Eskoletako Urmaelen Sarea 33 ikastetxe eta hiru campusetara zabaldu da eta erronka berriak ditu helburu
Gero eta gehiago dira ikastetxean bertan putzua sortzera animatzen direnak, eskolan ingurumena eta bioaniztasuna lantzeko helburuz. Dagoeneko 33 ikastetxe eta hiru campus daude Urmaelen Sarean, eta urmael horietan egin daitezkeen jardueretan sakontzea da orain xedea: UrmaEltxo proiektua egin dute aurten, eta erronka berria dute hurrengo ikasturterako.
2020an aurkeztu zuten Eskoletako Urmaelen Sarea. Zepadiko putzuak izan ziren sorturiko lehenak, Ereñotzu Hernaniko auzoko Txirrita Eskolako hezkuntza komunitateak. Ikasleekin espezieak, bioaniztasuna, ingurumena… lantzeko erreminta didaktiko aproposa direla jabetuta, 33 ikastetxe (31 EAEkoak eta bi Nafarroakoak) eta EHUko hiru campus batu dira urteotan sarera. Erreportaje honetan kontatu genuen moduan, ikasgelako teoriatik praktikara salto egiteko laborategi natural ezin hobea dira batetik, eta hezeguneak berreskuratzeko ekintza aberasgarria dira bestetik.
Sareko kideek Topaketak egin berri dituzte, eta batzuen eta besteen esperientziak partekatzeaz gain, aurten egindako UrmaEltxo proiektua izan dute mintzagai. Neiker-ek eltxoen laginketa zientifikoa egiteko protokoloa prestatu zuen, eta hainbat ikastetxek protokoloa baliatu dute, eskolako putzuan zenbat eltxo dauden eta eltxoak metamorfosiaren zein fasetan dauden aztertzeko, besteak beste. Metamorfosia ikusteko gailua izan dute gainera ikastetxeek: eklosionadorea. Larba eklosionadorean sartu eta metamorfosia nola egiten duen ikus daiteke. Gero, Neikerrera eltxoa bidali eta bueltan jaso dute zein espezietako eltxoa den, eltxoen Euskal Herriko mapa egiteko baliagarri. Sare trofikoan eltxoek duten rola eta beste ere landu dute ikastetxe hauetan.
Testuinguru berri bat dugu Euskal Herrian, urmaelak dituzten ikastetxe ugari ditugu, eta horrek ikerketarako eta proba pilotuak egiteko aukera handiak ematen ditu
Hurrengo urtera begira, beste erronka bat ere badute eskuartean: Aranzadik lortutako dirulaguntza baten zatia bideratuko du urmaeletan laginketa behar bezala egiteko materiala ikastetxeetan banatzera. Material horrekin, urmaeletako bioaniztasuna aztertu ahalko dute egitasmora batzen diren sareko ikastetxeetan, horretarako landuko diren protokoloen bidez. Batzuek eta besteek bildutako datuak ikerketa baterako ere erabiliko dira.
“Sarea asko handitu da, eta gainera Haur Hezkuntzatik hasi eta Batxilerreraino doazen ikastetxeak ditugu; bere erritmoan jarraituko du sareak handitzen, baina guk orain taldea egonkortzen jarri nahi ditugu indarrak, jarduera, proiektu eta metodologiak proposatzen, putzuen lanketan sakontzen jarraitzeko”, azaldu digu Iñaki Sanz-Azkuek. Urmaelen Sareko sortzaileetako bat eta Ingurugelako kide da bera.
Sarearen hedadurak ate berriak ireki dituela ere kontatu digu Sanz-Azkuek: testuinguru berri bat dugu Euskal Herrian, urmaelak dituzten ikastetxe ugari ditugu, eta horrek ikerketarako eta proba pilotuak egiteko aukera handiak ematen ditu. Ildo honetan, gakoetako bat da EHU sarera batu izana.
Memoria eta Bizikidetzako, Kanpo Ekintzako eta Euskarako Departamentuko Memoriaren Nafarroako Institutuak "Maistrak eta maisu errepresaliatuak Nafarroan (1936-1976)" hezkuntza-webgunea aurkeztu du.
570.000 familiak euren haurren ikasgeletako hizkuntza nagusia zein izango den bozkatzeko aukera dute martxoaren 4ra arte: gaztelera edo katalana. Garikoitz Knörr filologoaren eta euskara irakaslearen arabera, kontsultak "ezbaian" jartzen du katalanaren zilegitasuna... [+]
Uribe Kosta BHI institutuko hainbat ikaslek salatu duenez, mezu "iraingarriak, matxistak eta homofoboak" jaso dituzte Batxilergoko beste ikaskide batzuengandik. Horrez gain, gaineratu dute mezuak irakasle bati ere bidali dizkiotela eta beste ikasle batzuen... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Euskal hezkuntza sistemaren itunpeko eskolen gainkontzertazioa eta zentro pribatuen umeak hartzeko gaitasuna beherakada demografikoari eta biztanleriaren klase osaketari egokitu behar dira.
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Nola azaldu 10-12 urteko ikasleei bioaniztasunaren galerak eta klima aldaketaren ondorioek duten larritasuna, “ez dago ezer egiterik” ideia alboratu eta planetaren alde elkarrekin zer egin dezakegun gogoetatzeko? Fernando Valladares biologoak hainbat gako eman dizkie... [+]
Une delikatua igarotzen ari den zure lagun minak Taylor Swiften kontzertura joatea proposatu dizu, baina kide zaren elkarte ekologistak elkarretaratzea deitu du, abeslariak sortuko duen kutsadura salatzeko; nora joango zara? Dilema etiko horri erantzun diote gazteek, baita... [+]
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Araba, Bizkai eta Gipuzkoarako Hezkuntza Lege berria onartu zenetik, aurrerantzean hezkuntza doakoa izango dela behin eta berriro entzuten/irakurtzen ari gara. Eragile desberdinei entzun diegu, baita Hezkuntza Sailari ere, eta hedabideei eskaintzen dizkiegun elkarrizketatan... [+]
Boterea eskuratzeko modu asko dago; denak ez dira politak. Bada boterea eta horrek berarekin dakarren erantzukizuna banatu nahi duenik, agintea bilatzen duenik. Beste batzuek errespetu lar diote eta pauso bakoitza hainbeste neurtuta ez dira gai erabakirik hartzeko. Boterea zer... [+]
Matematika, zientzia, euskara, gaztelania eta ingelesa konpetentzietan EAEko ikasleek duten maila neurtzen duen ebaluazio diagnostikoaren emaitza festan, 13-14 urteko ikasleek zientzia eta gaztelanian izan duten deskalabrua "zuhurtziaz" gogoetatzeko beharra adierazi... [+]
Otsailaren 3an hasi da gure umeak eta gaztetxoak eskoletan aurre-matrikulatzeko garaia, eta urtero bezala gogoratu nahi genizueke zergatik ez zaigun ideia ona iruditzen erlijioan matrikulatzea. Iaz artikula bukatzen genuen esanez “askori idazki hau ezaguna egingo zaizue,... [+]
Tranbia txiki Arratia Institutuko Guraso Elkartetik pantailen erabileraren inguruko hausnarketa bultzatu nahi dugu ikas komunitatean.
Azkenaldian kezka handia dago ume eta nerabeengan pantailek duten eragina dela eta. Ardura hori etxeko erabileratik eskola eta institutuetako... [+]