Eskubideei kolpea Turkian, hiru hilabeterako salbuespen egoerarekin
Erabakiak botere absolutua emango dio Erdogan presidenteari. Funtzionario publikoen aurkako sorgin ehizak dirauen bitartean, kurduak bonbardatzeari ekin dio armadak.
Aurrera darrai Recep Tayyip Erdoganen kontraerasoak. Huts egindako estatu kolpeari erantzun bortitza eman dio presidenteak: bere aurkariak deusezteko bidean, hiru hilabeteko salbuespen egoera ezarri du berak zuzentzen duen Segurtasun Kontseiluak, The New York Times-en arabera.
Zenbait neurri ezarriko dizkie herritarrei, Erdogani botere absolutua ematearekin batera. Besteak beste, mugimendu, adierazpen eta biltze askatasunen arloan herritarren eskumenak murriztuko ditu. Horrez gain, etxeratze agindua deitu eta ibilgailuen trafikoa eta herrialde barruko bidaiak mugatu ditzake, Konstituzioaren 120. artikulua baliatuz.
“Demokrazia mehatxupean dutenak borrokatzeko” ezarri dute salbuespen egoera, Erdoganek azaldu duenez. Bere esanetan, “erakunde terroristako kideez arduratzeko” hartu dute neurria; Fehtullah Güllen oposizioko buruaren jarraitzaileei buruz esan du hori. Cyprus Weekly-ren arabera, Güllenen kolaboratzaileak bilatzen ari da polizia Ipar Zipren ere.
Bien bitartean, funtzionario publikoen sorgin ehizak ez du etenik. NTV telebista kateak azaldu duenez, asteazkenean 113 epaile gehiago atxilotu zituen poliziak. Horrez gain, hezkuntza publikoko 21.000 lagundik gora kaleratu ditu gobernuak, irakasleak gehienak. Unibertsitateetako 1.567 errektorek kargua utzi behar izan dute. Alor pribatuko 425 eskola itxi dituzte Güllenekin harremana izatea leporatuta, eta 24 komunikabideri lizentzia kendu diete. Kolpean zuzenean parte hartzeagatik 11.000 militar daude atxilotuta.
Kurdistan, berriz ere jomugan
Armadak, bere aldetik, Kurdistan bonbardatzeari ekin dio beste behin. Estatu kolpe saiakeraz geroztik lehen aldiz, asteazkenean jaurti zituzten bonbak PKK Kurdistango Langileen Alderdiaren aurka. Anadolu agentziaren arabera, Kurdistanen zalantzak sortu ditu ostiraleko kolpeak, bertako gatazkan izan dezakeen eragina dela eta.
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
Aberri Eguna elkarrekin ospatzeko xedez sortu zen Euskal Herria Batera plataforma. Aurten, ikusgarri bat eskainiko dute apirilaren 11n, Manex Fuchs antzerkilariaren, Lorea Agirre idazlearen eta Martxel Rodriguez dantzariaren eskutik.
1999an sortu zuten Udalbiltzaren sortzaileetako bat izan zen, eta erakundeko lehen presidente izendatu zuten urte berean. Ondarroako alkate izan zen hiru agintalditan, eta hango udalak eman du albistearen berri.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
Juan Bautista Bilbao Batxi idazleak barku batean egiten zuen lan, eta bere bidaietako kronikak bidaltzen zituen Euzkadi egunkarira. Horri esker, XX. mende hasierako mundu osoko kronika interesgarriak ditugu, euskaraz. 1915eko ekainean, hain zuzen, Murtzian egin zuen... [+]