Eskubide Sozialen Kartak mobilizazioak deitu ditu “eskubide sozialen murrizketa” salatzeko
"Murrizketa hauek dira Babes Sozialerako sistema eraisten ari direnak. Gero eta jende gutxiago babesten du eta prestazio gero eta baxuagoak eskaintzen ditu", salatu dute. Pobrezia sortzen duena prekarietatea dela azaldu dute.
Eskubide Sozialen Kartak maiatzaren 29an elkarretaratzea egin zuen Eusko Jaurlaritzaren Bilboko egoitzaren aurrean, mobilizazioak iragartzeko. Ekimen hauek, 31n Beatriz Artolazabal EAEko Enplegu eta Gizarte Polotiketako sailburuak Legebiltzarrean egingo duen aurkezpenaren testuinguruan kokatu dituzte: "Diru sarreren bermerako eta inklusio sozialerako sisteman egingo duen erreformaren neurriak iragarriko ditu 31n. Neurriok, orain arteko ildoari jarraituz, prestazioak jasotzeko baldintzen gogortzea ekarriko dutelakoan gaude, zoritxarrez. Azken urteetan etengabeko erasoak jaso ditu babes sozialerako sistemak. 2012az geroztik, aurrekontuetan %7ko murrizketa pairatu dugu eta gainera eskuratzeko baldintzak gogortu dira. Eta azken neurria, Gutxieneko Soldatarekin batera DSBE (diru sarrerak bermatzeko errenta) %8 ez igotzea izan da".
Bideoan ikusentzun daiteke argumentazio osoa:
Enplegu prekarioak sortutako pobreziaren datuak
"Gizartearen zati zabalegiak ezin ditu bere ongizatea babesteko gutxieneko baliabide ekonomikoak eskuratu. Bizi-baldintza oso kaxkarretan bizi diren pertsonak dira, ez kriminalak", diote kaleratutako bideoan. Eusko Jaurlaritzaren inkestaren datuak ematen dituzte. Horren arabera, ia 60.000 herritar bizi dira pobrezia egoeran eta hauek ez dute DSBE kobratzen. Pobrezia egoera gero eta zabalago hau lan baldintzen prekarizazioaren ondorio dela diote bideoan. "Langile prekarioek ez dituzte beharrezko diru-sarrerak lortzen eta behartuta daude prestazio sozialak eskatzera. 12.321 langile dira DSBE kobratzen dutenak, DSBEren hartzaileen %20". 15.706 pentsionistak ere bizi baldintza duinak izateko DSBE kobratu behar dutela azaldu dute: DSBEren hartzaileen %30. "Beraz, DSBE jasotzen duten herritarren %50en arrazoia ez da enplegu falta, baizik eta enplegu prekarioak diru-sarrera nahikoak bermatzen ez dituela eta pobreziara kondenatzen dituela".
"Erantzuleak"
"Pobrezia ez da krisiaren ondorio naturala. Lan-baldintzen kaskartzeak eta zerbitzu publikoak eraisteak, politika neoliberalaren logikari eta helburuei erantzuten diete, zeinak pobrezia behar duen eta pobrezia eragiten duen kapitalaren irabaziak handitzeko" salatu dute. Patronalak eta lan erreformak lan baldintzak okertzeko baliatzen dituztenak "pobreak sortzen" ari direla seinalatu dute. Eta pobrezia egoera hori "betikotzen" dutela adierazi dute "babes soziala eraitsi edota murrizten duenak eta erabiltzaileak kriminalizatzen dituenak".
"Babes sozialerako sistema publiko, duin eta kalitatezkoa" eskatzeko mobilizazioak
"Alternatiba" badagoela adierazi dute, eta ezaugarri hauek dituela aldarrikatzen duten babes sozialerako sistema publiko eta duinak: "Murrizten ez den sistema, bizi egitasmo aske eta autonomoak garatzea ahalbidetzen dituena, kalitatezkoa...". Hori eskatzeko mobilizazioak deitu ditu Eskubide Sozialen Kartak, "murrizketak aplikatzen dituzten politiken aurrean eta emergentzia sozial zein pobrezia egoera orokortuari buelta emateko". Mobilizazio bakoitzean gizarte eragile batzuk izango dira ardatza:
- Ekainaren 5ean Donostian: Pentsionista elkarteek deituta.
- Ekainaren 14an Donostian eta Bilbon: Erabiltzaileen elkarteek deituta.
- Ekainaren 22an Bilbon: Mugimendu feministak deituta.
