Eskolaldi jarraitua, zeinen mesedetan?
Eskolaldi zatitutik jarraitura igarotzeko hainbat ikastetxeren erabakia zalaparta eragiten ari da Nafarroan. Salaketa egin du guraso talde batek: Haur Hezkuntzatik ikasleei eskolaldi jarraitua eginaraztea da jarraian ordu gehiegi sartzea, berandu bazkaltzea, bizikidetza apurtzea eta ikasleen arteko arrakala areagotzea.
Iruñeko Amaiur ikastolako guraso talde batek kritikatu du eztabaidarik gabe hartu duela erabakia zuzendaritzak. “Esan digute arratsaldeko orduak ez direla oso eraginkorrak, baina argudiorik ez dute eman; aldiz, umeak sei orduz jarraian eta 25 minutuko atsedenaldiarekin eguerdiko orduetan erabat kontzentratuta egonen direla uste dute”. Guraso taldearen esanetan, ikerketa zientifikoek agerian jartzen dute goizeko azken orduak arratsaldekoak baino neketsuagoak eta arreta gutxiagokoak direla.
Eragozpen gehiago ere ikusten dute gurasoek: berandu bazkalduko dute ikasleek; 3 urteko haurrek adibidez 14:00etan, eta hirugarren txandako ikasleek, 14:45ean. Jantokia ikasle gutxiagok erabiltzea eta zerbitzuaren prezioa igotzea ere ekarriko du, diote.
Eta kritika gehiago: eskolaldi jarraituan, goizetan irakasleek ordutegia beteago dute eta arratsaldetan ez daude ikastetxean, "koordinazioak okerrera egingo du". Arratsaldetan irakasleen %25a baino ez litzateke egongo, eskolaz kanpoko jardueretarako.
"Kohesioaren kontra doa"
Guraso taldearen hitzetan, eskolaldi jarraitua ez da inklusiboa, egoera ahulenean dauden ikasleei kalte egiten die, baita malgutasun txikiagoa duten familiei ere. Azken finean, arratsaldez horiek baino ez lirateke geratuko, ikastordu gehiago sartuz, eskolaz kanpoko jardueretan –aukera ematen baita familien erabakiaren arabera ikasleak etxera bazkaltzera joan daitezen, bazkalostean joan daitezen etxera, edo arratsaldeko eskolaz kanpoko jardueratara geratu daitezen–. Eskolaz kanpoko jarduera horiek interes gutxikoak direla azpimarratu dute gurasoek, ahalik eta ikasle gutxienek eman dezaten izena.
Aldi berean, 16:30etik aurrera patioa elkargune gisa galtzen da eta hortaz, “gizarte-kohesioa eta hezkuntza-komunitatea sortzen dituen bizikidetza ingurune” hori galtzen da, “familia eta maila guztietako ikasleen topagunea”.
Eskolaldi jarraituarekin, irakasleak eta ordutegi jarraituarekin aritzeko arazorik ez duten familiak ateratzen dira irabazten, eta oro har ikasleak dira galtzaile, guraso taldearen esanetan. Gainera, salatu dute ez dagoela prozedurarik eskolaldi jarraitua finkatu ostean zatitura itzultzeko. Astearte arratsalde honetan, elkarretaratzea deitu dute Karlos III.ean Diputazio parean, 17:30ean. “Eskolaldi jarraitua eztabaida eta irtenbiderik gabe, horrela ez!” lelopean, guraso eta jantokietako langileek deitu dute kontzentrazioa.
Guraso taldeak argitaratu duen bideoari erantzunez, Iruñeko San Frantzisko eskola publikoko esperientzia kontatu du guraso batek. Eskolaldi jarraituak hezkuntza komunitateko sarea puskatu duela nabarmendu du, arrakala sozioekonomikoa areagotu duela, guraso guztien nahia bihurtu delako ahalik eta goizen bukatzea seme-alabek eguneko eskola jarduna –ahal bada bazkal aurretik, bestela bazkalostean, eta ezin dutenen seme-alabak geratzen dira arratsaldez–.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Eguneroko abiadura itogarritik atera eta eskola-proiektua amesteko, gogoetatzeko denbora hartzea aldarrikatu dute solaskideek, Superbotereak liburua aurkezteko mahai-inguruan. Patxadatsu aritu dira, hain justu, eraldatzeaz, inpotentziaz, ilusioaz, eskola bakoitzak egin beharreko... [+]
EHUko errektoretzarako hauteskundeak irabazi ditu Bengoetxearen hautagaitzak, botoen %63,6 lortuta. Beste taldeak berriz, Eva Ferreirarenak, botoen %36,3 jaso du. Parte hartzea %21,9koa izan da eta gora egin du aurreko hauteaskundeekin alderatuta
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen... [+]
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Larraulgo eskolan da hitzordua, azaroaren 27an, 17:30ean. 'Superbotereak' liburuaren egile Koldo Rabadan ez ezik, hitzaurrea idatzi duen Nora Salbotx eta hainbat kide izango dira mahaiaren bueltan: Ainhoa Azpirotz (Hik Hasi-ko koordinatzailea), Irati Manzisidor... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Egunik goibelenetan ere, Larraulgo (Gipuzkoa) eskolako ateak ireki orduko irauli egiten da aldartea. Haurreskolako haurrengandik gertu, metro eskasera dago liburutegi-txokoa. Ordenagailuaren parean topatu dugu neskato bat, entzungailuak jantzita, arkatzez idazten eta koadernoari... [+]
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Hezkuntzaren Soziologian bada galdera klasiko bat: zertarako existitzen da hezkuntza sistema gizarte batean? Galderari emandako erantzunak ugariak dira, eta aldatuz doaz garaiaren arabera. Baina horien artean nabarmentzekoak ondoko hauek izan ohi dira: eskolak nagusiki... [+]
Bi ordu edo bi ordu eta erdiz haur eta gazte andana hartzen ditu jantokiaren tarteak eskoletan. Jateko, jolasteko eta elkarbizitzeko espazio horretan jantokiko arduradunak esku hartzeko dituen mugez, jarraitzen diren irizpideez, begiraleen rolaz eta duten formazioaz arituko... [+]
.jpeg)
Azaroak 20an, Haurren Nazioarteko Eguna, ikastetxe sarreretan krespoi belzdun bandera palestinarra eta bi zapata pare jartzea proposatu du hezkuntza arloko ekimen herritarrak. Azaroaren 30etik urtarrilaren 31ra bitartean haur palestinarrentzako elkartasun mezuak jaso eta ondoren... [+]