Eskuin kontserbadorea Frantziako Gobernura sartu du Barnier lehen ministroak
Larunbat honetan aurkeztu du Frantziako gobernu berriaren osaketa Michel Barnier lehen ministroak. Eskuin muturreko RN alderdiak defendaturiko ideiak dituzten hainbat politikari eskuindar jarri ditu gobernuko karguetan. "Legetimitaterik gabeko gobernua" dela salatu du, beste behin, ezkerrak. Irailaren 23 honetan dute lehen ministroen kontseilua.
Irailaren 21ean aurkeztu du, azkenean, Frantziako Gobernuaren osaketa berria Michel Barnier lehen ministroak. Laburbiltzeko, zentro-eskuinekoez gain, eskuineko ordezkariak egonen dira gobernuan, eta tartean eskuin muturreko ideiak babesten dituztenak. Hala nola, Barne ministroaren kargua bideratu dio Bruno Retailleau-ri, hots, immigrazioaren aurkako postura gogorrak dituen senatari ohiari –etorkinen senideen etorrera gogortzeko neurrien alde, kanporaketak erraztearen alde, gutxieneko osasun arta etorkinei bideratzeko eskubidearen aurka, eta abar–. Tonua argi utzi du Retailleauk Barne ministro gisa emandako lehen adierazpen ofizialean: "Ordena berrezarri, ordena berrezarri, ordena berrezarri. Ordena da askatasunaren baldintza. Ordenarik ez denean askatasuna mehaxaturik dugu".
Tonua argi utzi du Barne ministro Bruno Retailleauk: "Ordena berrezarri, ordena berrezarri, ordena berrezarri. Ordena da askatasunaren baldintza. Ordenarik ez denean askatasuna mehaxaturik dugu"
LGBT herritarren eskubideen aurkakoak ere sarrarazi ditu gobernura Barnierrek. Gay eta lesbianentzako ezkontza eta adopzio eskubidearen aurka bozkatu zuen Laurence Garnier da Kontsumorako Estatu idazkari berria eta Laurence Garnier, berriz, Goi Irakaskuntzarako ministroa. Kontraerranak ez ditu izutzen eta Diskriminazioen aurkako Estatu idazkari berriaren kargua bideratu dio Othman Nasrou-i –honek ere gay eta lesbianen ezkontza eta adopzio eskubidearen aurka bozkatu zuen 2013an–. Egoera hain da kezkagarria, non eta orain arteko lehen ministro Gabriel Attalek ere azpimarratu dituen kargudun batzuekiko dituen "sakoneko desadostasunak", ondokoa adieraziz: "[Michel Barnierri] galdetzen diot argiki adieraztea ez dela atzera pausorik egonen laguntza bidezko ugalketari dagokionez, ezta abortoari eta LGBT komunitatearen eskubideei buruz ere”.
Ezkerraren garaipenaren gainetik pasaz
Frantziako Legebiltzarraren osaketa berria ez zuen kontuan hartu Emmanuel Macronek irailaren 5ean, Errepublikarrak alderdiko Michel Barnier lehen ministroa izendatzerakoan, eta hori horrela, gobernu berriaren osaketak ere ez du Parlamentuko errealitatea islatzen. FHB Ezkerreko Fronte Herritar Berriak irabazi zituen hauteskundeak uztailaren 7an, eta demokraziaren printzipioei segi, emaitza horiek kohabitazioa zekarten, hots, FHBko lehen ministro baten izendapena. Baina ez: eskuinera jo dute Macron eta Barnierrek, baita eskuinaren eskuinera ere… Azkenean, eskuin muturra dugu krisi politiko honetako garaileen artean. Berez porrota alimalea bildu duen eskuineko Errepublikanoak alderdia ere dugu harrigarriki garaile ateratzen den bestea: nahiz eta 2017ko ehun aulkietatik 39tara pasa, alderdi honetakoa da Barne ministroa eta berak osatu du gobernua.
"Macronisten pelikula katastrofikorako casting-a berria" ikusi bezain laster, "ahal bezain fite boteretik kentzeko" deia luzatu du ezker muturreko Frantzia Intsumisoa-ko ordezkari Jean-Luc Melenchonek. Ezkerreko ordezkari guztiek dute kezka eta haserrea plazaratu. "Legitimitaterik gabeko gobernua dago, Le Penen babesari esker zutik dirauena", Legebiltzarreko Frantzia Intsumioa taldearen presidente Mathilde Panoten hitzetan. Zentsura mozioa aurkeztuko du ezkerrak, eta eskuin muturreko RN alderdiak ere ez du aukera baztertzen.
Ostegun arratsaldean egin dute bozketa eta, aurreikusitako moduan, François Bayrou lehen ministroaren aurkako zentsura mozioak ez du aurrera egin. Izan ere, eskuin muturreko Batasun Nazionalaren sostengurik gabe, ez zuen aurrera egiteko aukerarik.
331 diputatuk bozkatu dute ezkerrak aurkezturiko zentsura mozioaren alde. Eskuin muturrak babestu du ezkerraren testua, eta horrek ekarri du gehiengoa lortu izana. Emmanuel Macron presidenteak hitza hartuko du ostegun honetan 20:00etan.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Duela bi aste, Frantziako irratien finantziamendua zalantzan zen, Frantziako Kultur Ministerioak %35 apaldu nahi baitzituen elkarte irrati lokalei bideratu dirulaguntzak. Orduan, 200 bat elkarte ziren lanjerrean eta horien artean Iparraldeko Euskal Irratiak.
Azalpena... [+]
Frantziako Gobernuak aurkeztu duen 2025eko finantza lege-proiektuaren arabera, irrati elkarteek jasoko duten laguntza ekonomikoa %35 murriztuko da. Murrizketak, hamar milioi euro gutxiagoko diru-laguntza jasotzea suposatuko luke. Irratien elkarteak esan du "lurraldearen... [+]
Eskuin muturreko RN alderdia da Frantziako Legebiltzarrerako hauteskundeen lehen itzuliko garaile handia. RN alderdiak %33,15 jaso du, ezkerreko Fronte Herritar Berriak %27,99 eta Macronen Ensemble alderdiak %20,04.
Asteazken goizean eskainitako ohiz kanpoko prentsaurrekoan eman du erabakiaren berri Frantziako presidente Emmanuel Macronek. Kanaken haserrea piztu zuen legeak, errolda horren eguneratzeak kanaken pisua gutxitzeaz gain, 1998ko Noumeako Bake Akordioen muinaren errespetu-eza... [+]
Ekainaren 30eko eta uztailaren 7ko Frantziako Legebiltzarrerako hauteskundeetan eskuin muturrak garaipena lortu dezake, eta hori gertatzekotan Le Penen RN eta Macronen Renaissanceren arteko koalizio gobernua osa liteke. Arrisku errealaz kontziente, eskuin muturraren gorakada... [+]
Batasun Nazionaleko buruak, Macronek Frantziako Asanblea Nazionala disolbatu eta hauteskundeak deitzeko harturiko erabakia jakin eta berehala hitz egin du, alderdi ultraeskuindarrak Europako hauteskundeetan emaitza ikusgarriak izango zituela baiezkotzat emanda.
Urgentziazko prentsa agerraldia egin du Emmanuel Macronek, inkesta emaitzak jakin eta ordubetera. Izan ere, inkestaren arabera, Le Penen alderdi ultraeskuindarrak bikoiztu egingo lituzke bere botoak.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
