Eskoziako Gobernuak independentziaren aldeko kanpaina abiatu du
Sturgeon presidenteak erreferendum “legezkoa” agindu du, Erresuma Batuaren baimenik gabe balitz ere. 2023rako aurreikusten du gobernuak erreferenduma.
“Independentziaz hitz egiteko garaia da”, adierazi du asteartean Nicola Sturgeon Eskoziako lehen ministroak. Eskozia 2014ko erreferendumaren garaian baino “prestatuagoa” dagoela iritzi dio Sturgeonek, eta erreferenduma herritarren nahia dela –2021eko maiatzean egin ziren parlamenturako hauteskundeak Eskozian, eta independentismoak gehiengo absolutua lortu zuen–.
Etorkizuneko erreferendumari begira gaurdanik independentziaren aldeko argudioak bilduko ditu gobernuak, eta asteartean horietariko lehena aurkeztu du Sturgeonek, Aberatsago, pozago, bidezkoago. Zergatik ez Eskozia? izenekoa. Sturgeonek defendatu du Eskoziari mesede egingo liokeela independentziak, baina edonola ere hautuak “informatua” izan behar duela.
2023an, baimenarekin edo gabe
Erreferenduma 2023 urtea amaitu aurretik egitea aurreikusten du gobernuak. Lehen urratsa Eskoziako Parlamentuan hori jasotzen duen lege proiektua aurkeztea litzateke. Hori da SNP Eskoziako Alderdi Nazionalak urtarrilean aurkezturiko asmoa, eta Sturgeonek azaldu du aste batzuetan “eguneraketa garrantzitsua” aurkeztuko duela. Orain arteko bideari eutsiz gero Sturgeonek Erresuma Batuko lehen ministro Boris Johnsoni eskatuko lioke erreferenduma egiteko baimena, eta Johnsonek ezezkoa emango luke. Baimenik ezean, ordea, “legezko” erreferenduma agindu die Sturgeonek herritarrei: “Aurrera jarraitzeko legezko bide bat ezarriko dut, beharrezkoa baldin bada. Erresuma Batuko Gobernuak ez ditu demokrazia eta Zuzenbidezko Estatua errespetatzen. Eskoziako Gobernuaren buruak adierazi du Erresuma Batuko lehen ministroak ez duela “autoritate demokratikorik Eskozian, ezta gehiengo moralik inon ere”.
Unionistak, aurka
Sturgeonen iragarpenaren aurrean, Johnsonek adierazi du ez dela “garaia” erreferendumak sustatzeko. Eta Eskoziako Alderdi Kontserbadoreak zein Alderdi Laboristak Sturgeonen “obsesioaz” mintzatu dira, erreferendumaren legitimitatea auzitan jarri nahian.
Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.
Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.
Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.
Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]
Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak
Eskoziako Parlamentuan egindako hitz hartzean eman du horren berri Nicola Sturgeon Eskoziako Lehen ministroak. Aurkezpenean, kritikatu egin du Erresuma Batuko Gobernuak orain arte ukandako "blokeo jarrera".
Abogatu bezala egiten du lan Txema Monterok. "Nere defendituren batek Frankismoan inork baino denbora gehiago darama... [+]
Elisenda Casañas Zuzenbidean lizentziaduna da Bartzelonako Unibertsitate Autonomoan. Bere tesiak Eskozia-Britainia Handia eta Katalunia-Espainia bikoteak alderatu zituen. Katalandarra izateak, baina ama eskoziarra edukitzeak modu berezian biribiltzen du bere... [+]
Erreferenduma programan zeraman independentismoak gehiengo absolutua lortu du. SNP alderdia eta bere buru Nicola Sturgeon izan dira osteguneko hauteskundeetako irabazle nagusiak, baina Berdeen eserlekuak beharko ditu gehiengo absolutua osatzeko. Emaitzak ezagutu ondoren, Boris... [+]
2014ko erreferendumean egin zen galdera bera izango du Eskozian egingo den bigarren erreferendumak: “Eskoziak herrialde independentea izan behar luke?”. Eskoziako Gobernuak erreferendumaren lege proiektua aurkeztu duen egunean, independentismoari garaipena eman dio... [+]
Eskozian independentismoak gora egin, eta Eskoziako Alderdi Nazionala, SNP, maiatzean egingo diren hauteskundeetan gehiengo osoa lortzeko bidean da, inkesten arabera. Bigarren indyref-a momentuma indartzen ari ote da?
Eskozian independentziari buruzko bigarren erreferenduma deitzeko eskumenak eskatu zituen abenduan Eskoziako lehen ministroak, eta ofizialki erantzun dio orain Erresuma Batuko lehen ministroak: eskumenak ukatu dizkio. Independentziaren alde 80.000 lagun batu dituen Glasgowko... [+]
Independentziaren aldeko zortzi martxa iragarri zituzten 2020rako, eta larunbatean egin dute lehena Glasgow hirian. 80.000 lagun atera dira kalera antolatzaileen arabera.
Brexita gauzatzeko aukera eskura du Lehen Ministro eskuindar Boris Johnsonek, Alderdi Kontserbadoreak gehiengo absolutua lortu ostean. Alderdi Laboristak 85 urtean izan duen emaitzarik eskasena eskuratu du. Eskoziako Alderdi Nazionala da hirugarren indarra Erresuma Batuko... [+]