- Ekainaren 29an Donostian, Bilbon eta Gasteizen: Sindikatuek deituta (ELA, LAB, ESK, STEILAS, EHNE, Hiru).
Su txikien itsasoa deituriko topaketak antolatu dituzte irailaren 30erako Ozaetan (Araba). Gizarte mugimenduko eragile guztiei luzatu diete gomita, "harremanak estutzeko", "sinergiak sortzeko" eta elkarren arteko "zoru komun eta erronken"... [+]
Irailaren 30ean Ozaetako GaraiON Sorgingunean "Su Txikien Itsasoa" ekimena burutko dute, konfluentzia espazio izan nahi duena. Eragile ezberdinen arteko aliantzen garrantzia nabarmendu dute.
Eskutitza osatzen duten erakundeek kontzentrazioa egin dute Nafarroako Parlamentuaren aurrean, Aurrekontu hauei ez! Pobretzearen aurrean, erreforma fiskala lelopean.
Euskal Herriko Eskubide Sozialen Kartak deituta, manifestazioak egin dituzte larunbatean Donostian, Bilbon, Iruñean eta Gasteizen. 15.000 lagun baino gehiago bildu dira, eta aberastasunaren banaketa, bizitza duinak eta prezioen kontrola exijitu diete Eusko Jaurlaritzari... [+]
Eskubide Sozialen Kartak deituta diru sarrera duinen aldeko ekimena egin dute Bilbon eta Iruñean. 1.400€ko gutxieneko soldatak eta 1.260€ko gutxieneko pentsioak exijitu dituzte. Adierazi dutenez, 2008an baino 103.000 herritar gehiago daude pobrezia egoeran... [+]
Mobilizazioak Gasteizen, Bilbon, Donostian eta Iruñean izanen dira, “soldaten, pentsioen eta gizarte prestazioen erosahalmena defendatzeko”.
Merkatua tenkatu eta bereganatzeko Amazon zer egiteko prest dagoen –eta zer egiten duen– ba al dakigu benetan? Pentsatu al dugu kontsumo eredu horrek ekartzen dituen kalteen inguruan? Horri buruz gogoetatzeko solasaldia antolatu du Behe Bidasoako Eskubide Sozialen... [+]
Iazko urtarrileko greba orokorrean parte hartu zuen pertsona bat epaitu dute ostegunean Gasteizko Epaitegietan. Autoritatearen aurkako atentatua eta lesioak leporatzen dizkiote, eta hemezortzi hilabeteko espetxe-zigorra eta kalte ordainak eskatu. Euskal Herriko Eskubide Sozialen... [+]
Eusko Legebiltzarra inguratu du Euskal Herriko Eskubide Sozialen Kartak, barruan eztabaidatu eta onartu den aurrekontu proiektuaren kontra protesta egiteko. "Aurrekontuak ez datoz bat herritarren lehentasunekin", salatu dute.
Abenduaren 13an milaka pertsona atera dira kalera Bilbo, Donostia eta Gasteizen, Euskal Herriko Eskubide Sozialen Kartak egindako deialdiari erantzunez, Jaurlaritzari aurrekontu sozial, parte hartzaile eta burujabeak eskatzeko. Azaroan Nafarroan mobilizatu ondoren, EAEn... [+]
Euskal Herriko Eskubide Sozialen Kartak eta Zaldibar Argitu plataformak “kalean erakutsitako kezka eta indarra epaitegietara eramateko garaia” dela azaldu dute. Erantzukizun “zehatzak” argitzea eskatuko dute herri akusazioan.
Legegintzaldi bat baina gehiago egin beharko genuke atzera, Eusko Jaurlaritzaren eta gehiengo sindikala osatzen duten ELAren eta LABen arteko ezin eramana analizatzeko. Baina ondorio bat garbia da: agintari politikoen eta langileen ordezkarien arteko arrakala handitzen ari da... [+]
Publikoa eta funtsezkoa zaindu, aberastasuna banatuz. Lehenik bizitza! lelopean mobilizazio anitzak deitu ditu Euskal Herriko Eskubide Sozialen Kartak ekainaren 19an Hego Euskal Herriko lau hiriburuetan.
Eskubide Sozialen Kartak deitu du mobilizaziora. Kartan bildutako eragile eta sindikatuek dokumentu bat osatu dute, “pertsona guztiak eta haien eskubideak erakundeen politiken helburu izan daitezen ezinbestekoak diren hainbat neurrirekin”.