“Eskualdean bizi, lan egin eta eragin nahi duen sarea gara”
Ikasturte amaierako ekitaldian, Beterri Saretuz ekonomia eraldatzailearen sareak orain arte egindako ibilbidearen berri eman du eta aurrera begira dituen asmoak azaldu:"Elkarrekin hurrunago joan gaitezke".
Ekonomia eraldatzaileko eskualde-sareak indartzen ari dira Euskal Herrian hainbat tokitan, eta Beterri-Buruntza eskualdean hiru urte daramatzate balio horietan oinarrituriko enpresa, eragile eta erakundeen ekosistema sortzeko "inurri" lanean –tartean da egoitza Lasarte-Orian duen hedabide hau ere–. Ostegun honetan, egindako ibilbidea jendaurrean azaltzeaz gain, aurrra begirako dituzte asmoak zedarritu dituzte Astigarragan.
Ekitaldi irekia egin du Beterri Saretuz ekimenak bere aurkezpenerako, eta bertan izan dira eskualdeko udal gehienetako alkate eta ordezkariak, baina Gipuzkoako Aldundiko Joseba Amondarain ere, Jakintza eta Enpresa Sustapenerako zerbitzuburua. Bere esanetan administrazioari "entzutea, sustatzea eta ikastea" egokitzen zaio eta zentzu horretan zorionak eman dizkio Beterri Saretuzi orain arte egindako lanagatik. Foru arduradunak nabarmendu du ekonomia eraldatzailea gorantz doan eredua dela eta "biderkatzen ez ezik, esponentzialki hazten" ari dela bere ustez.
Hain justu Elkarrekin biderkatzen leloa darama Beterri-Buruntzako sare honek: “Elkarrekin urrunago joan gaitezke, eta gaur egun jadanik existitzen diren proiektu eta baliabide horiek ezagutu, zabaldu eta biderkatu ditzakegu horrela”, azaldu du Maitane Barrenetxea kideak.
Aurtengo berritasun nagusietako bat "esperientzia trukeak" izan dira, enpresen arteko ezagutza partekatzeko saioak, laneko inklusioaren edo antolaketa ereduen inguruan. Horiek laburbiltzen dituen bideoa paratu dute Youtubeko euren kanalean:
Horrez gain, webgunea ere jarri dute martxan, sarea osatzen duten eragileen fitxa banarekin eta sarera batu nahi izanez gero eman beharreko urratsak azalduz.
Hezkuntza eragileak: diagnostikotik ekintza praktikoetara
Hurrengo urteari begira Beterri Saretuzek jarraituko du interkooperazioa lantzen eta ekonomia eraldatzaileko beste sareekin zubilana egiten.
Hezkuntza eragileekin ere harremana sakondu nahi dute. Aurten diagnostiko bat egiten dute eskualdean dauden hainbat hezkuntza zentroren inguruko informazioa bildu eta haien beharrak ezagutzeko. Hurrengo urteari begira praktikara igaro nahi dute: ekonomia sozial eraldatzailearen inguruko unitate didaktiko bat eginez, edo lanbide heziketako zentroen arteko feria antolatuz, besteak beste.
Azken batean, “eskualdean bizi, lan egin eta eragin nahi duen sarea” da Beterri Saretuz, Ainhoa Iribar koordinazio taldeko kideak azaldu duen gisan, eta ekosistema hori elikatzen eta indartzen segiko dutela garbi utzi dute Astigarragako ekitaldian.
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]
80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.
Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]
Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.
Hasiera batean, lehenengo ideia izan zen ekonomia... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]