Eskoziarrek beste erreferendum bat eskatu dute hautetsontzietan
Erreferenduma programan zeraman independentismoak gehiengo absolutua lortu du. SNP alderdia eta bere buru Nicola Sturgeon izan dira osteguneko hauteskundeetako irabazle nagusiak, baina Berdeen eserlekuak beharko ditu gehiengo absolutua osatzeko. Emaitzak ezagutu ondoren, Boris Jhonsonek Gales, Irlanda eta Eskoziako agintariak gonbidatu ditu “nazioen goi-bilera batera”, Erresuma Batuaren batasuna indartu asmoz.
Eskoziako Alderdi Nazionalak legebiltzarreko 129 eserlekuetatik 64 lortu ditu, gehiengo absoluturako bakarraren faltan. Berdeen alderdiak independentziaren aldeko jarrera argia du Eskozian, eta zortzi eserleku ditu. Bi alderdien artean, hortaz, erreferenduma bultzatzeko gehiengo absolutua dute. Hauteskundeetara aurkezten den hirugarren indar independentista Alba Party da, Alex Salmondek aste batzuk lehenago aurkeztu zuena, baina ez du ordezkaritzarik lortu –Eskoziako lehen ministro ohi izan zen Salmond SNPrekin, baina politika utzi zuen hainbat emakumek sexu abusuengatik salatu ostean–. Bigarren indar bozkatuena Alderdi Kontserbadorea izan da. 31 eserleku lortu ditu eta unionisten arteko lehian laboristei nagusitu zaio. Alderdi Laboristak gainbeheran jarraitzen du. Hamarkadetan nagusi izan zen indarrak 22 ordezkari izango ditu Eskoziako Legebiltzarrean.
Beste erreferendum bat?
“Argiak izan gaitezen Eskoziak ostegunean bozkatutakoaren inguruan. Eskoziako herriak alderdi independentistei Eskoziako Parlamentuan gehiengoa emateko bozkatu du. Orduan, erreferendum bat ezin da deskribatu nire edo SNPren eskaera soil gisa”, adierazi du Sturgeonek emaitzak ezagutu ondoren. Erreferenduma bultzatzeko asmoa berretsi du, “behin COVID-19aren krisia atzean utzita”. Orain galdera nagusia da erreferendum hori noiz eta nola planteatuko duen independentismoak, eta Londresek onartu ezean zer egingo duen. Berdeek zein SNPk Londresekin adostuta egitea lehenesten dute, baina Jhonsonek hauteskundeen aurretik argi adierazi du ez duela horrelakorik baimenduko.
Jhonsonen erreakzioa
Emaitzak ezagututa Britainia Handiko lehen ministro Boris Jhonsonek “nazioen goi-bilera” batera gonbidatu ditu Eskoziako, Ipar Irlandako eta Galesko buruzagi politikoak. Helarazi dien gutunean, bileraren helburua “erronka komunei” aurre egitea dela azaldu die Jhonsonek. Erronka horiei aurre egiteko “hurrengo hilabete eta urteetan elkarrekin” lan egitera gonbidatu ditu, “elkarrekin lan egiten dugunean herrialdea hobeto zerbitzatzen” dela azpimarratuz.
Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.
Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.
Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.
Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]
Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak
Eskoziako Parlamentuan egindako hitz hartzean eman du horren berri Nicola Sturgeon Eskoziako Lehen ministroak. Aurkezpenean, kritikatu egin du Erresuma Batuko Gobernuak orain arte ukandako "blokeo jarrera".
Sturgeon presidenteak erreferendum “legezkoa” agindu du, Erresuma Batuaren baimenik gabe balitz ere. 2023rako aurreikusten du gobernuak erreferenduma.
Abogatu bezala egiten du lan Txema Monterok. "Nere defendituren batek Frankismoan inork baino denbora gehiago darama... [+]
Elisenda Casañas Zuzenbidean lizentziaduna da Bartzelonako Unibertsitate Autonomoan. Bere tesiak Eskozia-Britainia Handia eta Katalunia-Espainia bikoteak alderatu zituen. Katalandarra izateak, baina ama eskoziarra edukitzeak modu berezian biribiltzen du bere... [+]
2014ko erreferendumean egin zen galdera bera izango du Eskozian egingo den bigarren erreferendumak: “Eskoziak herrialde independentea izan behar luke?”. Eskoziako Gobernuak erreferendumaren lege proiektua aurkeztu duen egunean, independentismoari garaipena eman dio... [+]
Eskozian independentismoak gora egin, eta Eskoziako Alderdi Nazionala, SNP, maiatzean egingo diren hauteskundeetan gehiengo osoa lortzeko bidean da, inkesten arabera. Bigarren indyref-a momentuma indartzen ari ote da?
Eskozian independentziari buruzko bigarren erreferenduma deitzeko eskumenak eskatu zituen abenduan Eskoziako lehen ministroak, eta ofizialki erantzun dio orain Erresuma Batuko lehen ministroak: eskumenak ukatu dizkio. Independentziaren alde 80.000 lagun batu dituen Glasgowko... [+]
Independentziaren aldeko zortzi martxa iragarri zituzten 2020rako, eta larunbatean egin dute lehena Glasgow hirian. 80.000 lagun atera dira kalera antolatzaileen arabera.
Brexita gauzatzeko aukera eskura du Lehen Ministro eskuindar Boris Johnsonek, Alderdi Kontserbadoreak gehiengo absolutua lortu ostean. Alderdi Laboristak 85 urtean izan duen emaitzarik eskasena eskuratu du. Eskoziako Alderdi Nazionala da hirugarren indarra Erresuma Batuko... [+]