila honetan zegoen 1417... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Palestinarekin elkartasunez kongresu bat antolatu zuten Berlinen aurreko astean, baina hura itxi zuen Poliziak. Atxilo eraman zituzten sionismoaren aurkako hainbat judu.
Software jabeduna utzi eta librera jauzia emateko helburua du Alemaniako Schleswig-Holstein estatu federalak. Hasteko, proba pilotu arrakastatsu baten ondoren, Microsoft Office baztertu eta LibreOffice erabiltzen hasiko dira administrazioan. Aurrera begira aldaketarekin jarraitu... [+]
Ehundaka milioi euroko galtzeak eragin ditu sabotajeak, enpresako zuzendariaren arabera. Fabrikak oraindik geldirik segitzen du. Vulkan Gruppe –Talde Bolkanikoa– izeneko ezker muturreko taldeak bere gain hartu du ekintza.
Mecklenburgeko golkoan, Baltikoko uretan, ia kilometro bateko harrizko egitura bat identifikatu zuten arkeologoek 2021ean. Orain diziplinarteko ikerlari talde batek harresiari buruzko ikerketa argitaratu du PNAS aldizkarian.
Egiturak 10.000 urte inguru ditu eta gizakiak egina... [+]
Frankfurt (Alemania), 1901. Alois Alzheimer psikiatra eta neurologoak Auguste Deter pazientea ikusi zuen lehen aldiz. 51 urteko etxekoandre alemaniarra kasu arraroa zen. "Pazientea eserita dago eta babesgabe dirudi" jaso zuen Alzheimerrek idatziz: "Nola duzu... [+]
"Errusiaren mehatxua" aitzakiatzat hartuta, arma ekoizpena areagotzea eta azkartzea jo du beharrezkotzat Scholz sozialdemokratak: "Ez da bake-garaia". NATOk berriki esan du Errusiaren kontrako "erabateko gerra" bat leher daitekeela hurrengo 20... [+]
Pasa den urrian Euskal Herriko hainbat lekutan ibili zen Christine Lamberty aktibista, Baskale elkarteak gonbidatuta, Frauen Bildet Banden (Emakumeak, osatu taldeak) dokumentala aurkezten. Filmean Rote Zora hiri-gerrillaren gainekoak kontatzen dira, baina baita 1970eko... [+]